ياما شبعنا من كثير الحسايف

[الصميدع]

درست من دنياي درسن على الكيف=درسن من اللوعات بالحيل كايف
ناسن عليها من الهنا غطاريف=وناسن عليها الدهر عاصي وعايف
حتى لو صبرنا سمعنا سواليف =من سنة الدنيا لحقنا كلايف
رحنا طعامن للسنين المعاجيف=بين الهم والهاجوس صارت نصايف
عسا العوض فالمقبلات المهاديف=ونسمع بشير الخير سامع وشايف
وان عارضت معاد فيها تحاسيف=ياما شبعنا من كثير الحسايف




الصميدع





عسا ان تنال اعجابكم

[النـايــــــف]

أخي الغالي الصميدع


صح لسانك يا الغالي وبيض الله وجهك


والله لا يحرمنا من قلمك المميز بكل صراحه


تحياتي لك

أخوك ذعار

[جهز الهرس]

صح اللسانك يالصميدع على هذه القصيده الرائعه وراجع البيت الأخير
يبدولي ان فيه غلطه مطبعيه


وتقبل تحياتي

[الصميدع]

العفو على البيت الاخير وهو


ياما شبعنا من كثير الحسايف

وشكر لك والله يعافيك اخوي ذعار وانشالله ان القصيده اعجبتك

[ذياب المرشدي]

الآخ :

الصميدع



رائع جدا ومبدع ونتمنى لك المزيد من التوفيق في مثل هذه القصائد الرائعه ،،،،،،،،،،،،،،،،،،،،،،،،،،،،





اخوك/ذياب

[الصميدع]

الله يسلمك اخوي ذياب ويسلم الجميع