مــــوضوع مهم للشبااب في المملكة العربية السعودية ...!!ارجو عدم دخول البنات ..

[طلال الاسلمي]

السلام عليكم


اخواني اعضاء المنتدى ارجو مسااعدتي في ايجاد حل او حلول لمشكلة لاتواجهني فحسب بل كل شباب المملكة العربية السعودية _ الله يحفظهاا _ وهي مخالفات المرور نريد ياشباب معلومات عن نسبة التخفيض للعميل المميز مثلي (7350ريال ) .....

لاتضحك انت وهو لانك ما تردي كم عليك مخالفات ...

بعطيك الطريقة التى تستطيع من خلالها معرفة كم عليك مخالفة ...

تفتح الرسائل بالجوال وتكتب رقم البطاقة المكون من عشرة ارقام وترسله على الرقم 88993

وبعدها تنتظر عشر ثواني وياتيك الرد ... عدد المخالفات والقيمة



ابي احد يساعدني في معرفة كيف يتم التخفيض من قبل المرور وكم النسبه وهل في امل اننا نمسح المخالفات ؟ ارجو الاجابة




ولكم جزيل الشكر والتقدير

[ރسلايـل المجـدރ]

طلال اللى وصلك هذا هو بعد التخفيض اي الحد الادنى من المخالفات

يعنى قطع الاشاره الحد الاعلى 900 والادنى 300 وكل مخالفه لها حد اعلى وادنى

والجهاز يعطيك الحد الادنى

يعنى السبع الف راح تسددها كامله ومعها 350

ودربك دربي


العام انا ناقد 7500 يوم جددت جوازى :)

[طلال الاسلمي]

اانا سامع ان فيه تخفيض من المرور ... يمكن تصير 4000 ريال انشاء الله يمر احد موظفين المرور هنا
ويعطينا الحل النهائي :)

[الرومنسي]

ستفرد

ههههههههههيييي

امزح معك

وانا كذا بعد الحسن نشتري سيكل

والله من جد قبل سنه سدد 6000
موت الحمر راح راتبي

والله يعينك

[ރسلايـل المجـدރ]

طلال علمتك اللى عليك 7350 ولا راح ينقص ريال اذا كان رد الرساله كذا

ولا تعب عمرك

[من عتبان الكويت]

<<<<<<<< متاكد ان مافي احد يسوق بتهور اكثر مني ومع ذالك مخالفاتي 150 ريال فقط عدم حمل رخصه



الحركه اللي انا طايح فيها هي اني اذا شفت قدامي تفتيش وقفت دونه ونزلت على ان السياره خربانه وقعدت اتعبث فيها خمس دقايق لين ينسوني العسكر واذا مشيت يمدي العسكري ناسي البلاغ ورقم اللوحه غير هذا كله اذا ما امداك توقف اول ماتجي عند العسكري اسئل على طول عن اي شي على انك ضايع بيقعد يوصف لك وينسئ المخالفه


وغير هذا كله خل جوازك بالسياره وعطه العسكري على انك ناسي بوكك بالبيت خله يخالفك على الجواز يبطي عظم مانزلت على الكمبيوتر



اما بخصوص موضوعك ياطلال ابنشد ولد عمي ملازم بالمرور ورد لك خبر

[من عتبان الكويت]

طلال نشدت لك الرجال يقول يروح للمرور ويقول انا ابي اسدد والمبلغ كبير ابي خصم يخصمون له وسئلته تتوقع كم توصل قال لي يمكن 3الالف اما تزيد عليها 500 ريال ولاتطيح منها 500

[طلال الاسلمي]

الله يعطيكم العاافيه على هالاردود الاكثر من رائعه :)



تكفون ابي احد بالمرور يعطيني الاخبر الاكيد :confused:

[من عتبان الكويت]

طلال الرجال اللي نشدته لك ملازم اول في المرور

[طلال الاسلمي]

طيب الخصم هذا بواسطة ولا ورقة اعبيهاا ببياانااتي ولا كيف ؟؟؟؟


ياليت توضح لي .... هل اروح لقسم معين بالمرور ..؟؟

[! ولد الشيوخ !]

يا اخوي طلال

هل سمعت بلقطة غليس؟

هذي هي المخالفات

يعني ماكو فكة الله يعينك ويعن من عليه مخالفات

[من عتبان الكويت]

طلال حبيب قلبي رح للمرور قسم المخالفت واشرح وضعك وقول انك عاجز عن تسديد المبلغ كامل وتبي خصم وهم يخصمون لكن انشب لهم ترا كل ما تحن عليهم كل ما ينقصون المبلغ حوس الرياجيل حوس وادخل على المدير وتكلم وتاتيسر باذن الله

[ރسلايـل المجـدރ]

انا اقولك يا طلال والله مافيه خصم الا بطريقة وحده

تقدم على امير منطقة الرياض وفي حالة ضعيفه جداً يستثني من المبلغ شي

اما من ناحية قسم المرور ما راح ينزل شي

ولا ريال واحد حتى لو الشخص متوفى والله يطول بعمرك :)

عطيتك العلم وانت على هواك


طريقة التقديم على الامارة خطاب (معروض) تطلب فيه من الامير حذف المبلغ عنك :)

[نسمة غلا]

<<<<<<<<<<<<<< مرور مجرد حب خبر ولقاقه


زين ان احنا يالبنات مانسوق كان وصلت المخالفات ياطلال لين فوق 10000


الله يستر

[من عتبان الكويت]

سقتن قلوبنا سوق يالبنيات وعليتسن مخالفات بالملايين :) ياتسبدي عني لي ثلاث سنين مجروح الفوادي