على آآخـــر حــرف [الأرشيف] - الصفحة 2

عبدالله المرشدي

03-12-2008, 01:42 PM

حين يبداالحجز وتباع التذاكـر=من بقى من شارد القيفان رده
عطني الزايد ليا جيت بتسافـر=لجل راسي يستوي فوق المخده
واكد العنوان من شان الدكاتـر=كـل بـابٍ للقوافـي ماتسـده
فيه مسلم لا بعد موجود كافـر=خلق ربي لـو بغينـا مانعـده
كل مخلابٍ تعلى فـوق حافـر=ياكثر مافيه من مـده وشـده
وانت لامنك لقيته جاي كاسـر=ودي انك يم مشرافـي تحده

عبدالله المرشدي

شذى العصمه

03-12-2008, 02:09 PM

هذا الحنان اللي له القلب محتاج

ارجوك زيدي بالعطاء واحتويني

صبري دواء لمعذب القلب وعلاج

من بين كل الناس لك قربيني

نرسم لنا في عالم الحب منهاج

دنيا الخيال وعالم العاشقيني

انعم من الديباج وابيض من العاج

قلوب يجمعها الوفا طاوعيني

معنى السعادة ترسمه ضحكة حجاج

غطى بحنان الود باقي سنيني

وان كان شغفي في وصالي لك احراج

في صمت احبك بين قلبي وبيني

طلال السعيد

عبدالله المرشدي

03-12-2008, 02:42 PM

ياقصيدي عاد لاتقعد تصيـح
مايجيب الصوت من صابه صمم
نام ياقافـي وخلـك مستريـح
ماحـدٍ يمـك تغطـى ثـم نـم
شوفني مثلك على شانك طريح
احتمي بيتك واقاسمـك الالـم
لاكتبت الشعر ودي بالفصيـح
ولادعاني قلت له حاضر وسـم
اكتب الابيات بحساسٍ جريـح
ان تطرقـت الغـزل والا حكـم
وجد والا نصـح والا بالمديـح
هاجسي لامن طلبته قـال تـم
مايعيبه لو وصفت ابه المليـح
اوكتبته في مـدح راع الهمـم
ارفع القيفان عنـدي ماتطيـح
دايما تاقف على سـاق وقـدم
هكذا دايم يجي شعري صريـح
ويتعلى بي علـى روس القمـم
بالنهايه مايصـح الا الصحيـح
تسقط القـوات لاطـاح العلـم

عبدالله المرشدي

شذى العصمه

03-12-2008, 02:59 PM

ماخسرتك لا وربي ماخسرتك

النجوم ان طاحت ابرد للسمــاء ..

منقول

عبدالله المرشدي

03-12-2008, 03:06 PM

والله لتبطين وانتي في خفوقي=جالسه باقصى الضلوع متكيه
ادفعي قيمة وجودك بمعلوقي=كان للمال الحلال مزكيه

عبدالله المرشدي

شذى العصمه

03-12-2008, 03:44 PM

الله عليــــــــك

هو ماذكر .. ان الجفا فيه كسره

للخافق اللي من هوى صاحبه ذاب

ياما سهر ..طرفي على حبس عبره

أردهــا والوجــــــد للدمـــع جذاب

دمع حدر جاله على المنع جسره

عظيم وجدي للدمع تسرع الباب

يوم وشهر عزاه والعمـــر مــره

والناس واجد لكن الولف غلاااب

دايم اسيف

عبدالله المرشدي

03-13-2008, 08:06 AM

يانجمة الصبح عاليت المراقيبي=ياعفةٍ في بياض الطهر مكتوبه
يآية الحسن في وصف التعاجيبي=في صورةٍ من بنات الحور مسحوبه

المرشدي

عــمـــر

03-13-2008, 08:20 AM

هذا محله قلبي واسعد بلقياه ... اقلّطه في صدر قلبي وهلّيه
ارحب هلا واهلاٍ وننحر له الشاه ...ونقدّم الفنجال والهيل حاليه

!!

منقول

عبدالله المرشدي

03-13-2008, 09:43 AM

هذا كلامي مايجي به وشاويش=لا من فكري من جفى صاحبه طاش
رد الثنا بالشكر ماهوب تطنيش=كلمة وفا لا قلتها تبرد الجاش
ماقلت بدي شين والا مابديش=كلمة بدت من خاطري قلتها كاش
ياصاحبي لاصار بالفكر تشويش=يسج من كيفه ويضرب على ماش

شذى العصمه

03-13-2008, 09:53 AM

شربت المر لجل اعرف الا من طحت وشهو المر

واحــــــاول ... قــــد ما اقــــدر اخلي المر حالي ...

سعد اشعلاني

نسمة غلا

03-13-2008, 10:09 AM

يا روح روحي بطلب الله يحميك=ويجعلك تتهنى بباقي شبابك
قلبي وروحي ياهوا البال تفديك=اقول خذها مرحبا يا هلا بك

نسمة غلا

شذى العصمه

03-13-2008, 10:14 AM

كل الكرامه ماتجي ربع مقدار

حبك ولكن لاتهين الكرامه

للحزن ياما في عيوني اسرار

ومليون جرح وجرح تحته علامه

هادي الجنفاوي

عبدالله المرشدي

03-13-2008, 11:12 AM

هذا واحد جنبه واحد يمكن يطلع فوق العشره=صدق صدق او لاتصدق لكن فعلا ذا معقول

عبدالله المرشدي

عبدالله المرشدي

03-14-2008, 09:19 AM

لاتطب النار لو تلبس حذا =تنكوي بالجمر لامنك وطيت
اغلب ورود الجنان الها شذا=بس فيها فرق كانك مادريت

عبدالله المرشدي

شذى العصمه

03-14-2008, 10:57 AM

تخطي علي واستسمحك واترجاك

ضعفي هواك وفطنتك ماتخونك

المشكله اني كل ماجيت ابنساك

فكرت نفسي كيف ترتاح دونك

سعود بن بندر

عبدالله المرشدي

03-14-2008, 11:15 AM

عشرين خمسه واربعه تسع ميه=مجموعها سبع وهي فوق مليون

عبدالله المرشدي

شذى العصمه

03-14-2008, 11:55 AM

ناس تفكر همهم يسعدونك

وناس تفكر كيف تقدر تبكيك

لاتشتري من حاولوا يخسرونك

ولاتخسر اللي فكر بيوم يشريك

مافيه اجمل من صديق يصونك

ولافيه اقسى من قريب يعاديك

اكبر قهر لاصار ناس يبونك

وانته تبيهم بس حظك لعب فيك

ناصر الحربي

03-14-2008, 03:03 PM

كني لقيتك في متهات الزمن رغم الضياع= ورده ولكن ذابله تشكي من ايام الجفاف
ماكنت اصدق هالزمن يبخل عليكي فالمتاع= لكنني بالعين شفت اشلون بالوقت اختلاف

ناصر الحربي

عبدالله المرشدي

03-14-2008, 03:29 PM

فتش المعلوق لا من جيت فيه =ماانت لاقٍ فيه غيرانته فقط

عبدالله المرشدي

شذى العصمه

03-15-2008, 11:09 AM

طال الحكي مالقيت الوصل فوصاله

لاني حبيبه ولاهو اقرب اصحابي ..

بدر بن عبد المحسن

شذى العصمه

03-15-2008, 12:26 PM

يامل قلب يسج وفيه دولاجــــــــــــه
من هاجس بالضمايرقام يدرجـــــــها

في معزل عن جميع الخلق وازعاجه
ما اسمع من الناس لوتكثر لجـالجها

ماغير اهوجس تقول مضيع حـــــاجه
آخذ واسند على روحي واهرجــــها

وادوج لوكان مارجلي بدواجــــــــــــه
ادلّه النفس لين الله يفرجـــــــــــــها

يالله يالي بيدك الضيق وافراجــــــــه
ياخالق الخلق ياقاضي حوايجـــــــها

تفرج لعين الذي أغفت بســــوهاجه
تجهز عليها الطواري لين تزعجــــــها

بالصدر ضيقه ونوم العين هـــــملاجه
عيني من العام والسهر متولـــــجها

نوب سهرها شديد ونب نهاجـــــــــه
ومر تكن الدموع ومر تزعجـــــــــــــها

عليك ياللي بقلبي كن وهاجـــــــــه
وهاج نار هوى الغربي يسارجـــــــها

أبو ثمان تشاد اللولو لعاجـــــــــــــــه
كن البرد يوم يضحك في مفالـــــجها

ياروح روحي وجرح القلب واعلاجـــه
الطف بحال عليك الهم ساهجــــــها

قلبي يناجيك بسلوب الهوى .. ناجه
يشكي لك الحال داخلها وخارجـــها

اما التفت لي وتم الوصل بمواجـــــه
والا بلا عشرة هذي نتايجـــــــــــــها

وش ينفعك من حنين القلب وخلاجه
وجروحي اسبابها انت ولا تعالجـــها

للمبدع // عبدالله بن عون

ناصر بن سعدي

03-15-2008, 02:12 PM

البارحه جالس بوسط الجماعه=والكل من حولي سواليف وضحوك
كلاٍ سلا وإرتاح والهم باعه=وأنا حياتي كلها أوهام وشكوك

ناصر بن سعــدي ..

شذى العصمه

03-15-2008, 02:33 PM

كيفي مزاجي كل شي بكيفي

حره وحره والف مليون حره

باخذ ربيعك منك واعطيك صيفي

باخذ حلا الايام واعطيك مره

ذوق العنا خله يزاورك طيفي

ذوق العنا ذقناه لو كان مره

عقب الهجر لاتعتذر ياوليفي

بارد لك نص العنا والمضره

عابرة سبيل

ناصر الحربي

03-16-2008, 10:59 AM

ها هنا مريت لكنه مروي= من عنا قلبً من الأشواق ذايب
ادري مقصر معاكم في حضوري= فالحضور اللي تقل راعيه غايب
بين كثر الهم ومصارع شعوري= داخلي مع داخلي كله طلايبناصر الحربي

عبدالله المرشدي

03-16-2008, 11:38 AM

كلمة احبك مالها اي تبرير=الا الغلا والا التلاعب بالاعصاب

عبدالله المرشدي

نعومــــي

03-16-2008, 11:18 PM

بين النساء بالشكـل تلقـى بديلـه =فرقٍ بسيـط وجوهـر الشكـل لازال
الفـرق يظهـر بالصفـات النبيلـه =بالعقل والاخـلاق ماهـو بـالازوال

عبد الله المرشدي

عبدالله المرشدي

03-17-2008, 06:39 AM

ليلٍ بهيم وصبح وشروق وغروب=واربع فصول وكورة دايريه

عبدالله المرشدي

رشيد الكسر

03-17-2008, 11:10 AM

هاض الضميروزان للشعر طاروق = وابديت مافي خاطري من لحوني

رشيد الكسر

عبدالله المرشدي

03-17-2008, 11:38 AM

ياليتني في حيهم مابعد جيت =ولا صدفت الجادل اللي تمشى
ضاق الخفوق وقمت اجر التناهيت=باسباب منهو بالمفاتن تغشى
الجادل اللي فتت القلب تفتيت=حبه تغدى بالخفوق وتعشى
قد قيل لي عن حيهم بس ماوحيت=قالو ترى فيه الضبى ماتهشى

عبدالله المرشدي

نعومــــي

03-17-2008, 06:28 PM

أبسألك : ليه الجفاف احيان يقتلني معك ؟=رغم انك ادفى غيمةٍ مرت بقلبي و امطرت .. !!

( منقووول ..)

عبدالله المرشدي

03-18-2008, 06:52 AM

ترى قناع الكرامه دايـم قناعـي=والحمد لله مانـي بالوعـد بايـر
احفظ حقوق العرب واكرم الساعي=واناصر اللي يجيني زابنـن نايـر
اكتم وادري ولو زادت بي اوجاعي=من وقتي اللي غباره بالقشر طاير
اعز نفسي بفعلي واونس اصداعي=لاشفت خبلٍ متكي في طرف عاير

عبدالله المرشدي

نعومــــي

03-19-2008, 12:15 AM

رحمتـك يارب 000 لامن ضاقت فجاج ٍ وساع = انت حسبي فالزمان الجاير ونعم الوكيـل
صدمتي فيك انت ،، خلتني افكر باقتناااع = ان قتل النفس رااحه لو انا كنت القتيل

منقووول ..!

عبدالله المرشدي

03-19-2008, 06:49 AM

لك غايةٍ وحده وللناس غايات =كلٍ يداري غايته عن عيونك

عبدالله المرشدي

**** شوق ****

03-19-2008, 09:58 AM

كتمت حبك خوفي الغير يدرون = أخاف من كثر الحكي والنقايد
والله يالولا الدين والناس يحكون = أجي أضمك ضمة الشوق زايد

شوق

عبدالله المرشدي

03-20-2008, 11:26 AM

دام زرعك غيرك اللي يزرعه=لاتعجب وين محصوله يروح
عبدالله المرشدي

عبدالله المرشدي

03-21-2008, 04:57 PM

حالتي وياك حاله مستحيله=لانت حاسمها ولاني مقتنع

عبدالله المرشدي

بوح الخاطر

03-21-2008, 11:04 PM

علي ثياب لو يبـاع جميعهـا
بفلس لكان الفلس منهن أكثـرا

وفيهن نفس لو تقاس ببعضهـا
نفوس الورى كانت أجل وأكبرا

وما ضر السيف إخلاق غمـده
إذا كان عضبا أين وجهته فرى

... الإمـام الشـافعـي ...

عبدالله المرشدي

03-22-2008, 06:09 AM

احسن بلاش مقاطعه لاتكلمت=اسمع كلامي ثم بعدها تكلم
ان كان توك جاهلٍ ماتعلمت=من كثرت الغلطات يمكن تعلم
حتى لو انك فالبدايه تالمت=اصبر وصابر لاتصيح وتالم

عبدالله المرشدي

نسمة غلا

03-23-2008, 09:48 AM

من سالني هل احبه قلت له مليون ايه=والمشاعر دوم باسمه في خفوقي ثايره

اعشقه واغليه يعني بالصراحه ذبت فيه=صار مجنوني وانا مجنونةٍ به صايره

لنسمة غلا

بنت الاساعدة

03-23-2008, 11:20 AM

هو صحيح الحبايب فــ الوصال بخلا
آه ما اصعب سؤالي للخفوق الجريح

سعود بن عبد الله

عبدالله المرشدي

03-23-2008, 11:22 AM

حتيش لو قلنا من الشعر حتيش=مايوصف اللي بالخفوق متمكن
عبدالله المرشدي

بوح الخاطر

03-23-2008, 10:09 PM

نصيحه واحتفظ فيها قصر معك الزمن أو طال
أبي تسمع كلامي زين وتحطه على بالك

اذا حبك هبال اطفال الك عندي هبال اطفال
ولا وابشر بعد بهبال حباً ما هو بهبالك

واذا قصدك تهين اسمي عشان تشمت العذال
حشى لا انتا ولا غيرك ولا عشره من اشكالك

>>> حامد زيد ..

بنت الاساعدة

03-24-2008, 11:38 AM

كلن عذلني فيك عدوان واصحاب
واقول خلوني وكلن وشانه
وان قيل وإلا بدل احباب باحباب
قلت آه لكن من يسد مكانه

عبد الله الفيصل

رشيد الكسر

03-24-2008, 11:52 AM

هذا انا من فعل الايام مجروح = حسبي على الايام حسبي عليها

لي

شذى العصمه

03-24-2008, 12:03 PM

الهموم اللي علي اثقل من حمول الركايب
ساعد الله قلبي اللي مرتكي لحمول همي

ويالظروف اللي علي ومنين ماوجه صعايب
ياكثر ماني مسحت الدمع منها براس كمي

حمد السعيد

بوح الخاطر

03-25-2008, 12:02 AM

يشكو الملام إلى اللوائم حره
ويصد حين يلمن عن برحائه

وبمهجتي يا عاذلي الملك الذي
أسخطت أعذل منك في إرضائه

إن كان قد ملك القلوب فإنه
ملك الزمان بأرضه وسمائه

.... المتنبي ....

رشيد الكسر

03-25-2008, 07:26 PM

هاج الغرام وقام يعزف بالانغام = انغام ماهي مثل لولا ولوّا

عصام المرشدي

عبدالله المرشدي

03-27-2008, 12:33 PM

احدٍ يحصل من كلامه فشيله=واحدٍ تشيله كلمته فوق ماطال

عبدالله المرشدي

شذى العصمه

03-28-2008, 08:17 AM

ان غبت في قلبي الى الموت موجود ..

طيفك معي في نزلتي وارتحالي ..

اقبلت مثل اللي يبشر بمولود ..

واقفيت مثل اللي يعزى بغالي ..

منقول

رشيد الكسر

03-28-2008, 11:35 AM

ياناس وشلون البحر يسكن البحر = وضلع الينوفي يم اجا ويش لازمه
عبد الرحمن العطاوي

شذى العصمه

03-28-2008, 12:04 PM

هارب ولاأدري أبد شآخر نهايـــــــــــات الهــــــــروب

منهو السبب ؟ من غلطته ؟ هذا جحيم المسأله ..

ذكرت أنا طيش الصبا وكم مشكله حلـــــه هــــــروب =

كنت أختبي بذاك الزمن حتى برود المشكلـــــه

جاهل وأكابر غلطتي بعيوني الضحكــــــــه ذنـــــــوب =

أجهل تصاغر غلطتي من فطرتي كنت أجهلــــه

وظلت معي أوهام الصبا وأستفحل بوجهي شحــوب =

وإستنزفت مشاعري هم وقصيد وأسإلــــــــــه

وكنت أسأل إخواني برعش متى تغفا شمس الغروب=

متى الزمن يعطف علي بغيابها ويستعجلــــــــه

وكنت أستحي لاأشتكي ذاك الوهم منه مغلــــــوب =

وأضحك لأجل مايتضح ضعفٍ لقابي منزلـــــــــــه

ومرت سنه ورى سنه أحاول بخوفـــــــي يــــــــذوب =

أحس بي أصغر ! وأنا أكبر وهم كان لهلـــــــــــه

خوفي تشعّب داخلي ويعانده طفــــــــلٍ كــــــــذوب =

وهمٍ توهمّته طفل وأستكبر إني أخجلــــــــــــه

ولازلت أعاني من الوهم وأدري بتطول بي الــــدروب =

ولازلت أداري بالهرب أتفه خطا وأستفحلــــــــــه

هارب ولاأدري أبد شآخر نهايـــــــــــات الهــــــــروب =

منهو السبب ؟ من غلطته ؟ هذا جحيم المسأله

عادل الظفيري ..

عبدالله المرشدي

03-28-2008, 01:27 PM

هم وشعر زايد فراغ يساوي=جمر سمر باقصى اضلعي يحرقني
الهم عودٍ في خفوقي ثاوي=لاقلت فارق قال قوم الحقني
ماني على مدحي بشعري ناوي=لكن قافي بالفخر يغدقني

عبدالله المرشدي

شذى العصمه

03-28-2008, 01:42 PM

يالغايب الحاضر معي وسط الافكار
يالمرتوي منّي وأخايل سرابك

منقول

رشيد الكسر

03-28-2008, 03:03 PM

كم واحدٍ يشكي من الهم وينوح = وقلبه فضا خالي لو انك فتشته
رشيد الكسر

عبدالله المرشدي

03-28-2008, 06:18 PM

هذا هو المطلوب ياطيب الفال=اما تجي برضاك والا نجيبك

عبدالله المرشدي

عبدالله المرشدي

03-30-2008, 03:09 PM

كم جمعت وكم تركت وكم غدالي=في حياتي يوم اصولبها واجول

عبدالله المرشدي

رشيد الكسر

04-01-2008, 01:37 PM

لا والله اللا طولن بالوقوفي = عيا يحملهن خبيث التجاره
بفلوسنا ياعبيد ماش معروفي = متى نجي ياعبيد مع خشم صاره

بندر بن سرور

عبدالله المرشدي

04-01-2008, 01:42 PM

الوقت دوار والايام مندرجه=كم طيبٍ نزله من عالي ابراجه
لافي حمود الغيداني

رشيد الكسر

04-01-2008, 01:51 PM

هذا زمان البوم ياخوك والنيص = ووجيه سودٍ عن دروبي حدتني

الحنتوشي

عبدالله المرشدي

04-01-2008, 02:37 PM

ياليتني في حيهم مابعد جيت =ولا صدفت الجادل اللي تمشى

عبدالله المرشدي

عبدالله المرشدي

04-02-2008, 11:48 AM

آه من قل الصراحه والوضوح=يوم اشوف الناس تلعب مع بعض

عبدالله المرشدي

بنت الاساعدة

04-02-2008, 11:51 AM

ضحيه عيون من سواد السحر خدرات
سحر حسنها الفتان من روح رغباتي
على وردتين من بياض الوجن شمسان
ظلال الرموش ايضيع اعزوم حيلاتي

لسامر

روقي قرم

04-02-2008, 12:28 PM

ياما شكينا الوقت لا شك تلفيق “=” تلفيق وقت اليا اشتكيناه مالي

آل شنيـف

عبدالله المرشدي

04-03-2008, 09:45 AM

ياوجودي وجد مجروح الفوادي=من هنوفٍ ثوبها يجرح نهدها

عبدالله بن زويبن

ظافر العتيبي

04-03-2008, 10:40 AM

هات الربابه واحكر الشاي يالثور= انته حشرك ابليس وانا هواوي
مقيالنا في سدرة طورها طور= تسوى حياة اللاش كلب القهاوي

بندر بن سرور

عبدالله المرشدي

04-03-2008, 10:46 AM

ياراكبٍ من عندنا فوق سيكل=جنط اثعنش والا بعد جنط عشرين
راعيه من زود الفقر صار هيكل=مقرود وايضا لعبة للشياطين

عبدالله المرشدي

فهيد مقعد الرويس

04-03-2008, 12:34 PM

نصد عن مجلس اهل الحسد والنمه=وممشاً مع اهل الوفا والطيب شف لي

فهيد الرويس

فهيد مقعد الرويس

04-03-2008, 12:39 PM

ياراعي الغر العذاب المباهيش=رش الكبود اليابسه عن عطشها

دنق علي وطمن الراس بشويش=واحي العروق الذابله وإنتعشها

عبدالله بن عون

عــمـــر

04-03-2008, 01:23 PM

امسٍ وقبل البارح القلب اهنيه......امسي مع الفرحه وصبّح بفرحاه

في شوفتك افرح مع اللحن اغنيه ......وطيفك يسلي كل طرقٍ بمغناه

منقول

هــ

بنت الاساعدة

04-03-2008, 05:56 PM

هذا وانا خافقي للحب ما حنى
قلب بعد به مكان يحب هيهاته

عبد العزيز بن سعود
السامــــــر

عــمـــر

04-03-2008, 07:20 PM

هذا وهو تـوك تطـري بممشـاك= وشلون لي قفيت يـا نـور عينـي

يا شيب عينك يا هوى البال واشقاك=كانك مثل ما أبيك يااسمـر تبينـي

مـ نـ قـ ـولــ

رشيد الكسر

04-04-2008, 11:22 AM

ياتل قلبي تلتينٍ على تل = تلٍ بمنتولٍ بنتل وتناتيل

ابن سبيل

بنت الاساعدة

04-04-2008, 12:21 PM

لاجيت بصبر عنك ياكامل الزين
دار العزى مني تجذب عمدها

سعود بن محمد

رشيد الكسر

04-04-2008, 12:34 PM

اعالج لوعة المغرم وتكبر لهفة المشتاق = بحسن ارضاك اسوق اخطاي اقدم رجل وافهقها

الناصر

عبدالله المرشدي

04-05-2008, 11:20 AM

آه يابدر الدجى واهين يالطرف الخجولي=كيف اسلي خاطري عقبك وش افعل ويش اقولا

عبدالله المرشدي

بنت الاساعدة

04-05-2008, 12:13 PM

لامن ضواني الليل بدموع ناديته
ولامن نهيت العين بالحيل تعصاني

لمليحه الفودري

عبدالله المرشدي

04-05-2008, 01:52 PM

ياناكر المعروف ياخبل يابو=قد قلت لك بالضبط لاتجض الكي

عبدالله المرشدي

روقي قرم

04-05-2008, 03:39 PM

ياشين مدت يدك للناس شيناه= تلبسك عقب العز ثوب المذله
ويازين مدت يدك لله زينـــــاه =تغنيك عما يحوي الكون كــــله

منقــول

عــمـــر

04-06-2008, 10:53 PM

هذا الفراق الطويل وهذي أسئلته
هذا حصاد السنين وهذي أيامى

ياما وياما عليك البال طولته
والعمرعدى وأنا عايش على أوهامي

فهيد مقعد الرويس

04-08-2008, 04:23 AM

ياماوياما تعبتنا المطاريش=منك وعلاك اقفاي ياهيه وقبال

فهيد مقعد الرويس

04-08-2008, 04:30 AM

لاتبدي الشكوى الياضدك الميل =الاعلى رجلٍ يحس بوجعها

رجلٍ الياصكت عليك المحابيل =اماشبرها شبر ولاذرعها

عبدالله بن عون

عــمـــر

04-08-2008, 11:20 AM

استر عيوب الناس والطيب ابديه...وش خانت اللي ماسترعيب رفقاه

بنت الاساعدة

04-08-2008, 12:08 PM

هلا باللي على خده علامه
غريب الوصف شامه فوق شامه

عبد لله ب خالد

عبدالله المرشدي

04-09-2008, 11:21 AM

هلا باللي ينور حينا شوفه ليا جانا=هلا باللي ليامنه لفى كل العرب تلفي

عبدالله المرشدي

بنت الاساعدة

04-09-2008, 11:26 AM

ياحمام الورق روحي تبي روح
تبي روح اللي كما بدر التمام

محمد السديري

عبدالله المرشدي

04-09-2008, 12:25 PM

مادريت ان الحبيبه ساليه=كنت افكرها تعرف اللي يدور

عبدالله المرشدي

بنت الاساعدة

04-09-2008, 12:29 PM

روح تعذب فالهوى بين نارين

عقب العذب ارجي من الله .. مددها

سعود بن محمد

رشيد الكسر

04-09-2008, 06:32 PM

اعوم في بحر البيوت الفرايد= واختار منها درها واحتواها
بيوت شعري دايم لها جدايد = تلامس احساسي واسج بفضاها
رشيد الكسر

بنت الاساعدة

04-09-2008, 06:36 PM

اشتقت لك يافرحه العمر وين انت ؟
يا اللي عيوني منك ينبع ضياهــــــا
لولاك يا الغالي بدنياي ما كنت
اشفق على ايامي تطاول مداهــــا

لعبد الله الفيصل

روقي قرم

04-09-2008, 06:52 PM

اصبر وعند الله تصاريـف الاحـوال=والقصر مرجاعه على بنـي ساسـه

منقــول

عبدالله المرشدي

04-09-2008, 08:01 PM

هاض الخفوق وحرك الشوق طاريه=وانا احسب انه يوم قفى نسيته
عبدالله المرشدي

روقي قرم

04-09-2008, 08:38 PM

هاتولي القرطاس والحبـر والريـش=توي على وصف الغضي هاض جاشي
ابكتب عن اللي في خدوده مناقيـش=تنقش بقلبي نقش طيـن الهشاشـي

ملطوش:)

عبدالله المرشدي

04-10-2008, 07:40 AM

يابديع الوصف ياعذب الوصوف=ياعبير المسك ياباه الحلا

عبدالله المرشدي

عــمـــر

04-10-2008, 09:58 AM

العام طاري غيابك ماتقبلته ...واليوم حرماني أصبح مصدر إلهامى

لاتعتذرلي وابنسى كل ماقلته ... وش ينفع العذر لامن ضاعت أيامى ؟
منقول

عبدالله المرشدي

04-10-2008, 11:28 AM

ياكامل الاوصاف ياقبلة البيض=حياك في قلبٍ لعبه هواكا

عبدالله المرشدي

عــمـــر

04-10-2008, 11:36 AM

اتذكر لقاها لين شفت البقايا

اتوجّد عليها واكتمه في خفاي
منقول

شذى العصمه

04-10-2008, 12:34 PM

ياهادي الأعصاب سمح التعابير
جنبني عن جور الليالي وكدرها

ملكتني بالحب يالله عسى خير
هذا نصيب النفس وهذا قدرها

أرجوك لاتجعل حياتي مخاطير
مدام سلطان الهوى لك أسرها
منقوول

عــمـــر

04-10-2008, 09:58 PM

أنـطفـت في دنيتـي كـل الشمـوع

والهنـاء مـا يــوم فـي دنيـاي دامـ

منقول

شذى العصمه

04-11-2008, 09:46 AM

ماهو بكيفـك تواصلنـي وتقطعنـي
اما غـلا بيـن او فضهـا سيـره

ياشين لاجيـت تقطـع لاتوادعنـي
ليتك تحس الوداع اشلـون تاثيـره

حمد السعيد

عبدالله المرشدي

04-11-2008, 01:44 PM

هاتي كلامٍ يشرح النفس هاتيه=هاتيه ياست البنات الرعابيب
هاتي ولا تخفين شينٍ عرفتيه=مادام قدرك بالضلوع المحاديب
عبدالله المرشدي

ابن مسلم

04-11-2008, 10:44 PM

بسم الله أبدي وأطلبه في التساهيل=اللي رفع سبـعٍ وسبـعٍ مهدهـا

منجي سفينة نوح ومرسل أبابيـل=على أبرهه وجيوشه اللي حشدها

ابن مسلم

عبدالله المرشدي

04-12-2008, 05:03 AM

اصبحك بالخير يانور عيني =عساك سالم يابعد كل من ليعبدالله المرشدي

شذى العصمه

04-12-2008, 10:35 AM

http://up.mergab.com/uploads_files/33310e4f33.bmp

الابيات منقوله

روقي قرم

04-12-2008, 04:29 PM

هلابك .. يا بعد حالي وعيني واصدق احبابي
هلا .. باللي عجزت آصل من ابعاد الولـه بابه

هلا .. باللي إلى منـي لقيتــه ضـاع باهـدابـــي
هلا .. باللي إلى منه لقاني ضعـت باهـدابــــــه

منقول

عبدالله المرشدي

04-13-2008, 05:16 AM

هديتي لك بيت شعر ومشاعر=وان كان تبغى زود روحي عطيتك

عبدالله المرشدي

ستار موون

04-13-2008, 05:58 AM

كم واحد يصبح ويمسي على دروب

متشتت محروم حتى المنافي

يارب عفوك لاغدى الزحف مرعوب

لو ينتخي المفزوع مابه سنافي

منقووول

عبدالله المرشدي

04-13-2008, 06:55 AM

ياكبير العقل يابو نيتين=لو تصفي نيتك معيه تفوز
عبدالله المرشدي

رشيد الكسر

04-13-2008, 12:42 PM

زانت علومك يارفيق المطاليق = يالشامخ اللي في سما المجد معروف

رشيد الكسر

روقي قرم

04-13-2008, 01:00 PM

في ذمتي انك على البال طاري=لاتحسب اني كارهك لو تباطيت

منقــول

عبدالله المرشدي

04-13-2008, 03:01 PM

تعال بالله ياريش العين لحظات=شف منزلة غيرك وشف منزلتكا

عبدالله المرشدي

روقي قرم

04-13-2008, 03:09 PM

أشوف لك ويـن مـاروح ذكـرى =لا شفتها صديـت عنهـا ودنقـت

منقول

رشيد الكسر

04-13-2008, 03:38 PM

توك على بالي قبل لا تدقين = كنتي ومازلتي على البال دايم

رشيد الكسر

روقي قرم

04-13-2008, 03:52 PM

معاناتي معك اني اشوفـك نـادر الالمـاس=تصير السوق للعالم واصير بروحي الشاري
ومعاناتك معي انك تصدق بي كـلام النـاس=تجيـك علـوم ماقلتـه ولانـي عنّهـا داري

منقــــوووول

عبدالله المرشدي

04-13-2008, 08:41 PM

يازين احبك بس ماقدر اعلمك=اخاف تزعل لادريت بغرامي
كم مرةٍ باسلوب حاولت افهمك=لاكن يضيع الهرج واقطع كلامي

عبدالله المرشدي

اسيرة الوجد

04-13-2008, 10:04 PM

ياعل قلب مايثور اليا نخيته= تصبح ركونه للمواجع كراسي

ناصر القحطاني

ابن مسلم

04-13-2008, 10:17 PM

ياولي العرش أرفع لك يديا= أطلبك وأرجيك يارب البريه

دلني للرشد والدرب السويا= ياعليم بما جهرت وبالخفيه

ابن مسلم

اسيرة الوجد

04-13-2008, 10:32 PM

هذي ثلاث ايام ما نامت العين=اصبح بهمي واسهر الليل كله
لعبت بنا الدنيا وصرنا مساكين=والوقت ضايقنا وصرنا عشاً له

منقول

عبدالله المرشدي

04-14-2008, 05:09 AM

هذى سواة الطيبين الميامين=اللي لهم في قمة المجد منزال

عبدالله المرشدي

اسيرة الوجد

04-14-2008, 10:22 AM

لو من حل حكايه الشهد مخلوق= ماكرم الله العسل في كتابه
لو للسحايب ياطويل الهدب سوق= شريت لك برق رهيف وسحابه
هتانها ياصاحبي لو هطل فوق= اخضرت اطراف السماء من عتابه

نايف صقر

رشيد الكسر

04-14-2008, 12:36 PM

هات الدلال وهات من نقع الاوداق = وقم شق يانياف للنار مشقوقابن عون

عبدالله المرشدي

04-14-2008, 02:10 PM

قد يكون اني على بابك طرقت =بس تدري ماطرقت الا دليل

عبدالله المرشدي

اسيرة الوجد

04-14-2008, 02:42 PM

لا قال لي ردي .. ولا قال لي روحي= لا هو مريحني ولاهوب مرتاح
يغيب ويعوّد يفتق جروحي= واذا استجد الجرح لوح لي وراح
واضحك واجامل وادعي بالفروحي= وبداخلي نار وتجاريح وصياح

عابرة سبيل

عبدالله المرشدي

04-14-2008, 04:16 PM

حبيبي اللي كل ماجيت روح=مثل السراب اليا طرده تبعد
عبدالله المرشدي

شذى العصمه

04-14-2008, 04:20 PM

دايم تعذبني وداايم على البال

الحب غلا فيك زينك وشينك ..

منادي

ރالزيــاديރ

04-14-2008, 04:34 PM

كل عيش و إن تطاول دهراً .........منتهى أمره أن يزولا ....

عبدالله المرشدي

04-14-2008, 04:55 PM

الشعر ولع في خفوقي فتيله=باقصى معاليق الحشا تشعل اشعال
انما كسبت الشارده والجزيله=مالي مع اهل العرف مخرج ومدخال
الهرج واجد والفوايد قليله=عند الصمايل تختلف بعض الاقوال
عبدالله المرشدي

روقي قرم

04-14-2008, 04:56 PM

لاصد عنك من توده وجافاك = خله وجازه بالجفا مثل صده
خلك عزيز النفس والعز ماواك=وكلن عطه تفصيل ثوبه بقده
خص الرفيق اللي اذا جيت حياك= وان غبت عنه يوصلك بالموده

منقووول

عبدالله المرشدي

04-14-2008, 05:04 PM

هذا الكلام اللي عليه الكلامي=مافيه لاشكه ولا فيه ريبه
عبدالله المرشدي

روقي قرم

04-14-2008, 05:51 PM

هبت هبوب الشمال وبردها شيني=ما تدفي النار حتى لو شعمناها

موهق الروقي

عبدالله المرشدي

04-15-2008, 09:23 AM

اغليك واحبك واعزك واهواك =واموت في ريحتك واعشق ثراكا
استمتع بوقتك عسى الله يرعاك=مالك ورا حد المحاني شراكا
عبدالله المرشدي

شذى العصمه

04-15-2008, 09:46 AM

اعالج لوعة المغرم وتكبر لهفة المشتاق
بحسن ارضاي اسوق اخطاي اقدم رجلي وافهقها

اهوجس من طلوع الشمس اليما غيبة الاشفاق
ولادري في ظلام الليل رجلي وش يوافقها ..

ابا اصبر واتصبر مير اظن الصبر ماينذاق
لقيت الصبر مر ولو ينوش الكبد يحرقها

احب مشاهد الغالي عسى ماهوب حب افراق
ولو راح اتبعه في مغرب الدنيا ومشرقها

الى جاء الليل ماشفته يزيد بصدري الدقاق
معه روحي بسلك العنكبوت الله معلقها

الى عرض علي اقف مثل وقفة كسير الساق
وساعات الوداع اسرع من الكدلك داقيقهــا ..

أنا وياه جددنا القسم والعهد والميثاق ..
ولكن قدرة الله سابقه محد ٍ يسابقهـــا

تعاطينا العهد في واحد ٍ من عاهده ماباق
مادام الثقه بالنفس يلزمنــا نوثقهــا ..

انا اعرف ناس ماتنقاد بالدنيا ولا ماتنساق
ولو تعطيك عهد الله وامنه لاتصدقهـا

تشوف ازوالهم مثل العرب مير الله الرزاق
متى ماهب نسناس الهواء يظهر حقايقهـا ..

احمد الشايع ..

اسيرة الوجد

04-15-2008, 11:30 AM

الهوى اللي يطرح الرجال بيدين اجنبيه=علة ٍ بالجوف لاتبرى ولا يلقى دواها
ضيدان بن قضعان

عبدالله المرشدي

04-15-2008, 01:37 PM

انتي لحالك والمزايين في حال=انتي قمر واللي عداكي نجومي

عبدالله المرشدي

تركي ابن خالد

04-15-2008, 02:37 PM

يمكن أكون::....::...... أعز الناس بعيونك

::.....::::......::.... بس أنت والله كل الناس بعيوني

شذى العصمه

04-15-2008, 02:47 PM

ياليت عينك تشوف .. وليت مسمعك يوحي ..

يوم انادي ودمعي مثل وبل السحاابه ..

تركي ابن خالد

04-15-2008, 02:56 PM

هذي ... هي الدنيا .. من الحيـن .. لالحيـن ..
لابد ... بين الناس ..... تحصل ..... خطيه ..!!
ومن لايقدّر .. غلطـة أحبابـه ..... الحيـن ..
يقرأ .. حروفي ... ويعتبرها ......... هديه ...!!
باكر .. تمر .. سنين .. وسنيـن ... وسنيـن ..
والكل .. يرحل فـي الـدروب ..... المديـه ..!!
صدقني .. تندم .. وأذكر .. حروفنا ... زيـن ...
تندم على خلك .. إذا .... غاب ........ ضيّه ..!!
دنيا .. غريبة .. وأكثر .. الناس ... ماشيـن ..
وكم .. صاحبٍ ... والله .... دفن خله بيديـه!!!!

اسيرة الوجد

04-15-2008, 04:09 PM

هذا حبيبي..ربيع العمر..وآحـبه=وأغليه من أسفل اقدامي ليا..راسي

منير الفهيدي

عبدالله المرشدي

04-15-2008, 04:48 PM

يارب يارب السما فارج الضيق= افرج لمن همه بقلبه موذيه

عبدالله المرشدي

شذى العصمه

04-15-2008, 04:54 PM

هذاك لوقال الشتا صيف عرقت؟!..
ولوقال صيفي برد شبيت ناري؟؟..
هذاك لو قال الجمل طير؟ صدقت..!!
اقول ريشه بعثرته الليالــــــي...!؟
هذاك لوقال المطر كذب.. وافقت
وأدور الاعذار حق الخبــــاري..
هذاك لوقال القمرطاح صفقت!..
اقول مللته كثيــــر المســــاري..!؟
هذاك لوقال النظر عيب دنقت!!..
يصير لي كف على اللمس ضاري..
هذاك لو ينفي وجودي توهقت..!!
ماعاد لي حل غير انتحــــــــــــــاري

منقول

ރالزيــاديރ

04-15-2008, 04:57 PM

يا عيـن هلـي ذارف الدمـع سفـاك

وابكـي وهاتي ما خفــا من عبايـر
يا عيــن لا تبكيــن هــذا ولا ذاك

الا ولا فرقــا الأهــل والعشايــر

منقول

اسيرة الوجد

04-15-2008, 05:12 PM

روح دور اللي يعتني بك ويرعاك=رح دور اللي ياعيوني يصونك
رح دور اللي ماطرا يوم ينساك=واللي تحمل ياحياتي طعونك

منقول

عبدالله المرشدي

04-15-2008, 05:17 PM

كانك تبيني ياهوى البال حياك=تعرف طريقي دون لف ومتاهات
وان كان ماصارلك جالك على مناك=الله يجعل كل دربك مسرات

عبدالله المرشدي

روقي قرم

04-15-2008, 05:27 PM

تعلم تحترم حب وتعلم تحترم انسان=تعلم دامها الدنيا عطتك الدرس مجاني

منقول

بنت الاساعدة

04-15-2008, 08:18 PM

يامن عطيته القلب باصابعي الخمس
ضمي بحنانك ضايق الصدر ضمي

لفهد بن خالد

اسيرة الوجد

04-15-2008, 08:19 PM

ياوجودي كل ماضحيت ثم مال الظلال=لاغفت عيني ولا ذقت شي ٍ مشتهيه
وجد من قفا وهو في رجا كلمة تعال=والتفت من عقب مااقفا ولا احد ٍ لد فيه

ضيدان بن قضعان

عبدالله المرشدي

04-15-2008, 08:28 PM

هلابك عد ماغرد على غصن الشجر من طير=وعدد مالاح براق المزون وعد ودانه
هلابك انت لنك انت والله في عيوني غير=اشوفك نجم عالي بالسما يزاد في شانه

عبدالله المرشدي

اسيرة الوجد

04-15-2008, 08:48 PM

هيه ياللي غرك الليل واغراك النديم=هيه ياللي هزك الشوق والمسرى ضياع

ضيدان

عــمـــر

04-15-2008, 09:01 PM

عرفت كيف الحي يفرق عن الميت .. وعرفت قيمة نعمتي يوم راحت

قولوله اني عقب بعده تدانيت .. ورجلي عن دروب المعافين شاحت

بن فطيس

اسيرة الوجد

04-15-2008, 10:13 PM

تل الخفوق ان بغيت تولعه تله=خل اول الود يلعن جيت التالي
فل الهوى يابعدهم خلها فله=لاتنشد الحين عني ويش يبقى لي
مامثلك اللي وصل للقلب واحتله=يفداك قلبٍ وصلته يابعد حالي

مادري حق من

عــمـــر

04-15-2008, 10:18 PM

يفداك من خبا ورى ضحكتي رمح = وراح وتركنـي بيـن ليت وعسانـي

منقول

اسيرة الوجد

04-15-2008, 10:29 PM

ياليتني لاطحت لاطحت لاطحت=ماطيح عن اللي تمنى مطيحي

عااااقل الزيد

عــمـــر

04-15-2008, 10:36 PM

يفطر عليك القلب وان فارقك صـام =والله لونك شـوك سـدره كليتـك
القلب طيرٍ لادعـي للهـوى حـام =والا انت وكره من كثـر ماهويتـك

بن فطيس

اسيرة الوجد

04-15-2008, 10:45 PM

كل ٍ لعن حظه ليا خاب مره= وش حيلة اللي عاش عمره بلا حظ
مادري

عبدالله المرشدي

04-16-2008, 12:20 PM

ظلمتني وياك ياكامل الزين=الى متى وانته كذا ماتراعي

عبدالله المرشدي

اسيرة الوجد

04-16-2008, 02:42 PM

يقولون العرب مايتبع المقفين فالح راي=وانا اقول العرب لاهبلو بك خلك اعرابي
نايف صقر

تركي ابن خالد

04-16-2008, 03:26 PM

ياضي قلبي و يانوره و مصباحه
يا اللي بصوته يمتعني و يطربني
ماقول إلا صباحك طابت أرياحه
يا اللي بعطرك تعذبني و تتعبني

(( ي ))

عبدالله المرشدي

04-16-2008, 05:58 PM

ياللي قريتو ماكتبه من الراس=قولو عساه بخير لامن قريتوهالمرشدي

اسيرة الوجد

04-16-2008, 06:26 PM

هلا بك وين مايشرق نظرك الناعس القتال=هلابك لاانثنى غصن الزمان وطارت اسرابه
نايف صقر

روقي قرم

04-16-2008, 06:59 PM

هلا يا طيب السيره هلا بالشاعر الموعود = هلا بك يا وسيع المعرفه ربي عساك بخير

هلا يا فخرنا يا ذخرنا يا عزنا الموجود = هلا يا عنتر العبسي هلا يا سالم ابن الزير
منقول

شذى العصمه

04-17-2008, 12:09 PM

رضيت انا بالهم لرضاك مرضاك = وارخصت لك قلبٍ جرحته وصانك
اجيك في صدري عتاب ..وابجفاك =وارجع الوم الوقت واقول خانك
احب فيك احساسي اني بلاماك = في عز خوفي منك احس بأمانك

طلال الرشيد

اسيرة الوجد

04-17-2008, 01:51 PM

كان قصدك عذابي لاتوصي حريص=الزمن مايقصر وانت فيك بركه

حق مين؟؟ مادري

عبدالله المرشدي

04-17-2008, 05:09 PM

ياوافي الاطباع يازين الاوصاف=انا اشهد انك توفي الكيل وتزود
تعال داو الجرح قدام ينشاف=ثم تثبت التهمه عليك انت بشهود

عبدالله المرشدي

اسيرة الوجد

04-17-2008, 05:57 PM

درب الامل دونك ملي بالاشواك=ومكانتك بالقلب ماحدن نزلها

الحميدي الحربي

بنت الاساعدة

04-17-2008, 08:30 PM

ارعد لشوفتك قلبه وشوقه طرق
جاك قبل الوعد وانهال تل .. الغمام
لناصر السبيعي

شذى العصمه

04-17-2008, 09:15 PM

مر الفراق وفقد ابوي وجفا الدار =خليتها لحزان صيفي غمامه
ناديت ابيه ولاتعديت محتار = اخوي همي واخر العمر خامه
ربي خلقني حر والحر صبار =لاضاق ماله غير سلة حسامه
وهلي رفيعين المكانه والاشبار=دخيلنا منزله ذروة مرامه
مانطرد المقفين لو صار ماصار = واللي زعل ماننشده وش علامه

هادي الجنفاوي

عــمـــر

04-17-2008, 09:49 PM

هرجي معك صادق ولا أظن به زيف =مقصد شرف مالى مقاصد رديه

حب بدوى لونه على رقبتى سيف=أوفى ولو دنياي ماهي وفيـــه

منقول

شذى العصمه

04-18-2008, 05:44 AM

هونيها ياعيوني وارقدي = ماورا كثر السه غير العذاب

عبدالله المرشدي

04-18-2008, 10:40 AM

باب الزمان اللي عليه المشاريه=والا انت سالم من جيمع العيوبي

عبدالله المرشدي

تركي ابن خالد

04-18-2008, 11:02 AM

يمكن أكتب فيك شـي مانكتـب
ويمكن أوصل بك حدود المستحيل

منقوووووووول

عبدالله المرشدي

04-18-2008, 03:29 PM

لاشفتها ناديـت ياليـل تـوي=لاني اشوف بتالي الليـل آيـه
النجمه اللي في سمايه تضوي=مامثلها بين النجـوم بسمايـه
كني على الجنبين منها متكوي=تدري بلاش تقول هذي دعايه
ماحبها الا حبها صـار جـوي=لا والله اغليها فقط دون غايه

عبدالله المرشدي

شذى العصمه

04-19-2008, 11:37 AM

هي الدنيا كـذا .. لا جيـت ارتّـب للكـرى جفنـي=تكاثر غفوتـي حتـى تصيـر ابعـد مـن احلامـي
هي الدنيا كذا .. و ان كان مـا صدّقتنـي .. شفنـي=شف عيوني .. وشف وش لون جلدي يستر عظامـي
شف..أو.. لا.. لا تشوف.. ان كان ودّك صدق تعرفني=تتبّـع سيرتـي .. او سكتّـي .. او جـرّة اقـدامـي
تتّبعـنـي واذا مـرّيـت دمـعـي لا تضاعـفـنـي=تعـدّ بخطوتيـن وشـف طموحـي كيـف مترامـي
هنا طحـت.. وهنـا حظـي عثر..وهنـاك وقفّنـي=وهنـا مـاردّوا اللـي كنـت اناديـهـم بالآسـامـي
تهجّـى فالموانـي ليـن تـقـرا سالـفـة سفـنـي=تتبّعنـي مـن اول جـرح واتـرك عنـك هنـدامـي
وانا اقول : "ان تشوف اللـي يحـدّك مـا تحلّفنـي..=.. وش اللي حدّني ابقى علـى جـال النهـر ظامـي"
امانـه بـس لا تـزعـل عـلـيّ .. ولا تخالفـنـي=لو ابكيتك مـن همومـي .. او ابكيتـك مـن هيامـي
انـا لولاك..قلـت: "الوقـت هـذا مـا يشرّفـنـي"=ولولا الوقت قلت اني خذيـت اكبـر من احلامي

فهد المساعد

اسيرة الوجد

04-19-2008, 12:26 PM

ياجرح رافقتني للناس لاتظهر=وان مت في نظرتي مامت باعماقي

روقي قرم

04-19-2008, 01:32 PM

يامرحبا باللي يراسل على ذوق=حرك شجون القلب واخضر ربيعه
مانسى محبينه لو الوقت به عوق=راعي الوفا نشريه ابد مانبيعه
ابشر بعزك لو تبي النجم من فوق=تامر على روحي وهي لك مطيعه

منقوول:)

عبدالله المرشدي

04-19-2008, 02:31 PM

هذا هو المطلوب ياطيب الفال=ياوافي السيره طويل الذراعي
المرشدي

روقي قرم

04-19-2008, 02:38 PM

يامرحبا باللي على بالي تردد=ترحيبة الظامي على شرب دلة
لو القلم يكتب غلاكم تبدد=حبرة ولايوفي لي المدح كلة
عسى عدوك في فراشة ممدد=وتعجز عيونة عن طريقة تدلة
معزتك عندي ترا مالها حد =وقدرك بقلبي مايشيلة محلة

ملطوش:)

تركي ابن خالد

04-19-2008, 03:19 PM

تدري وش اللي لاعني في غيابك
زود الشقا بين الضلوع النحايف

منقوووول

- ف -

روقي قرم

04-19-2008, 05:02 PM

فى ذمتى لااجعلك عبره للاحباب= لين الحبيب يتوب عن جرح خله

منقول..

عــمـــر

04-19-2008, 05:13 PM

هبت هبوبك وجالك بالضلوع اصطفاق = وميلت نفسي معـاك ومالـت غضونهـا

محمد مريبد

تركي ابن خالد

04-20-2008, 12:05 AM

أبضحك وأظهر البسمة ولو إن الجروح اجداد
وترى قلب الحريقة ضو ولو وجه الحطب رامد
بكون أكبر من الغلطة وبعلن للهوا ميلاد
إذا كان الخطا منك مجرّد ثورة الخامد
وإذا كان الجفا منّك مسافات وغلا وعناد
تراي أكبر من عنادك وقولي قالها حامد

حامـد زيــد

عــمـــر

04-20-2008, 12:49 AM

دام القمـر يضـوي ودربـي ينيـره=بكتب قصيد الروح وإحساس الأعماق

وأقـول للعالـم و كـنـي أسـيـره=واهديه روحي والهوى وحرف ينساق

بين الهدب والعيـن يلقـى مصيـره=أشوفـه الدنيـا وعينـي والإحـداق

منقول

عبدالله المرشدي

04-20-2008, 07:33 AM

قلبي من اسباب الغرام متفلـع=بين الرجا والياس ماهوب قانع
شفني من الحرمان كني مصلع=وانته كما غصنٍ به الورد يانع

عبدالله المرشدي

شذى العصمه

04-20-2008, 12:27 PM

عرفت اعطي قبل ماآخذ يامن شعور احسان = وفيها من وصايا الحب وهلي ياسما هلي
تعلمت البكاء دمعه وانا احسبها غسيل اوجان = واثاري دمعتي رحله وفيها الشوق ينزلي
وافكر في عزا امسي وباكر للعزاء شفقان= حوى كل السواد اللي لعين اليوم يحتلي
اخاف ان الهوى كذبه وزله ترتجي غفران = وانا بمشي على ثنتين ياعلّي وياعلّي

محمد العجيمي ..

روقي قرم

04-20-2008, 01:04 PM

يا مل قلبٍ تقول يقلا على صيخ =خلت به الدنيا حزازات ومشوخ
دنيا تنوخ راعي العقل تنويخ =وينداش فيها صاحي الفكر ويدوخ
تغيرو فيها العيال المطانيخ =وبسبابها شمل العرب صار مشلوخ
خلتهم الدنيا مناشف طبابيخ =حتى الأقارب بينها الذيب مصلوخ
ما عاش فيها إلا أعيال المطانيخ =خطو البعير اللي من المدح منفوخ
من شان ماله صار شيخً ولد شيخ =ومشيخٍ نفسه على النصب والجوخ

منقوول

عــمـــر

04-21-2008, 04:29 AM

خطـاي ! .. عطيـت الشنـب حـق يوفيـه=اليـن ! ماشفـت الـمـره ذلــت اشـنـاب

حتـى ردي الـسـاس ! يفـخـر بماضـيـه=في وقت ؟ .. ساوا النـاس مابيـن الانسـاب

وش عـذر ؟ مـن صـدق كــلام ٍ يغـذيـه=لاصـار منهـو يدعـي الصـدق ؟ .. كـذاب

علمـت نفسـي درس ! .. مانـي بناسـيـه=ماقيـل لــي ولا حفظـتـه مــن كـتـاب

لاحـدنـي وقـتـي عـلـى شــي مابـيـه=اعـز نفـسـي ومـنـة الـنـاس بـتـراب

منقول

عبدالله المرشدي

04-21-2008, 07:13 AM

بديت احس اني معك شبه ضايع=لا والله الا معك يازين غادي
ياوافي السيره حسين الطبايع=انا بوادي وانت عني بوادي
عبدالله المرشدي

عــمـــر

04-21-2008, 07:23 AM

ياكم تركت أهل العذل والنصوحي=من شأن نظراتٍ لخلي.. صويبـه

واليوم خفقات بقلبـي.. تنوحـي=نوح الحمام اللي لحونه عجيبـة

منقول

عبدالله المرشدي

04-21-2008, 09:25 AM

هنيت نفسي في سلامتك هنيت=يومي دريت انك بخير متعافي
ابحمد الله كل ماصبحت وامسيت=واقول ياربي عساه متشافي
ياصاحبي ياذايع الذكر والصيت=ياللي معي في كل الاحوال وافي
ناديت لك بالصوت وان كان ماوحيت=تلقى وصوفك في جزيلات قافي

عبدالله المرشدي

شذى العصمه

04-21-2008, 11:26 AM

يزين وقتي كل مابلوصل زنت = ويشين لامن ابعدت ياغلا خوف
لاشك في بعدك وفي القرب برهنت = انك لحالك منزلك داخل الجوف

خالد بن يزيد

عبدالله المرشدي

04-21-2008, 06:01 PM

فاله البيرق عسى فاله يزين=يستحق الفوز باعلى منزله

عبدالله المرشدي

تركي ابن خالد

04-22-2008, 12:07 AM

هـــونتــهــا لكنـــها عـــيت تهـــــون ..

لا قلــــت راح الهــــم القـــاه قــــدام!!

فينــــي ألــــم مــامـــر فــــي قلـــب مطعــــون..

وفينــــي حـــزن مــاشيـــف بعيــــون الأيتــــام!!

عــــاقـــل ولــــكن طحــــت فــــي وقــــت مجنــــــون..

والنفــــس طــــابت مـــن عنـــــا غـــدر الأيــــام!!

منقول

- م -

عبدالله المرشدي

04-22-2008, 07:05 AM

مستحيل انساك لو كلٍ نساك=كيف ابنسى نور عيني لو نسى

عبدالله المرشدي

شذى العصمه

04-22-2008, 12:36 PM

أدور انـا وانت مثل السبت والجمعه ..= ياقربنا والصحيح انا بعدينِ

منقول

بنت الاساعدة

04-22-2008, 06:36 PM

نقض جروحي وجدد بي طعون
قلت يكفي .. قال عيونه بعد

خالد الفيصل

تركي ابن خالد

04-23-2008, 02:42 AM

دكتور ياللي تعالج والله الشافي = القلب مذي وزود العيني تذيني

لـ شاعر / فواز بن علوش

ي

عبدالله المرشدي

04-23-2008, 05:08 AM

يذكرون الزين في كبد السما=يذكرونه من بعيد ولا لقـوه
اعتقد مخطين في عذب اللما=لوطرى فالبال ماظني نسـوه
لابدا التلويع والشوق احتمـا=قرب ذاك الزين بالغالي شروه

عبدالله المرشدي

عبدالله المرشدي

04-24-2008, 06:18 PM

هم وشعر زايد فراغ يساوي=جمر سمر باقصى اضلعي يحرقني

عبدالله المرشدي

تركي ابن خالد

04-25-2008, 01:13 AM

ياوجودي كل ماهب نسناس الشمال"" وجد من حده زمانه على الي مايبيه

- هـ -

فهيد مقعد الرويس

04-25-2008, 04:35 AM

هذي ثلاث سنين ماشفت زولك=ولاوحيتلك يالي على خاطري حس

فهيد الرويس

عبدالله المرشدي

04-25-2008, 10:05 AM

سمعت لي كلمةٍ مادري وش اقصاها=حزة بنفسي وانا ماني بهارجها
لو كل كلمه ليا جتنا لحقناها=بعنا الثميه بسعرٍ مايخارجها

عبدالله بن زويبن الحربي

فهيد مقعد الرويس

04-25-2008, 12:28 PM

الناس تطلب طولت العمر يا امير= وانااتمنى الموت كنه علاجي

سعيد بن علي النفيعي

شذى العصمه

04-25-2008, 12:43 PM

ياللي تقولين الخطاء زلت لسان = في زحمة الايام ليه اختفيتي
خطاي وينه مدري الذنب وش كان = ليه انتهى ذاك الغلا وانتهيتي
وقفت في وجه الزمن قدر الامكان = وانتي جنح فيك الخيال وغفيتي
غلطان انا في كل الاحوال غلطان= اسرجت لك خيل القصيد وسريتي

متعب التركي

ناصر بن سعدي

04-25-2008, 01:34 PM

ياقاسيه ..وش صار مني ..؟ على شان=أقطــع ..علاقاتي وأريـح ضميري
لـ (أجلك) تحملت المتاعب والأحزان=وأثلجت صدرك فـ (النهار) العسيري
يوم إنتخيتي فزعة فلان وفلان=ما أحـدٍ ثنى دونك ولا..قام غيري
كلٍ تخلى عنك عمان وإخوان=وأقرب قريبٍ لك يغيب وينيري

ناصـــر بن سعــدي

عبدالله المرشدي

04-25-2008, 03:14 PM

ياسابقي يم العلا والمعالي =حثي خطاك ولاتوانين بالسير
الاولي مايستو بالتوالي=فرقٍ كبيرٍ بينه وبين الاخير

عبدالله المرشدي

شذى العصمه

04-25-2008, 03:19 PM

رح للذي خلاك تاج على الراس ..=واعرف تراني تاج راسك وراسه

الشيييخ شبلي

04-25-2008, 05:50 PM

ها هنا كان لاجدادي منارة .................. ها هنا التاريخ قد شاد حضارة
ها هنا في كل شبر من بلادي .............. قلعة تحكي وحصن ومنارة
قبل ميلاد بلاد الغرب كنا ..................... وكذا في الشرق كنا في الصدارة
قل لمن يسال عن الامجاد انا ............... من بنينا العز لا نخشى المكاره
ان حملنا السيف تعشقه يدينا .............. لا نبالي لو دخلنا الف غارة
كل غاز رد من حيث اتانا .................... عاد مهزوما كسيرا نحو داره
يا عمانيين يا شعب التحدي ............... لا تملوا والحقوا الليل نهاره
انطقوا الصخر فقد لان لجدي .............. ذلك الطود وقد خاض بحاره
ساعة النهضة بالشهم اتتنا ................ فارس السبعين اهدانا انتصاره
جمع الاوصاف علم ثم حزم ................... وصواب الراي فيه وجساره

جزء من قصيدة الشاعر احمد بن سالم الجحفلي

عبدالله المرشدي

04-25-2008, 07:18 PM

هذي هي الدنيا وهذى حياتك=لابد تقضيها على كيف ماجات
اليوم بكره بعد بكره مماتك=يجيك يوم يقال مرحوم قد مات

عبدالله المرشدي

فهيد مقعد الرويس

04-26-2008, 05:22 AM

تشوم للجزله نفوس المشاكيل=الي يلهم في كل جزله مبادي

الياطمن عنها شوارالدعابيل=ماهمه الاويش غنا عبادي

فهيد الرويس

عبدالله المرشدي

04-26-2008, 06:54 AM

ياليل ياجامع على الود قلبين =لك عادةٍ تجمع قلوب الولايف
ياليل في قلبي من الشوق جرحين=وادوا جروحي بين هاك الشفايف

خالد الفيصل

فهد الروقي

04-26-2008, 07:39 AM

فكرت والمكتوب مافيه حيله
ليت اليالي علمتني بالأقـــدار

عودت نفسي للعلوم الجميله
وانا على جور المحبين صبار

منقول

عبدالله المرشدي

04-26-2008, 09:37 AM

(ريح ضميرك واترك الشيل والحط)=مافيه شخصٍ بين الاضلاع غيرك
ياصاحبي لو كنت تبغى لبن بط=جبته ولو ماقلت مكثور خيرك
لاتحسب اني في هواك اتعبط=بالعكس ماشي صح في خط سيرك

عبدالله المرشدي

تركي ابن خالد

04-26-2008, 11:20 AM

كم من علوم وكم آدااااااااب نكسبها = والشعر مازون مثقـال بمثقالـي .. !

بديوي الوقداني

اليـــاء

عبدالله المرشدي

04-26-2008, 01:25 PM

ياحسين الدل يافرخ الحمام=ليه دايم بالوعود تركني
في مواعيدك احضر بانتظام=خوف راسي من غلاك يصكني
دام حكم الضرب فالميت حرام=طالبك هالحين تكفى فكني

عبدالله المرشدي

شذى العصمه

04-26-2008, 02:07 PM

ياطيب حظي كان انا حلم دنياك=ياللي تقول اني أمانك وخوفك
تحبني؟أدري حكالي محيّاك=رعشة يدينك وارتباكة حروفك
ياللي الوفا هو بعض أصغر مزاياك= حملي ثقيل ووافياتٍ كتوفك
تشيل همي دوم كنّي أنا اياك= صارت ظروفي مو ظروفي ..ظروفك
منقول

شذى العصمه

04-27-2008, 01:07 AM

كريم الوجه ياوجدي على رحمتك يارحمان =اليا مني تلحفت الثرى والكل خلاني
كريم الوجه لك مني جزيل الشكر والعرفان= أعرف ان الكمال لوجهك وقانع بنقصاني

عبدالله المرشدي

04-27-2008, 03:20 PM

ياهجس الشعر لاتبطي على الشاعر=ترا المولعى قصيده يطفي شجونه
عبدالله المرشدي

شذى العصمه

04-27-2008, 03:39 PM

هل دمعي فوق خدي وانتثــــر =قلبي المجروح وين القــــى دواه
الهوى يا اهل الهوى كله خطــر =خلو هالمشتاق يشبع من هواه
من بحر جدة الى شرقي قطر =في الحاظر والبدو ما نلقى حلاه
شوفة المحبوب والروظ الخظـر =تنعش القلب المشكى وتغـــذاه
مستحيل انساه لو غاب او حظر =ما يحب القلب محبوب ســـــواه

منقول

عبدالله المرشدي

04-27-2008, 05:38 PM

هات القلم ماعاد للصبر حدا =الصدر ضاق وجاوز الصبر حده
خل الهموم اللي بقلبي تبدا=من عقب ماهي بالخفا مستبده

عبدالله المرشدي

فهيد مقعد الرويس

04-28-2008, 08:36 PM

همً لياقفيت وموتاً لياقبلت=ياحظ من قدمه تروح وتعودي

فهيد الرويس

تركي ابن خالد

04-28-2008, 08:54 PM

ياصاحبي والحب مايعرف اعذار = لا من تمكن ماله ايـة مـداوي
خذني غلا خذني وله خذني تذكار = ارحم وانا لك بالمحبـه هـواوي

منقول

_اليــاء_

عبدالله المرشدي

04-28-2008, 09:42 PM

يالجتي لجة مع الغبشه الورد=على قليب العود يوم اعرجوبه

منقووول

فهيد مقعد الرويس

04-29-2008, 01:17 AM

هليتبك من عرض ناسً يهلون=واناعيوني يم غيرك تلدي

ماقدر اعاين فيك واموت مغبون=من شوف عكشٍ سهمهٍ مايصدي
فهيد الرويس

فهيد مقعد الرويس

04-29-2008, 03:53 AM

ياهيه يالي عن عيوني تدرا=تراي والله عن مشاهدك ماجوز

فهيد لحقه عقب شوفك مضرا=ماخطا سهمٍ ساطيٍ به على النوز

فهيد الرويس

شذى العصمه

04-29-2008, 04:04 AM

زال الوفا طبعنا والنفس ولهانه= ما أظن حي عن الجمعا بيمنعنا

سعود بن بندر

الناااااقد

04-29-2008, 08:22 AM

اليوم جيت الطيبين الوفيين =اللي لهم بالطيب قدر ومكانه

الناقد

تركي ابن خالد

04-29-2008, 09:35 AM

هب ياهذا الزمان الله يكافي شره = بعد كان البرق برقي والخيال خيالي

سلطان الهاجري

عبدالله المرشدي

04-29-2008, 09:37 AM

هذا مكان الطيب يارعي الطيب=لا شان في وجه المعنى زمانه
وصويحبي لو غاب انا عنه ماغيب=اجيه لو يبعد واسافر عشانهالمرشدي

الناااااقد

04-29-2008, 10:02 AM

هذاك بيتي لا تحطون منقول =تراه الي والله عليه شهيدي
من عادتي باللي اسويه ماقول= لكن حرام يضيع طارف قصيدي

الناااااقد

عبدالله المرشدي

04-29-2008, 12:58 PM

يازينها لالقيت الفاهم الواعي =اللي على طول يلقطها على الطاير
ماتبتلش بالكلام اللي بلاداعي=امر تدلل وتلقى مركبك ساير

عبدالله المرشدي

تركي ابن خالد

04-30-2008, 12:12 AM

روحي على شوفك تسوق البشاير= وأطلب من المولى يحقق رجاها

منقوووووووووول

عبدالله المرشدي

04-30-2008, 04:52 PM

استبيحك عذر ياجزل القصايد=كان قافك ماعجب اللي يسمعه
آه من كثر السوالف والعصايد=تدخل اللي يستمعها معمعه
القصيد الهزل مامنه فوايد =ضايعٍ خسران منهو يجمعه

عبدالله المرشدي

تركي ابن خالد

05-01-2008, 12:43 AM

هواك : الشوق .. والفقد ّ المرير .. وحزني المحسوس = على وجهي ّ يبـان الهـم ّ وهـم ٍ ساكـن اعماقـي
اتوه .. بليل .. والبيداء وسيعه .. والفجر .. محبوس .. = وعيني ساقها صـوت السهـر ّ .. وإلهامـي الساقـي

مساعد البيان

عبدالله المرشدي

05-01-2008, 09:26 AM

ياشينها لاصرت واقف لحالك=على طريقٍ مايمره ولا زول
تقول هالك وانت منته بهالك=مالك جدى ياكود ترديد يحول
هذا ترا حالي ولا هوب حالك =لنك من الاحباب منته بمعزول

عبدالله المرشدي

الناااااقد

05-01-2008, 11:32 AM

http://taqnia.com/snfoora/ar/romanc3.jpg

ثلثين قلبي غدى دامي=والثلث الاخر رثع قشه
بدرالعتيبي

عبدالله المرشدي

05-01-2008, 01:58 PM

ياسهيل تل القلب من بين الاضلاع=تل الرشى للدلو من قاع جمه
عدٍ عليه من الخلايق تجماع=دايم عيون اللي رعى الطرش يمه
ياسهيل ماهو من خبيثن الاطماع=ماهو من اللي لاهرج فيه خمه

عبدالله المرشدي