سعود القت
11-03-2007, 10:16 AM
قصيدة في قبيلة عتيبة
تشرفت بالقائها في مزاين الهيلا
بسم الإله المعتلي مجري الريح = دارت محاحيل الفكر من طربها
ومالت هجوسه بزرق الجم وتميح = ودلوٍ يعديها ودلوٍ شربها
الشوح مرهي والمعاني ضحاضيح = والكلمه الجزله مهرها تعبها
والطيب بحرٍ والنشاما سبابيح = ومن هاب له من غبةٍ ما وثبها
سلام يا روس الرجال الطحاطيح =اللي مع الايام محدٍ شذبها
الله جمعكم فوق روس اللحاليح = وشمس المراجل غيمها ما حجبها
مزاين العتبان للشمخ الفيح = اللي تنومس كل راسٍ كسبها
ما حولت فيها اليدين المشاحيح = مال الغناوي والله اللي وهبها
ترعابهم فالخوف قفر الصحاصيح = متيهه مثل السفن في غببها
حامينها بمسلباتٍ ذرانيح = ولا كل من زانت بعينه نهبها
يوم المراجل في يدين المواويح = ولا كل من يمقس بدلوه جذبها
يوم المشوك والليال الكواليح = وقفوشها روس النشاما حطبها
لا بان ميزان الرها بالمشاويح = مع ثورة الهيجا وصالي لهبها
وسيق الجمل بم العيون الذوابيح = وشاشت بدواس الوغى من ندبها
قامت تعزوى فالرياجيل وتصيح وحلت مواجيب الضفر في طلبها
وجات الرمك تحت النشاما طفافيح = وتذرت اللحية بفية شنبها
عتبان يا روس الضفر يالمفاليح = البل ردت زملها مع جنبها
والنعم فيكم كاسبين المرابيح = من دون قاصر فالرجال ونسبها
هذا وانا ناشي على هبة الريح = عايش على در المراجل وادبها
من لابةٍ يوم الملاقا ذوابيح = مطير حمران النواظر لقبها
معنا لعسرات المعارك مفاتيح = اهل الثلاث المعجزة من رعبها
نارد عدود الموت من دون تصفيح = يوم السنين اللي تروع كربها
واليوم في ضل الجبال اللواليح = دولة معزي مرعبة من حربها
تشرفت بالقائها في مزاين الهيلا
بسم الإله المعتلي مجري الريح = دارت محاحيل الفكر من طربها
ومالت هجوسه بزرق الجم وتميح = ودلوٍ يعديها ودلوٍ شربها
الشوح مرهي والمعاني ضحاضيح = والكلمه الجزله مهرها تعبها
والطيب بحرٍ والنشاما سبابيح = ومن هاب له من غبةٍ ما وثبها
سلام يا روس الرجال الطحاطيح =اللي مع الايام محدٍ شذبها
الله جمعكم فوق روس اللحاليح = وشمس المراجل غيمها ما حجبها
مزاين العتبان للشمخ الفيح = اللي تنومس كل راسٍ كسبها
ما حولت فيها اليدين المشاحيح = مال الغناوي والله اللي وهبها
ترعابهم فالخوف قفر الصحاصيح = متيهه مثل السفن في غببها
حامينها بمسلباتٍ ذرانيح = ولا كل من زانت بعينه نهبها
يوم المراجل في يدين المواويح = ولا كل من يمقس بدلوه جذبها
يوم المشوك والليال الكواليح = وقفوشها روس النشاما حطبها
لا بان ميزان الرها بالمشاويح = مع ثورة الهيجا وصالي لهبها
وسيق الجمل بم العيون الذوابيح = وشاشت بدواس الوغى من ندبها
قامت تعزوى فالرياجيل وتصيح وحلت مواجيب الضفر في طلبها
وجات الرمك تحت النشاما طفافيح = وتذرت اللحية بفية شنبها
عتبان يا روس الضفر يالمفاليح = البل ردت زملها مع جنبها
والنعم فيكم كاسبين المرابيح = من دون قاصر فالرجال ونسبها
هذا وانا ناشي على هبة الريح = عايش على در المراجل وادبها
من لابةٍ يوم الملاقا ذوابيح = مطير حمران النواظر لقبها
معنا لعسرات المعارك مفاتيح = اهل الثلاث المعجزة من رعبها
نارد عدود الموت من دون تصفيح = يوم السنين اللي تروع كربها
واليوم في ضل الجبال اللواليح = دولة معزي مرعبة من حربها