زلال الشــعر

[سلطان بن ربيعان]

ماني على خبرك ولا أنتي على خبري =وسحابة الوسم عدت مع مواسمها

أنا دخيل الغرام وطيفك وعذري =وأهات من جفوت الأيام كاتمها

قولي لعين الغرام اللي قرت شعري =فكيت شفراتها وزحمة طلاسمها

وليل ٍ تجمد على أطرافها يسري =وصبح ٍ جفاها بنوره لا يخاصمها

تعبت أعيش بطريق (اللي عشق) عبري =وتعبت أنا جي نجوم الشوق وأرسمها

والنفس وأن حدها طريقه الجبري =الحظ مع دورت الأيام خادمها

ما قدر الله على كل الملا يجري =حتى الغرابيل بين الناس قاسمها

دفنت دنيا الهوى يا زين من بدري =وطمست في خافقي باقي معالمها

أخذي زلال الشعر من شاعر ٍ عصري =وينظم على بحوره أحدثها وأقدمها

وان كان قد قلت لك يا روحي وعمري =تراه نفسي من الغربال أكلمها

[تعبك راحه]

صح لسانك اخوي سلطان على هالقصيده

[سلطان بن ربيعان]

نعبك راحه


لاهنت طال عمرك صح بدنك

[سلطان بن ربيعان]

اخوي سلطان السلام عليك

اولا صح لسانك

ثانيا وانا اخوك عندي ملاحظه على هالشطرين

جيتك على طاولـة العابـك احسمهـا
الوزن مكسور

قولي لعين الغلا اللـي قـرت شعـري

وهنا بارضه

اناواثق ميه بالميه انك تقدر تجيبه صح لكن يمكن مر سهو او خطى املائي
وحنا هنا في قصائد الاعضا نحرص على التناصح والفائده ولايمكن نعدي قصيده الا اذا مرت علينا لانا مازلنا نتعلم
والقصيده التي فيها كسور تنقل لقسم المواهب
وقصيدتك حرام كلها جزله مافيها غير هالاشطر ياليت تعدلها او تسمح لي بتعديلها لان بقائها هكذا مو حلو في حقك ولا حق القسم

والف هلابك ونطالبك بتواجدك اكثر وجديدك اكثر فانت شاعر باين ماشاء الله عليك جزل

تحيتي لك اخوك عبدالله مرزوق المرشدي


انت على حق ,,, وانا على حق


انت على حق لانك ماقريت البيت مثل مانااا كتبته او انطقه بشكل اصح


انا مستعد اقول ( قولي لعين الغرام اللي قرت شعري) ويصير ماعندك مشكله فا النطق لاكن مابي التكرار للغرام
اللفظ العين يمكن مانطقته با الشكل المطلوب
بعد الغلاا وقفه بسيطه

جيتك على طاولة العابك احسمهاا

ما اشوف فيها اي كسر او عسر في اللفظ

على العموم القصيده ذي ناشرهاا في جريدة الرياض
واعتقد ان الاخوه القائمين على جريدة الرياض ماينشرون قصيد مكسر

[عبدالله المرشدي]

اخوي سلطان

عطيتك رايي بالخاص مابغيت احطه هنا اشوه منظر القصيده

لكن مادامك حطيته هنا

ننتظر راي مسئولي الشعر ومستشاريه وانا باللي يحكمون فيه جايز اكون غلطان

[سلطان بن ربيعان]

انا ماعرضت قصدي هنا عشان صح لسانك وبس


والله ماعرضتهاا االا لنقد

وانت شاعر كبير يوخذ برايه

لاكن القصيده مافيها اي كسر او عسر

ربماا في نطقك للعين او الغلااا

[ابن مسلم]

قولي لعين الغلا اللـي قـرت شعـري


الاخ
سلطان بن ربيعان

صح لسانك

الشطر اعلاه مكسور
وايضا هناك ثقل في بعض الابيات

من وجهةنظري الشخصيه والله اعلم

[ناصر الحربي]

صح لسااانك ياسلطان

نص يحمل من الابداع الكثير والكثير

لكن الشطر ادناه ياليت تعيد النظر فيه

قولي لعين الغلا اللـي قـرت شعـري



تقبل حضوري وكل الود

[مسفر الجعيد]

سلطان

صح السانك مدد بلا عدد

نص يحمل مضمون راااااااااائع

تحياااااااااااااتي

[قوت القلوب]

سلطان الربيعان صح لسانك على هذه القصيده
ودمت بود

[ذيب الينوفي]

سلطان صح لسانك


وبانتظار جديدك


لاتبخل علينا

[سلطان بن ربيعان]

ماقصرتوو


نصيحه ان مافادتني ماضرتني

المشكله يمكن في نطقكم في بعض الكلمات او يمكن انه مكسور فعلاا

على العموم غيرت الغلااا للغراام

وحذفت البيت اللي يقول عنه الشاعر عبد الله مكسور

واللعبة اللي تشكل نردها صبري =جيتك على طاولة العابك احسمها

والقصيده منشوره في مجلة قطوف وفي جريدة الرياض

يمكن شفتوو كسر مانتبهوله

تحياتي لكم اخوكم سلطان