..*..سبـــــــــــــــعـ ســـــــاعـــــــاتـ..*..

[*دلوعة عتيبه*]

..

*
..

سبع ساعات اسولف واتكلم واستخف دمي..
وهي تسمعني وتضحك ومبسوطه على الآخر...

سبع ساعات اعلمها عن احزاني وعن همي..
واسولف عن حكايا الطفل كان وصار هالشاعر...

سبع ساعات تتساقط حروف الصدق من فمي..
على صحراء مسامعها وسحاب العشق متناثر...

سبع ساعات وتحلفلي براس العشق واتسمي..
تقول انت الوحيد اللي ملكني حبك الساحــــــر...

سبع ساعات ونادتني باسمه ماهو باسمي..
تناديني فهد واسمي انا ياللأسف جابــــــــر...

تشنج كل شي كان حولي ومسمعي يدمي..
ركز خنجر فهد في مسمعي من صوتها الخادر...

تخدر فكري وجسمي وذاب بداخلي عظمــــــي..
وصرت اسمع صدى صوت(ن) يردد غلطة الشاطر...

يردد غلطة الشاطر بعشره واقعي وحلمي..
وترددها زوايا غرفتي والواقع الغــــــــــــادر...

كثير اصوات شقت جلدي اللي يحتضن عظمي..
وصراخ الباب والدولاب والشباك والساتـــــــر...

وونات القلم والدفتر اللي يلتفت يمـــــــي..
وخايف وش ابي اكتب بوسط مهنها الفاتر...

وكانت ساكته وصوت النفس من خشمها وخشمي..
ربع ساعه وبحت صوت قالت خير وش صايــــــر..؟!!

وطرى في بالي عبدالله وخالد واحمد ونشمي..
والى آخرهم فهد تسعه وانا مدموغها العاشر...

وقلت ابداً مغير الخير ولكن امسحي رقمي..
اكيد انه فهد جالس سبع ساعات وهو ناطر...

وقالت لي رجاءً او اقولك ..طير ياعمــــــــــي..!
مسوي حضرتك في هالزمان العاشق الطاهر...

وقالتلي اقول..وقلت انا باقول وذا علمــــــــــي..
عجب للناس وش هالناس ((تخطي وبالخطا تكابر))..

انا يابنت بانثر لك حياتي اسمعي لمـــــــــي..
بعضه بانثره في مسمعك الحين ومن خاطر...

ترى عمري انا تسعه وعشرين وكذا رسمي..
ولكن عفت ايامي ذبلها مقبل وعابـــــــــر...

اصيل وكل اصيل مايبي مدحي ولا ذمـــــــــي..
وسبع انعام في هالناس اخص الحامد الشاكر...

وانا من نجد وربعي هم(((عتيـــبه)))وخالي الدحمي..
و((برقا))لحمي ودمي وانا من(((روق)))مع ناصــــر...

انا جابر ولد هايف وسلم الطيب هو سلمي..
ابوي اللي مربيني على الجزلات واتفاخر...

انا راعي مجاهيم(ن)يشع بفخذها وسمي..
وراعي خيل وراعي بير وبيت(ن)مبغضه كافر...

على الرمضى عبت رجلي بأرض(ن)عاشقه ضمي..
وشمسي تشرق وتوقف على راسي وانا صابـــــر...

عرق وجهي يصب وامسحه بشماغي وكمي..
وألد عيوني عن ناس(ن) سرقني يمها الناظر...

وانا شاعر ولو اكتب عجز هالفكر في نظمي..
ولاني بالغرور احكي ولكن واحد وقـــــــــادر...

وانا رجال وهاوي للقمم ويقودني عزمـــــــــي..
وابي ارقى على راس الجبل وانتي مع الحادر...

عرفتي ليه انا طاهر؟..لانك همي وغمي..
ولان الدنيا في عيني جبل نرقاه ونغامر...

يابنت الناس شفتي كيف بليا سلاح مانرمي..!!
ولانوقف بوجه البندق المليان ونخاطــــــــــر...

خلقنا الله بشر بعقول وذا واقع ولا وهمي..
وكلن يتبع مراده وفينا رابح وخاســــــــــر...

وقالتلي فمان الله شعلت النار في جسمي..
فمان الله يااطاهر ومثلك قله ونــــــــــــــادر...

ورحت آخذ كتاب الله واحلف بالكتاب امـــــــــي..
لو ان اسمي فهــد باللــــــــه ماكان احلى من جابر..؟؟






..

*
..



وسلامتـــــــــــــــــــــكمـ..



طبعاً القصيدهـ للشاعر..(((جــابر بنـ هيافـ العتيـــــــــــــبي)))

[مشاعر حالمه]

وقالتلي فمان الله شعلت النار في جسمي..
فمان الله يااطاهر ومثلك قله ونــــــــــــــادر...

ورحت آخذ كتاب الله واحلف بالكتاب امـــــــــي..
لو ان اسمي فهــد باللــــــــه ماكان احلى من جابر..؟؟

مسكييييين قسم بالله كسر خاطري

ونعم فيه وفي ربعه

وحسبي الله على عيال الحرام وبنات الحرام والله يكفينا شرّهم

لاهنتي فديتج على النقل

تحيتي لج / مشاعر حالمه

[*دلوعة عتيبه*]

ايواللــــهـ يكســـر الخـــاطــر..

واللــهـ يبعــد عننــا بنـــاتـ وعيـــال الحـــرامـ اللــي مخليـــنـ مشاعر النــاس عندهـــمـ لعبـهـ..

..

ومشكــــورهـ بعــــد قلبـي عالمـــرور..

[الرومنسي]

لاهنتي

[*دلوعة عتيبه*]

مشكـــــــور اخـــــوي عالمـــــرور..




لاخـلا ولاعــــــدمـ..

[نصف شاعر511]

لا هنتي يا دلووووووووووووعه مشكوووووووووووووووره

[ރسلايـل المجـدރ]

لاهنتـي على الإختيـار وصـح السـان شـاعرهـا

[ريومه العصيمي]

مشكوووووره على ها النقل الرائع

وجابر قمه في الابداع .....

[*دلوعة عتيبه*]

مشكــــــورينـ حبايب قلبـي عالمـرور..

وربي مايحـرمنـي هالطلـهـ الحلــوهـ..

[الجواد الابيض]

دلوعة سلمت يديك على نقلك القصيده الجميله


وصح لسان شاعرها

ولا هنتي

وتقبلي مروري

[إبن ثعلي]

لاهنتي يادلوعه على حسن الاختيار
تحياتي

[*دلوعة عتيبه*]

مشكــــــــــورينـ عالمـــــــــرور


نورتوا الصفحهـ بتواجــــــــدكمـ..