يابنت تغطي اللي قدامك سعودي000

[طلال السليفي]

يابنت تغطي ...... قدامكـ سعودي


**


عــادة العين أصدق من الأذن وهناك العديد من المشاهد التي تلفت الانتباه

خـاصه حينما نسمع مقولـــة !!

تغطي يابنت هذا سعودي!!

لمــاذا ؟!! لمــاذا ؟!!

الموضوع صريح ويتحدث عن واقع نعايشه

بعض من هذه المشاهد :



المشهد الأول

:: :: :: ::

فتاة تتحدث مع أحد العمال الأجانب وتسولف معه وتأخذ راحتها معه ويدخل سعودي
تغطي كأنها ما كانت تكلم رجال زيه زي اللي دخل وتغطي يا بنت سعوي.



المشهد الثاني

:: :: :: ::


إمرأة تخرج للسواق أو العامل في المنزل بملابس عادية لا عبايه ولاهم يحزنون بحجة
أنه أجنبي عادي تكلمه بدون ما تغطي عليه ولو دق الباب سعودي قالت تغطي يا بنت
سعودي.



المشهد الثالث

:: :: :: ::


بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل
وتأخذ منه الطلب مع الشكر
والتقدير وتغطي يا بنت سعودي.


المشهد الرابع

:: :: :: ::


مجموعه من الفتيات في أحد المجمعات أو في أي مكان ودهم يسألون عن شي
صادفوا شخص لابس جينز وقميص لو سمحت يرد سمي آووه آآآآسفين
وتغطي يابنت هذا سعودي < طلع سعودي.



وغيرها من المشاهد كثيرر
طبعا كل المشاهد بمباركة الأب والإخوان وشيء طبيعي لو شاهد ابنته أو أخته تتحدث
مع أجنبي بعكس أن هي تحدثت مع سعودي !! .....




قد يكون هذا التصرف عن غباء أو جهل إلخ.... من الممكن أن تكون هذه الفتاه
على خلق ومحترمة لكن لم تجد الموجه لها
وكما هو معلوم ... قد تكون السعودية هي البلد الوحيد الذي ينفرد بكون الرجال هم من يبيعون اللوازم النسائية ..... حتى الملابس الداخلية ..... والماكياج .... وأخص خصوصيات الأنثى ؟؟؟

ولا أريد أحدثكم عما يحصل في سياراة الليموزين (( التكسي ))
لأنها وبكل اسف غنيه عن التعريف
وفي الأخير أنا لأأقول أن هذه المشاهد تحصل في
مجتمعنا السعودي كله ولكنها تحصل في أغلبه

انا اقول الفتاه التي تخاف على نفسها وتخاف من ربها اولا واخير

ماراح تقول هذا
أجنبي مره عادي ماراح يشوفني بعد اليوم والسعودي عيب عاداتتنا انا اقول كلهم
رجال ..




وعندي اضافه بعد مهمه :
وهي انه في بعض المحلات خصووصا الماركات يكون اللي يبيع فيها اجنبي سوري او لبناني او مصري
لو طلبت منه البنت غرض بيقول كرمال عيونك او على راسي من فووق او من عيوني البنت هنا وش بتسوي بتسكت او تبتسم
طيب تخيلوووووووووا ن اللي يبيع سعوودي وقال من عيووني يالغاليه او انتي تامرين امر
وش بتكوون ردة فعل البنت ؟؟
وفي الاخــــير أحببت ان انبه لا أكــــثر....

[! ولد الشيوخ !]

انا لست معك في أن كل السعوديات على هذا المنوال

فقد أضف كلمة إلا من رحم الله

فنادراً ما نجد بعض الفتيات هداهن الله يسلكن هذا الأسلوب

( تغطي هذا سعودي )

ولكن بنات الحمايل ولله الحمد ليس لديهن هذا النمط من الحياة فالحياء شعبة من الايمان يتحلن به وتربية أولياء أمورهن لها دورها فالأجنبي والسعودي سواء لا تفريق بينهم

فلربما صدرت هذه المقولة ( تغطي هذا سعودي ) من فتيات لسن بسعوديات أو لسن بقبليات أو عديمات تربية فلا تنطبق جملة ( تغطي هذا سعودي ) على بنات الحموله ولله الحمد

أشكرك على طرح الموضوع وهذا مجرد رايي .... ولنا حرية الرأي

[طلال السليفي]

رايك وانت حر به ان يبدي الانسان رايه حريه شخصيه له ولكن نقول ان هذا واقعنا المرير الذي نعيشه صدقني لقد دخلت عادات وطبائع علينا لم تكن معروفة بالسابق وليس محصور علي القبيله علي حد قولك فقد تحللت بعض القبائل من عادتها وتقاليدها تذكر عبارة بعض وليس كل او معظم القبائل كما ذكرت ولد الشيوخ فانني اعرف ان ماحصل ويحصل لامتنا الا من غزو الغرب الي مجتمعاتنا الاسلاميه اتذكر قديما مقوله من احد الكفرة يقول فيها سندخل الاغاني في مساجد المسلمين ولم اصدقها الا بعد دخول الجولات علينا فانني باذني ونحن في خشوع الصلاة ترن نغمة جوال احدهم ( هل راى الحب سكارى لاأم كلثوم ) فحسبنا الله ونعم الوكيل لابد من رجعة لدين الله صادقة وتقبل تعليقي المتواضع0000

[ރسلايـل المجـدރ]

طلل السيلفي عادتك هذى قديمة :)

الحين البنات كاشفات مع السعودي ومع النيجيري يعنى الوضع عادى مع الجميع

جده الرياض الدمام

فلانه العتيبي وفلانه القحطانى وفلانه المطيري وفلانه الحربي والشمري والسبعي والعنزى ...آلخ من قبائل المملكة الاصيلة

كلهن بنات قبائل

















على فكرة قبل ما اطلع الوضع تغير ومعاد فيه شباب يرقم البنات هنا اللى يرقمن :)

[طلال السليفي]

أما تعليقك صدقت فيه سلايل المجد والله يقولي ولد خالي بشرطة الحرم صافين بصفه تخبر العسكريه وعلومها يقول تجي وحده تصور بالجوال قلت يابنت استحي لاتصورين العسكرقالت وأصورك انت وتلقطني بصورة ويقول والله استحيت اني كلمتها وياليتني ماكلمتها 0000


فهذا الحاصل نسال الله في هذا الشهر الكريم ان يهدي ضال المسلمين والمسلمات000

[ރسلايـل المجـدރ]

لونى فالهيئة اخذتهن يا طلال بالمويـه الحـاره لانهـا بداية بدعة وبداية ضلالة

[نسمة غلا]

اخوي طلال السليفي الله يعطي العافيه موضوع جد الجد حقيقي

وفعلا هذا مانراه الان

اليس الاجنبي كالسعودي في القلب والقالب


موضوعك رائع وليس عليه غبار


وبارك الله فيك

[عصيميه]

مو كل البنات السعوديات مثل ما ذكرت أخوي ..

بالعكس والله إني أنقهر مليون مره إذا لمحني أي أجنبي بالصدفة ...

أحس بقهر فظيع ... يعني من يكون عشان يشوفني وإلا يتكلم معي ...ماعاد إلا هي !!!

وإذا على البائعين في المحلات ... مستحيل أشتري أي شيء إذا البايع

قام يتميلح ... على طول أطلع من المحل بدون أي كلمه ..

والسواق كل حوارنا معه كلمه ورد غطاها ... بس

وكل البنات اللي أعرفهم مثلي كذا ...

والفئة اللي ذكرتها فئة معدومة الدين و الحياء لاتعبر عن كل البنات ...





ودمتم لمن تحبووون ....

[طلال السليفي]

نسمة غلا أشكر مرورك العطر وهذه دائم عوايدك الطيبه المرور والتعليق لاهنتي000


عصيميه شكرا علي غيرتك التي تنبع عن قلب صادق مع الله واتمنى أن يحذو حذوك اخواتنا المسلمات والرجل رجل ذو شهوة سواء اجنبي ام سعودي وبالنسبة لشراء الاغراض الخاصه لاهلي فهم يؤشرون وانا اتفاوض مع البائع وليس من صلاحيتة المراة ان تساوم علي البضاعة التي تريد شراءوها وزوجها بحضرتها دمتي بود 000

[الكــــادي]

طلال موضوعك صحيح 100%

وياليت الكل يكون واضح مثل ما الصوره واضحه .. الأخ طلال ما يتكلم عن عائله معينه أو قبيلة معينه ..

يتكلم عن المجتمع السعودي اللي احنا نعيش فيه ,,!!

واعتقد ما احد ينكر هذا الشيء ,, مشهد يتكرر في اليوم ملايين المرات ...

واذا تبي تشوف نفس المشهد اطلع اقرب مجمع في أي مدينه كانت في السعودية ..

صحيح ما نتكلم عن كل البنات ,, لأن مثل ما ذكرتوا فئه معينه ... لكن احنا هنا نتكلم عن المشكلة الإجتماعية اللي صارت عادة وطبيعية .

تقلبوا مروري البسيط .

[طلال السليفي]

الكادي كلامك جداً واضح ويعتبر تكملة لموضوعي جزيت خيراً علي مرورك وتعليقك


ولك تقديري وأحترامي000

[ولد الأحرار]

اخوي طلال



الاجنبي مايتكلم ما يعلم , مو مثل السعودي يفضح و يعلم , وفيه بعض

من اللي تتكلم عنهم يعتقدون ان الاجنبي( مخ..... )

ههههههههههههههههههههههههههههه ماله شيء ولا ازيدك من الشعر

بيت بعض البنات تدخل عند الخياط ولا محل في السوق وتطلع صدرها ولا

اي شيء من جسمها وتاخذ اللي تبي

مايدرون انه متحجر ومبطي عن اهله والله لو تغلط الوحده غلطه

ان تروح في خبر كان....... ولا وش اللي يفقع قلبك ان الوحده اذا

سألتها ليش اذا كان صاحب الليموزين سعودي او المحل ماتركبين معه

ولا تشترين منه تقول لك انه يفهم اللي قاعد نقوله اما الاجنبي

مايفهم ... تبي تسولف وتضحك علي راحتها ... يالعوباء ماتدرين

ضحكس وسوالفس ماتصلح قدام الرجاجيل كان هندي ولا سعودي







ياما سمعنى عن اصحاب الاموزينات وعن العماله ...

كلامي هذا كله يخص الفئه اللي تشوف ان الاجنبي عادي تكشف عنه او

تتعامل معها .....



وانا مسؤل عن كلامي واحطه في ذمتي

[طلال السليفي]

ولد الاحرار أشكر حضورك وتعليقك الذي خصيت به الفئه التي نسال الله ان يهديهم ويصلح من شائنهم حيث انه يعتبر تمرد من الفتاة التي تعامل الاجنبي علي انه لارجل لاشهوة وبعضهن تقول أجنبي مسكين مايعرف شي وهم يعرفون الكفت والله انها واقعة في مكة المكرمة وانا شاهدها اجنبي نقل الايدز لستة من النساء حيث كان يعمل خياطة نساء من الجنسيه الباكستانيه قبل حوالي ثماني سنوات اللهم احفظنا بحفظك من الفواحش ماظهر منها ومابطن وتقبل أحترامي000

[الفــ*ريم*ــلا]

اخوي طلال

موضوعك رائع

وفعلا هذا الحاصل في مجتمعنا

لكن اللي تخاف من الله

ماراح تفرق بين الهندي والسعودي

لانها تعرف الحرام والحلال

والصراحه انا

اذا كان صاحب الليموزين سعودي او المحل مااركب معاه

ولا اشتري منه...

وليس السبب

اني ابي اسولف واضحك علي راحتي

لكني اخاف من السعودي

واحس عيونه زايغه..

***
اما الهندي لو اشوف منه شي بهاوشه

وبخوفه بالهيئة او الشرطه

وبستفزع بسعودي


((والله يحرصنا ويحمينا من كل شر))

دمتمـ بخير..

[الدَعْجَانِـيـْةِ]

موضوع رائع

اخوي

وقد لاأضيف شئ بعد كل ماسبق

سوا الدعاء بالهداية لجميع بناتنا وأخواتنا

.

إستدراك

لمن تقول وتردد :

إذا كان سائق الليموزين أو صاحب المحل سعودي فلن أتعامل معه
لأن عيونه زائغة :

أقول وهو مجرّد رأي:

الفتاة المحترمة تفرض إحترامها على كل الرجال بجميع ومختلف جنسياتهم
.
أحيانا نكون نحن البنات سبباً لإنفلات الأخلاق من حولنا فطالما تساهلنا مع الرجل بغض النظر عن جنسيته فسيرحب بهذا الفعل ويتمادى
،

فـ الرجل رجل بكل الجنسيات

.
الإختلاف في الراي لايفسد للود قضية
.

ودمتم
.
والله الهادي إلى سواء السبيل

.

[طلال السليفي]

ريم الفلا


الدعجانيه


أشكر مروركم ومداخلاتكم التي أضافت الي الموضوع النقاط المفقودة ولكم تقديري وأحترامي000

[شموخ النايفات]

موضوعك رائع انا ماراح ازيد
على اخواني وخواتي لانهم كفو وفو

بس بذكر قصه
عن وحده كانت بمنتزه نسائي وطبعا العاملين اهم من شرق اسيا
والبنات زينات بس عارف الجاهل وصغر السن والتربيه اهيا خلتهم يشوفون الاجنبي كانه اخوهم الصغير
وحده كانت متعطره ومتكشخه على الاخر
وكان العامل ينظر لها بعجاب قالت لها اخته تغطي الرجال يشوفج
قالت: مو رجال هذا هندي وتضحك
قالها الهندي :ليش مو رجال قلب مايحب مايعور بهل كلمات رد عليها وان صدمت
وبعدها حرمت تكشف عند قريب وبعيد.


طلال السليفي
مشكور على النصائح العامه والخاصه
والله يجزاك الف خير ويوفقك دنيا واخره

الجازي..^_^

[طلال السليفي]

أشكرك علي الحضور وعلي مابدر منكي للا صغاء ودعواتك الصادقه لي وأسال الله يحفظكي بحفظه ويحميكي من كل سوء ومكروه


الاخت الجازي000