المساعد الشخصي الرقمي

مشاهدة النسخة كاملة : ضـلعً مـلاذ لــروق عـن كــل شــاذوب،،

الكاتب
03-16-2005, 11:09 PM
بسم الله الرحمن الرحيم

هذه قصيده قديمة رثائيه قيلت في الشيخ تركي بن نايف الضيط شيخ شمل المزاحمه من عتيبه



كتبت جريدة الجزيزه في يوم الجمعه الموافق 29رجب 1413

قصيدة

بعنوان

أمر الله الغالب ... ولا هوب مغلوب


عندما يفاجأ الأنسان برحيل عزيز لديه تكون صدمته كبيره .. وخصوصا أذاكان الفقيد مثل الشيخ تركي بن نايف الضيط

وهوأحد مشايخ قبيلة عتيبه الذي لهم مواقف مشرفه مع مؤسس هذا الكيان العضيم الملك عبدالعزيز طيب الله ثراه ..

وللشيخ تركي الضيط مكانه كبيره بين أبناء مجتمعه اذ جمع كل المزايا الحميده

والشيخ الشاعر فيحان بن سلطان الشغار يجسد بعض من مزاياه في هذه الرثائيه






يالله ياجابر عزا كل مصيوب=تجبر عزانا في فقيد القبيله

تركي ولد نايف ذرا كل منيوب=الضيط من يشكي العيل يلتجي له

شيخ تبنا المجد من حد شلهوب=مجد تنميه السيوف الصقيله

لاهنت ياعمهوج بالكف مقضوب=من عقب تركي في يدين تشيله

تاريخهم من ماضي الوقت مكتوب=ويقطعك ياهرج ضعيف دليله

ضلع ملاذ لروق عن كل شاذوب=ومنصى لمن يشكي من الوقت ميله

شيخ على ربعه والأجناب محسوب=كفه ثناه مع القبايل ثقيله

من حسن حظه عند الأجواد محبوب=بالخير وان جابو مجاله دعي له

منه النقا ينسب وبالجود منسوب=ترفع له البيضا بعالي الطويله

وخلاف هذا موفي كل ماجوب=وبيديه حل العقده المستحيله

أمر الله الغالب.. ولاهوب مغلوب=اليا جاالقدر مافي يد العبد حيله

الصبر عند مفاجا الأقدار مطلوب=وأكبر حدث عند القبيله رحيله



شبكة قبيلة العضيان
الادارة ..
صنيتان
03-17-2005, 08:27 AM
الله يرحمه هذا عتابه كلها فاقدته مهوب العضيان بس

وصح لسان الشاعر على هذه المرثيه اللي توقف شعر الراس
°• قرنقش •°
03-17-2005, 10:05 AM
الله يرحمه ..

والقصيده روعه ماشالله ..

بس اخوي وش معنى هالكلمة (عمـهـوج)

ومشكور على القصيده خيو ..
صنيتان
03-17-2005, 01:24 PM
عمهوج اتوقع معناها طويل وجميل الشكل
إبن ثعلي
03-18-2005, 05:14 PM
عمهوج سيف الضيط اللي قطع به ارقاب الاتراك ولم يستطيعوا اختراق ديار عتيبه
تحياتي
النـايــــــف
03-20-2005, 01:27 PM
مشكور اخوي الغالي الكاتب

على هذا الاختيار

تحياتي لك ،،،


اخوك النـايــــــــــف
al_ameer
04-28-2005, 10:48 AM
الكاتب من عادتك الشي الجديدوالرائع
والله يبيض وجهك على هالقصيده الجزله وصح لسان الشاعر
وتركي فقيدة على القبيلة كلها (الله يرحمه ويسكنه فسيح جناته)