كل عام وانتم طيبين

[ناصر الحربي]

كل عام وانتم بخير المعذره على قصر المعايده.. لكن يعلم الله اني دخلت ابعايد وانا مستعجل .. وتفاجئة بعدم وجود شريط الاهداءات ولابغيت اطلع الا معايدكم .. كل عام وانتم بخير .. وعسى ايامكم ولياليكم كلها افراح




جيت ابا عايد عليكم كنت ابهدي بالشريط= كنت ابكتب كل عام بخير وانتم طيبين
لكن انني مالقيته والأمر عندي بسيط = نصخر بيوت القوافي للرجال الغانمين
نصخر القاف الجزيل ويركد البيت السليط= ثم اعايد كل عام بخير وانتم سالمين

[ناصر بن سعدي]

الغالي ,,

ناصر الحربي ,,

وافي وعلومك غانمه ,,,

وكل عام وأنت بصحه وسلامه ...وعيــد سعيــد ,,


وعساكم من عواده ,,

ومعايدتك وصلت ,,وودي أجاريك على قافك ,,بس مثلك مستعجل ,,

ولكن هذه بيتين لـ كل غالي ,,


مدري منين أبدأ..؟ومدري وش أقول..؟=عشـان أبـارك لـك وأهنيـك بالعيـد
ياللي غلاك يـزود بالعـرض والطـول=جعلك بخير وياعسـى عيـدك سعيـد

[ولــ منجوم ـــد]

مستشارنا القدير
ناصر الحربي

مديرنا الرااااائع

ناصرابن سعدي

كل عام وانتم بخير ياالغالي

وعساكم من عواده انتم وجميع اعضاء هذا الصرح الشامخ

تحياتي

[إبن ثعلي]

كل عام وانت بخير يااخ ناصر الحربي ومن العايدين ولايهون ابن سعد اللي ثنا دوننا
وكل عام والجميع بخير

[عبدالله المرشدي]

الاخ الشاعر القدير

ناصر الحربي دايم سباق للواجب

كل عام وانت بخير


ياناصر بن دليم عيدك مبارك= عسى عليك يعود في كل عامي
في عيد الاضحى لاحضرنا نشارك=بالتهنيه للغانمين الكرامي
التهنئه تخصك انته وغارك=للمنتدى من غير ذكر الاسامي

[ابن مسلم]

الآخوه الكرام

ناصرالحربي

ناصربن سعدي
ابن ثعلي

ولد منجوم
عبدالله المرشدي
جميع الاعضاء والزوار
كل عام وانتم بخير وسعاده

واليكم هذه المشاركه وارجوا ان لاتكدر صفو فرحكم بالعيد



حظي لياقلت كنه هالسنه وجه= صكات بقعاء يجنه ثم يصكنه
حتى مساءالعيدمايسلم من الرجه= من قدم وخلاف وجنوبه يشوتنه
بيبان وقتي عليه دوم منفجه= وكل إقشرن لالفاهن مايردنه
الفكر منداش مايخلى من السجه= يشوف شيٍ عيوني مايشوفنه
ماينفع الصوت فاللي فات والصجه= والحمد (ل)الله في ماأرد والمنه

ابن مسلم

[البارع]

كل عــــــــــــــــــــــاااااااااام وانتم بخير للجميع.........

وصح لسان كل من:
1.ناصر الحربي
2.ناصر ابن سعدي
3.عبدالله المرشدي
4.ابن مسلم

بس ياخوي ابن مسلم والله يا نت محبط يارجال فرفش ترا

الدنيا ماتسوى....والدعاوي كلها سهود ومهود ....

شده وتزول على ماقال المثل در ج درج وعلى الله الفرج


تقبلو تحياتي جميعا والله يعيده علينا وعليكم بالخير

والمسرات وابن مسلم مايخلي عوشقه مايطمرها امتعافي....

[مشاعر حالمه]

ناصر الحربي

كل عام وانت بصحه وسلامه وعيدك مبارك وسعيد هالعيد وكل عيد

تحيتي لك / مشاعر حالمه