اقرب يا شاعر روق لاهنت

[فهد المقاطي]

مساكم الله بالخير ياجماعه وكل عام وانتم بخير

يا سلام الله على اهل المنتدى ربعي عتيبه

يا ابن مسلم ناد شاعر روق والباقي على الله



قمت افكر فا البعيده قمت افكر فا القريبه

وآزن المعنى مع المنطوق والباقي على الله

[ابن مسلم]

صح لسانك يافهد المقاطي


ولسان شاعر روق مقدماً ويبى يجي إن شاء الله

[الدعجاني99]

صح لسانك يالمقاطي.
.
.

[الإعصار]

صح لسانك يافهد
ولسان ابو سعود مقدما

[فهد المقاطي]

صحت ابدانكم جميع وشكرآ على المرور

وعساه ما يبطي بلشنا نسهر مع السهارى ونداوم مع المداومين

[شاعر روق]

مرحبا ومسهلا يافهد والعذر على التاخير



مرحبا ترحيبة تملا سما الكون الرحيبه=يافهد واللي تبا ملحوق والتكله على الله
كل تاجر يشتري ويبيع ماله وسط جيبه=والبضايع كلها في السوق والباقي على الله

[شاعر روق]

ابو ضيف الله
مشكور ومجمل على جميل مرورك
تقديري

[شاعر روق]

الدعجاني
مرحبا ومسهلا
حيااك الله

[شاعر روق]

الاعصار
ارررحب سعدنا بمرورك

[عبدالله المرشدي]

صحة السنتكم


لاهنتوا

واصلو

[شاعر روق]

ابو بدر
مرحبا ومسهلا
سعيدين بجميل المرور
تقديري

[فهد المقاطي]

مرحبا مرحبا يا ابو سعود الله يحييك وينك غايب لك ايام ولا مثل ما قال ابن مسلم ؟؟؟؟؟؟؟؟؟

مرحبا بالجميع كل من شاركنا واسعدنا مروره الله يحييه
وعسى الوالد بخير يا عبد الله

اسمع يا شاعر روق

كل شي(ن) حايزينه ماخذينه بالغصيبه
لو يعيــي سارق المسروق والباقي على الله

يا نديبه علمه قدام يخطي يا نديبه
وانت يا رجال كلك ذوق والباقي على الله

[شاعر روق]

البقاء يافهد وانا والله مااقدر احك اذني من المشاغل اليومين هذي
خصوصا اني في دوره عسكريه ولا اطلع الاهلكان وابن مسلم موعدني
يبا يدور لي بس مااوفى بوعده من بكره في بكره :) <لايطول الهرج هات البيت


يوم دقلات المعارك والهزيمه والغليبه=نصرنا بسيوفنا موثوق والباقي على الله
والفهيم اللي ينقّد هرجته عن مايعيبه=وان نظر ينظر بعينه فوق والباقي على الله

[ابن مسلم]

يابلشت ابن مسلم بلشتاه

كل واحد منكم فاتح ٍ فمه ويصيح على ابن مسلم

كنه وصي علاكم أبك ابن مسلم ماأوفيت بوعدك له بالحجازيه

[شاعر روق]

هههههههههه
ايه عرض الصياح صياحك حتى تسلم
انت هالحين ماانت بفي ازمه
لكن انا لحالي اقلب راسي :)

[فهد المقاطي]

اسمع يا ابو سعود

الشجاعه يا العتيبي عندكم ما هي غريبه

في ظهور الخيل والا النوق والباقي على الله


والحظيه في عكاظ المنتظر يبدي مصيبه

فوق راسك يا ولد معتوق والباقي على الله

[شاعر روق]

يافهد كنك غريب وهرجتك هذي عجيبه=مير جعلك مايجيك العوق والتكله على الله
ان نزلنا في عكاظ وصار كلٍ مع طليبه=كل خصم يضدنا مفهوق والتكله على الله

[فهد المقاطي]

اسمع يا شاعر روق


اسعد الله يوم اشوفه في بكاه وفي نحيبه
ثم نفتش داخل الصندوق والباقي على الله


ليه يوم انه يصر الديس ثم يشرب حليبه

والسعد ما بينهم مفروق والباقي على الله

[فهد المقاطي]

وين الصفوف يا جماعه
وين ابن مسلم والمرشدي وابن ثعلي والطوفان والاعصاروالدعجاني

وبقية الاخوان شجعونا و اسعدونا بمشاركاتكم

[ابو عجرا العصيم]

انا في صفك يا المقاطي والتكلة علي الله

[الآسر العتيبي]

مبدعين دائمااااا ......

بس يالله كملواا...