....قضية صورتين....

[الـعـنـود]

وش اللي ليش مستغرب .. وش اللي ليش يامضنون
----------بصراحة .. حيرتك والصمت بديت أفهـم معانيهـا

إذا عندك سؤال عيون .. عندي له جـواب عيـون
--------- إذا هـي دنيتـي .. همـك تطلّـع فـي خوافيهـا

أنا صاحي .. أنا مجنون .. اثنين وكلهـم يوفـون
--------- تحت حكم العيـون السـود .. بتضحكها..بتبكيهـا

حبايبـك الثنيـن اللـي علـى شانـك بيختلفـون
-------- قضيـة صورتيـن .. بعيـن صاحبهـا وقاضيهـا

شف اللي يعجبك منها .وأنـا دايـم عليهـا أكـون
--------ترى اللي ماعجبـك بنـوب أنـا مثلـك مادانيهـا

أنا كلي علـى كيفـك مـادام أنـك علـي تمـون
------- حياتي لـو فقدتـك أنـت قلّـي وش بقـى فيهـا

حبيبي هوّن الدعوى علـى حالـك تراهـا تهـون
-------- ولاتعمـى عيـون اللـي علـى بالـك تداويـهـا

تبي صاحي أنا صاحي .. تبي مجنون أنا مجنـون
--------أصحي لك جنون الناس .. وأجنن عقـل صاحيهـا



الشاعر
الحرالأشقر
سعد المسعودي