":"اقرب شاعر":"

[ولــ منجوم ـــد]

خلــــوها

خلــــــــوها

خلـــــــــــــوها



سلام والليله نبا نفرق السوم=يأهل الجزاله يارجال القوافي

شاعر وابا صوله وجوله مع القوم=مدام راسي حي والبشت ضافي

ولــ منجوم ــــد

[عبدالله المرشدي]

ياهلا ومرحبا واسفين على التاخير


يامرحبا مليون ياولد منجوم=ترحيبة ترقص على راس قافي
اهلا هلا بالشاعر اللي لفا اليوم=نيابة عني وعن من خلافي

[ولــ منجوم ـــد]

اخوي عبدالله

يسلم غاليك

ما انا الا طالب بسيط في مدرستك


وكلي فخر احاور شاعر بمستواك

استلم ياسنايدي

لاعدمتك


يا المرشدي شرواك غالي ومحشوم=راع السمينه مايجب العجافي

القصر شامخ من دخل فيه مخدوم=والحر حر وكل حر يشافي

ولــ منجوم ـــد

[عبدالله المرشدي]

هلابك والله وكلنا نتعلم


اللي يعز النفس مايقبل اللوم=والمعتمر لابد له من طوافي
القصر شامخ من دخل فيه ملزوم=يمد رجله لين حد اللحافي

[ماجد بن هلال]

اااااااالله صحّت ألسنتكم :)

واصلوووووووووووووا

[عبدالله المرشدي]

ماجد بن هلال


لاهنت

وجودك انار المحاوره

تحيتي

[ولــ منجوم ـــد]

اللــه اللــه

واللــه هـذا الكلام

اللـي يشـرح الصدر

أستلــم لاهنـــت



طبـع العـرب ندري مفـاهيـم وسلـوم=هـذا كلام(ن) ماعليـه أختـلافـي

لكـن أنـا بنشـدك عـن طـايـر الحـوم=اللـي غــدا بالمثقلـه والخفـافـي

ولــ منجوم ـــد

[ولــ منجوم ـــد]

أخــوي

مـاجـد مـرورك ومتابعتك

تثلـج الصـدر

وهـي وســام نفتخـر فيـه

لآعــدمتـك

[عبدالله المرشدي]

الله يعني عليك تراي ماني راعي محاوره بس ماهان علي قافك يوم شفته قلت اجاريه

هذا الكلام اللي يصحي من النوم =لانام خبلٍ بالملذاات غافي
الطاير اللي بالسما دونه غيوم=واللي بالارض اركت عليه السوافي

[ناصر بن سعدي]

الغالين


ولد منجوم ,,

و

عبدالله المرشدي,,


لاهنتوا ..والصف مع ولد منجوم ,,

واصلوا لاهنتوا ,,

[ولــ منجوم ـــد]

اخوي ناصر

بيض الله وجهك راعي حزاه

ابشر بعزك

والصف واحد

[ولــ منجوم ـــد]

استلم
استلم

لاهنت



وين انت يومنه عـدى هتلر الروم=ماثار به داخن وجتله عوافي


وأنـا أحسبنـك تحتمـي كلمـة اللـوم= وتسـد فـي الميقـاف لـو باالملافـي


ولدمنجوم

[عبدالله المرشدي]

الهافي اللي دايم يطيح ويقوم=الى رفعته للسما جاك هافي
من طاح قدمي قالو الناس مرحوم=اخذ النصيحه واسمع العلم وافي

[ولــ منجوم ـــد]

الله

الله الله

استاذ ياعبدالله

لكن مالها الارجالها

استلم لاعدمتك



ياالمحترف مدام حطولك انجوم=شن المعارك واحضررويس لافي


واناعلى يمناك والخصم مخصوم=االسيف جاهز مع وسام احترافي

ولدمنجوم

[عبدالله المرشدي]

لاهنت لاهنت

لاباس ياللي بالمهمات زيزوم=شد الحزام وخاوني يالسنافي
مافات غير الشر وبليس مرجوم=باكر تشوف نجوم والجو صافي

تشرفت باللعب معك

وعلنا نختم المحاوره ماتصلح اذا صارت متقطعه يبيلها جلسه مباشره لاهنت

[عبدالله المرشدي]

ولد=منجوم
سلام والليله نبا نفـرق السـوم=يأهل الجزالـه يارجـال القوافـي
شاعر وابا صوله وجوله مع القوم=مدام راسي حي والبشت ضافـي
عبدالله =المرشدي
يامرحبا مليون ياولـد منجـوم=ترحيبة ترقص على راس قافي
اهلا هلا بالشاعر اللي لفا اليوم=نيابة عني وعن مـن خلافـي
ولد =منجوم
يا المرشدي شرواك غالي ومحشوم=راع السمينـه مايجـب العجافـي
القصر شامخ من دخل فيه مخدوم=والحـر حـر وكـل حـر يشافـي
عبدالله =المرشدي
اللي يعز النفس مايقبـل اللـوم=والمعتمر لابد له مـن طوافـي
القصر شامخ من دخل فيه ملزوم=يمد رجله ليـن حـد اللحافـي
ولد= منجوم
طبع العرب ندري مفاهيم وسلوم=هذا كلام(ن) ماعليـه أختلافـي
لكن أنا بنشدك عن طاير الحوم=اللي غدا بالمثقلـه والخفافـي
عبدالله=المرشدي
هذا الكلام اللي يصحي من النـوم=لانـام خبـلٍ بالملـذاات غـافـي
الطاير اللي بالسما دونـه غيـوم=واللي بالارض اركت عليه السوافي
ولد= منجوم
وين انت يومنه عدى هتلر الروم=ماثار به داخن وجتلـه عوافـي
وأنا أحسبنك تحتمي كلمة اللـوم=وتسد في الميقاف لو باالملافـي
عبدالله=المرشدي
الهافي اللي دايم يطيـح ويقـوم=الى رفعته للسمـا جـاك هافـي
من طاح قدمي قالو الناس مرحوم=اخذ النصيحه واسمع العلم وافـي
ولد= منجوم
ياالمحترف مدام حطولك انجـوم=شن المعارك واحضررويس لافي
واناعلى يمناك والخصم مخصوم=االسيف جاهز مع وسام احترافي
عبدالله=المرشدي
لاباس ياللي بالمهمات زيـزوم=شد الحزام وخاوني يالسنافـي
مافات غير الشر وبليس مرجوم=باكر تشوف نجوم والجو صافي

[ولــ منجوم ـــد]

اخوي عبدالله

ابيض وجه واللي اعرفه

المحاوره نوعين مباشر وغير مباشر

واناماكنت

ادري عن وضع المنتدى هنا

لكن ابشر الجايات اكثر

لاعدمت شرواااك

[عبدالله المرشدي]

هلا ولد منجوم

كل شي هنا مثل ماتعتقد نوعين

بس الافضل المباشر

وحياك الله وننتظر جديدك في قصائد الاعضاء

تحيتي لك ولمن مر من هنا

[ناصر بن سعدي]

الغالين ,,


ولد منجـــوم ,,
و


عبدالله المرشدي ,,

بيض الله وجيهكم ,,

متعه وإثاره ,,

وننتظر القادم ,,,وبالتوفيق ’’

[مسفر الجعيد]

الغالين ,,


ولد منجـــوم ,,
و


عبدالله المرشدي ,,

بيض الله وجيهكم ,,

متعه وإثاره ,,

وننتظر القادم ,,,وبالتوفيق ’’