!!! ((( يا كبر جور الآدمي وهو معثور ))) !!! ((( جديده )))

[الشاعر الفهري]

السلام عليكم ورحمة الله وبركاته

كل عام والجميع بخير

أرفع لمقام ذائقتكم الراقيه هذه المشاركة المتواضعة وكلي أمل بأن تحوز على شيئاً من رضاكم .

أرجو بعد الإطلاع التعليق والمشاركة .


يا كبر جور الآدمي وهو معثور= لو صابته شوكه تكدر مشربه

عنده لمل ممدود لو باقي شهور= في عمره اللي من خلقه اله اكتبه

يبغى يحوش المال ويعيش بحبور= والموت مندوبه على اثره يطلبه

لو حسّبوا من قبل غبات القبور= في منزل(ن) ما به سرير ولا (ا)كنبه

ما كان طاب إلـ هم نعيم(ن) فالقصور= لو كان طوبه ماس والأخرى (ا)ذهبه

ويحس واحدهم بتأنيب وقصور= لو جبهته عن لرض تبعد وركبه

ولو برقوا باقوام ماضية العصور= كان اعرفوا وجه القرابه والشبه

وان لآخره مقر والدنيا مرور =والموت حطّاب(ن) ولرواح احطبه

واحسن صفات الموت عادل ما يجور= يختار عشوائي ما همه مرتبه

العبد واحد والملك . والدور دور= من جاه دوره راح ما فاد انسبه

ويا ليتها روحه بلا بعث ونشور= إلاّ (ا)حساب وفوز ولاّ متربه

فيا الله جزعنا السراط اثنا العبور= في ساعة(ن) يشهد على الرجل اشنبه

أعضاه تشهد بالذي بين السطور= الفخذ الاول ثم حتى منكبه

ويالله بعفوك جنه وزوجات حور= ومشوي طير وخمر صافي معذبه

واعوذ بك من ما يوسوس فالصدور= ومن العذاب وعيش ذل ومسغبه

وأسألك عفوك يا رحيم ويا غفور= وجرني بلطفك من عذابك واسببه

ويا كبر جور الآدمي وهو معثور= لو جاه كحه عاف حتى مشربه


وسلامتكم

[ذيب الينوفي]

الفهري صح لسانك ولي عوده باذن الله

[ރسلايـل المجـدރ]

صح السانك يالفهري وبداية الغيث قطرهـ :)

[ناصر بن سعدي]

شاعرنا القدير..


عبدالله الفهري

رائع رائع رائع ..


وألف صح لسانك ,,

العبد واحد والملك . والدور دور

من جاه دوره راح ما فاد انسبه


بيض الله وجهك وجزاك الله خيـــر ,,

[ذيب الينوفي]

الشاعر الفهري قصيده تحمل معاني ساميه

اسمحلي اعدت تنسيقها

[عبدالله المرشدي]

الشاعر الفهري


صح لسانك وعلى شاااانك
قصيده رائعه من رائع لاهنت

تحيتي وتقديري