المساعد الشخصي الرقمي

مشاهدة النسخة كاملة : نحن هنـا يا أبا مسلـم

ولــ منجوم ـــد
11-24-2007, 08:36 AM
خـلـوهـا

وليا قـال ولـد منجـوم

خلـوهـا خلـوهـا

أستلـم لآهنــت


يـابـن مسلـم تقـدم والعشاء مـن محـزم الـرشاش=تـرى وقـت اللـه اللـه مالهـا الا خصـم هـواشـي
نبـا منـك السمينـه والهـزيلـه خلهـا للأش=ومـن سلـم الرجـال الغـانمـه مانتبع اللأشـي

ولـد منجـووم
إبن ثعلي
11-24-2007, 11:08 AM
صح السانك ياولد منجوم وفي انتظار ابن مسلم
تحياتي لك
عبدالله المرشدي
11-24-2007, 11:54 AM
الله يعين بن مسلم

توي فاكه بكفيل امس


وصح لسانك ولسانه يابن منجوم

لاتفكه الا بكفيلين
ابن مسلم
11-24-2007, 12:05 PM
ولد منجوم يقول خلوها

وابن مسلم يقول اخذوها


توكلنا على الله والخيال اول مطرهأإ رشاش = وانا اباامطر علاكم بالبرد ماهوب برشاشي

انا مااقدم الهزله ولااقلط علاك إعراش = ومن لاعاش من يمناه قل له ماأنت معتاشي
ولــ منجوم ـــد
11-24-2007, 12:40 PM
خلـوهـا

خلـوهـا

بـن مسلـم أحلـم وأنـا أخوك تـراني عليمـي

هههههههه

أستلـم لاهنــت


تقـولـه فـي البـدايه والنهـايـه لاهيـا تنحـاش=وأنـا خـابـر سبـاع ديـارنـا يالشـاعر النـاشي
ولـد منجـوم لامنه نـوى دربـه سـرح مغبـاش=ولانـي مخفـيٍ عـن عيـن مثلـك وقـت مغبـاشـي

ولـد منجـووم
ولــ منجوم ـــد
11-24-2007, 02:25 PM
ابن ثعلي

يامراحب انرت المتصفح

لاعدمنا

شخصك الكريم

تحيتي وتقديري لك
ولــ منجوم ـــد
11-24-2007, 02:40 PM
اخوي

عبدالله المرشدي

وجودك ومتابعتك

فخر

لناجميعا وبالنسيه

لبن مسلم

ازهله اسدك فيه

وبيني وبينك والله خصم

هااا

لايدري ههههههههه
ابن مسلم
11-24-2007, 02:59 PM
إييييييييييييييييييييه العليمي مايشيل الرشاش


صحيح الفرق واضح بين ضلع طويق والنشاش= وانا مااقول غار الهرش لايطاك يالحاشي

ترىماكل من يغبش يجيك إمضوي ألآدباش= وبعض الناس لويسمع صفير يجيك منحاشي
ابن مسلم
11-24-2007, 03:01 PM
ابوعبدالرحمن

ابوبدر

حياكم الله
ولــ منجوم ـــد
11-24-2007, 05:35 PM
خـــلـــوهـــا

خــلــوهــا

استلم لاعدمتك يالقرم



ولا ياالحبه اللي عايره ميعادك المهباش=عليه باالطلاق انك ضحيه جوف مهباشي
لون الطير وكري مايلد ال طاير الخفااش=لكن اليا دعاه الوقت جاء وصطاد خفاشي

ولدمنجوم
ولــ منجوم ـــد
11-24-2007, 06:40 PM
بن مسلم

سترة النجاااه

تحت

المقعد

هههههههههه
ابن مسلم
11-24-2007, 06:41 PM
الله الله الله

ياهملالي


تطلق ماتطلق والكلام اليوم صار إبلاش= وانا خابر كلامك كلبوه إيصير ببلاشي

والاياراعي الددسن مردك غرفة الأنعاش= تبا تقعد سنه وشهوروانته وسط الإنعاشي
ابن مسلم
11-24-2007, 06:48 PM
ياولد منجوم

سترة النجاه عند الله

اللي تحت المقعد ماهيب إلي
ولــ منجوم ـــد
11-24-2007, 09:17 PM
خلوها

استلم

ياسنايدي



لياقلت الكلام احماه والحسبه تراها كاش=تفضل خذ حسابك من يدي ياالصاحب الماشي
وانامن عهد ابوي وجدي اقف فى اللقاء منهاش=مركبهاعلى قمة جبل وتكد الارماشي

الله يسعد قلبك

يابومسلم
ابن مسلم
11-25-2007, 09:40 AM
الله الله الله

استلم الله لايهينك



عسى الطيب يعود من جماعتنا ماهو من واش= وانا والله ماأذمك وانت لاتتسمع لواشي

تركدها على راس الجبل لاصابك الهشاش= ترى ماالضلع ضلع ٍلي ولاالهشاش هشاشي
ولــ منجوم ـــد
11-25-2007, 11:18 AM
أقـول ياشـايـب الرحمـن

عزالله منـت بهيـن

لكـن مالهـا إلا رجـالهـا

أستلـم لاهنــت


يقـول المـرشـدي صاحبـك صـاحب وأثـرك الغشـاش=أنـا وشلون أسلـم لحيتـي رجـال غشـاشـي
لكـن اللـه يسمـح طـرقتـك يامصلـح الحشـاش=ترى مانـي خـويك دامت أنـك شخـص حشـاشـي

1 - صفـر

يـا أبا مسلـم

هههههههه
ابن مسلم
11-25-2007, 01:03 PM
الله يجزاك خير ياولد الشايب



انا والمرشدي وانته ياأبن منجوم مانناش= وكم وكم في هالمنتدى ناسٍ ماتناشي

عسى الله يغفر الزله عن المنقوش والنقاش= وانا ماني بناقش لك ولااقول ألك نقاشي


النتيجه (0-0)
ولــ منجوم ـــد
11-25-2007, 05:09 PM
اخوي

ابن مسلم ابيض وجه

ماقصرت

نكتفي بهذاالقدر

ولنالقاء ان شاء الله فيما بعد

وهاذي ترى بروفات للمستقبل

ههههههههههههه

لاعدمتك
ابن مسلم
11-25-2007, 06:40 PM
اخوي

ابن مسلم ابيض وجه

ماقصرت

نكتفي بهذاالقدر

ولنالقاء ان شاء الله فيما بعد

وهاذي ترى بروفات للمستقبل

ههههههههههههه

لاعدمتك

ولد منجوم

ووجهك ابيض

والجايات رزقها معها

وحياك الله

وشكراً لجميع من شاركنا
ناصر بن سعدي
11-25-2007, 09:26 PM
الغالين

ابن مسلم..

و

ولد منجوم..

ماقصرتوا إبداع وإثاره ,,


بيض الله وجيهكم ,,