شموخ النايفات
09-04-2007, 11:16 PM
قصيدة قصيدهـ التوجد
وهي ردّ على الشاعر خالد بن مدعث الدوسري وهي من أجمل قصائد التوجد التي قيلت في الشعر الشعبي المعاصر. ويقول فيها:
كل مافاضت عيونـي نجـر بـن حربـان دنّـا
في ضلوعي يسمع اللي من ورى بغـداد دنّـه
يوم ابن مدعث لنا سن الوجـود الحـق سنّـا
وا فوادي كن دود الارض يرعى فـي مسنّـه
وا فـوادي لـو تظنـا أبـن مدعـث ماتظنّـا
كنه المجـدور عقـب الجـور مرمـيٍ بعنّـه
اشعل التنمبـاك مـن خلجتـه ماشبـّه وكنـّا
مير كنه من عجاج فـاح مـن صـدره يكنـّه
وا وجودي .. وجد منهو عض بابهامه وحنّـا
واحد شاف الثـلاث البيـض سـود مستجنّـه
شاف قـدام الخيـام خشيـف ريـمٍ مرجهنّـا
وثور البندق يبي صيده وراغ الخشـف عنّـه
اطلق اربع عقبه اربع ثم سمـع صـوت يونّـا
اثرها امه صابها طلقـة وطـار العقـل منّـه
واتهمـوه بذبحـة أمـه ليلـة العيـد وتجنّـا
اتهمته النـاس وصـدوف المقاديـر اتهمنّـه
قالوا: أخوانه ترى منـا بمنـك ولا انـت منّـا
يفرق الله بيننا وبينـك وعسـى مالـك مظنّـا
لك ثلاث أيام من ذا الحين وارحـل عـن وطنّـا
عقبها تخطر على راسـك مضاريـب الاسنّـه
ودع مريتـه وتـو بنتـه صغيـرة مـا تحنّـا
توها ام اربع شهور وفـي لحمهـا زود لنّـه
ركـب غوجـه وانقلـب قبلـه بليـل ماتونّـا
والحمايا مـن خلافـه ارخـوا حبـال الاعنّـه
المطايـا والسبايـا مــن خـلافـه عمـدنّـا
والمنايـا سجـدا قــدام عيـنـه يرقبـنّـه
كل ماعنـز علـى قـوم وطـن الـراس طنّـا
قالوا: اذلف ذابـح امـه لعنبونـا لـو نحنّـه
ذابـح امـه لوزبنـا عـده انــه مازبـنّـا
لعنبوتـس بيـوت قـوم ذابـح امه زبننّـه
الجمالـة مـا تجمـل فـي ولـد حـر تدنّـا
ميـر دور غيرنـا وانحـش بقلبـك لانـدنّـه
وانقلب من عندهم كنـه علـى محمـاس بنّـا
يمت اهل الغوص عجـلات الركايـب وجهنّـه
ركب بابـور البحـر ودمـوع عينـه يذرفنّـا
فـوق خـده كنهـن اذواد بــدو مرثعـنّـه
ويوم حـل الليـل اشرعـة السفينـة دودلنّـا
والهبايـب مـا يخّلـن محبـل مـا دودلـنّـه
قـام ربـان السفينـة قـال: يانـاس امتحنّـا
قوموا ادعوا ربكـم عـلام ماوسـط الأجنّـه
قال: شيـخ منهـم الا عنـدي الـراي المطنّـا
ضحوا بواحد عسـى الله ينقـذ ايديـن رجنّـه
وطاحت القرعة على اللي ذابـح امـه ماتثنّـا
ثم رموبه فـي ظلامـات البحـور المستكنّـه
وادبحوا عنه وهو فـي غبـة المـوج يتثنّـا
ثم عارض له من وحوش القرش جرجور وصنّه
عض جرجور البحر ساقه وصايـح واستجنّـا
ابك لـولا الله كـلاه القـرش مايسلـم مطنّـه
وفي ديار من بلاد الهنـد بيـن انـسٍ وجنّـا
من فضل ربي عليه اطراف الامـواج احذفنّـه
ومثل ماقبل امس متهـومٍ بذبـح أمـه امعنّـا
اتهمـوه بذبـح سلطـان البـلاد المطمئـنّـه
وفي السجون المظلمة خمسة عشر عام قضنّـا
مع ثلاث ما قضنا الا مع عقـب حالـه قضنّـه
لاسمع ورقـى تغنـي جـر مسحوبـه وغنّـا
كل مغنى يزعجه غصـب يجـي تاليـه ونّـه
لاطـرت بيـوت قـوم فـي الخلايـا يرفعنّـا
دار دولاب الدبـا الدالـوب دولابـه و زنّــه
وكل مابرق سرى شرق صدوق الغيـث شنّـا
كن قلبـه فـوق سبـق طيـور بـر شطرنّـه
عقـب مـدة جـاه مـن داره نذيـر مرثعنّـا
قال انـا جيتـك بعلـمٍ والله انـه .. والله انّـه
حرمتك ماتت لها عشـر سنـوات قـد مضنّـا
والبنية معمـس تقـرع عليـك قـراع شنّـه
عمها عـزر بهـا فـي وسـط بيتـه ماتهنّـا
خادمـة نسوانـه الثنتيـن واللـي يضيفـنّـه
ثم زوجهـا لابـو سبعيـن عـام مـا نقصنّـا
شايب يطرب خفوقـه لاسمـع للقـرش رنّـه
ويوم سمع هروجهم فاضت عيونـه وازحرنّـا
وسط سجنه كنه اللي ساكـنٍ لـه فـي مجنّـه
قال: ياربعي افزعوا لي مـن سجـون غيضنّـا
وقبر قلب الدم دمـة غـادي ايديكـم يظهرنّـه
قالـوا: انـا وش لنـا والله انـا مـا شحنّـا
غير بنتك والا مثلـك مـا بقربـه قـرب جنّـه
وانتحـوا عيـون قايدهـم جنـوب خايلـنّـا
وهو من ورى سجنه عيونه كل نجـم خايلنّـه
وعقب عام من مجي ربعه وسنن عـض سنّـا
اعفوا الكفار عنـه مـن عقـب سـود دهنّـه
يوم فكوا قيـد رجلـه وانطلـق خاطـره منّـا
وانفلت يبغى ديـار مـن ورى نجـد اشحننّـه
حـث ساقـه مايشـوف الا بنيتـه يـوم قنّـا
من عقب عشرين عام في وطن قـوم مصنّـه
ومن رداء حظه نهار اغمن عيونـه وارقدنّـا
فز من نومه عقب عضـة حنـش داب بسنّـه
ومن اثر سم الحنش يونس ضلوعـه يطبخنّـا
طاح وعزيّ لواحـد سـود الافاعـي طيحنّـه
ويـوم هـو فكـر الا فوقـه نجـوم يبرقنّـا
شاف بكيت بنتـه اللـي جـاء يبيهـا بينهنّـه
قال: يا نجوم السماء تكفين روحي صوب اهلنا
علمي بنتي عن اللي صـاب ابوهـا واستسنّـه
اشهد انـا مـا بحلنـا فـي الليالـي اشهدنّـا
مير حظي خانني ثـم مـات مابـه مـن يقنّـه
ذاك وجده وجد حالي فـي وطنـا مـن عطنّـا
من هنوف ٍ خدرها بيـض الهنـادي يحتمنّـه
وهي ردّ على الشاعر خالد بن مدعث الدوسري وهي من أجمل قصائد التوجد التي قيلت في الشعر الشعبي المعاصر. ويقول فيها:
كل مافاضت عيونـي نجـر بـن حربـان دنّـا
في ضلوعي يسمع اللي من ورى بغـداد دنّـه
يوم ابن مدعث لنا سن الوجـود الحـق سنّـا
وا فوادي كن دود الارض يرعى فـي مسنّـه
وا فـوادي لـو تظنـا أبـن مدعـث ماتظنّـا
كنه المجـدور عقـب الجـور مرمـيٍ بعنّـه
اشعل التنمبـاك مـن خلجتـه ماشبـّه وكنـّا
مير كنه من عجاج فـاح مـن صـدره يكنـّه
وا وجودي .. وجد منهو عض بابهامه وحنّـا
واحد شاف الثـلاث البيـض سـود مستجنّـه
شاف قـدام الخيـام خشيـف ريـمٍ مرجهنّـا
وثور البندق يبي صيده وراغ الخشـف عنّـه
اطلق اربع عقبه اربع ثم سمـع صـوت يونّـا
اثرها امه صابها طلقـة وطـار العقـل منّـه
واتهمـوه بذبحـة أمـه ليلـة العيـد وتجنّـا
اتهمته النـاس وصـدوف المقاديـر اتهمنّـه
قالوا: أخوانه ترى منـا بمنـك ولا انـت منّـا
يفرق الله بيننا وبينـك وعسـى مالـك مظنّـا
لك ثلاث أيام من ذا الحين وارحـل عـن وطنّـا
عقبها تخطر على راسـك مضاريـب الاسنّـه
ودع مريتـه وتـو بنتـه صغيـرة مـا تحنّـا
توها ام اربع شهور وفـي لحمهـا زود لنّـه
ركـب غوجـه وانقلـب قبلـه بليـل ماتونّـا
والحمايا مـن خلافـه ارخـوا حبـال الاعنّـه
المطايـا والسبايـا مــن خـلافـه عمـدنّـا
والمنايـا سجـدا قــدام عيـنـه يرقبـنّـه
كل ماعنـز علـى قـوم وطـن الـراس طنّـا
قالوا: اذلف ذابـح امـه لعنبونـا لـو نحنّـه
ذابـح امـه لوزبنـا عـده انــه مازبـنّـا
لعنبوتـس بيـوت قـوم ذابـح امه زبننّـه
الجمالـة مـا تجمـل فـي ولـد حـر تدنّـا
ميـر دور غيرنـا وانحـش بقلبـك لانـدنّـه
وانقلب من عندهم كنـه علـى محمـاس بنّـا
يمت اهل الغوص عجـلات الركايـب وجهنّـه
ركب بابـور البحـر ودمـوع عينـه يذرفنّـا
فـوق خـده كنهـن اذواد بــدو مرثعـنّـه
ويوم حـل الليـل اشرعـة السفينـة دودلنّـا
والهبايـب مـا يخّلـن محبـل مـا دودلـنّـه
قـام ربـان السفينـة قـال: يانـاس امتحنّـا
قوموا ادعوا ربكـم عـلام ماوسـط الأجنّـه
قال: شيـخ منهـم الا عنـدي الـراي المطنّـا
ضحوا بواحد عسـى الله ينقـذ ايديـن رجنّـه
وطاحت القرعة على اللي ذابـح امـه ماتثنّـا
ثم رموبه فـي ظلامـات البحـور المستكنّـه
وادبحوا عنه وهو فـي غبـة المـوج يتثنّـا
ثم عارض له من وحوش القرش جرجور وصنّه
عض جرجور البحر ساقه وصايـح واستجنّـا
ابك لـولا الله كـلاه القـرش مايسلـم مطنّـه
وفي ديار من بلاد الهنـد بيـن انـسٍ وجنّـا
من فضل ربي عليه اطراف الامـواج احذفنّـه
ومثل ماقبل امس متهـومٍ بذبـح أمـه امعنّـا
اتهمـوه بذبـح سلطـان البـلاد المطمئـنّـه
وفي السجون المظلمة خمسة عشر عام قضنّـا
مع ثلاث ما قضنا الا مع عقـب حالـه قضنّـه
لاسمع ورقـى تغنـي جـر مسحوبـه وغنّـا
كل مغنى يزعجه غصـب يجـي تاليـه ونّـه
لاطـرت بيـوت قـوم فـي الخلايـا يرفعنّـا
دار دولاب الدبـا الدالـوب دولابـه و زنّــه
وكل مابرق سرى شرق صدوق الغيـث شنّـا
كن قلبـه فـوق سبـق طيـور بـر شطرنّـه
عقـب مـدة جـاه مـن داره نذيـر مرثعنّـا
قال انـا جيتـك بعلـمٍ والله انـه .. والله انّـه
حرمتك ماتت لها عشـر سنـوات قـد مضنّـا
والبنية معمـس تقـرع عليـك قـراع شنّـه
عمها عـزر بهـا فـي وسـط بيتـه ماتهنّـا
خادمـة نسوانـه الثنتيـن واللـي يضيفـنّـه
ثم زوجهـا لابـو سبعيـن عـام مـا نقصنّـا
شايب يطرب خفوقـه لاسمـع للقـرش رنّـه
ويوم سمع هروجهم فاضت عيونـه وازحرنّـا
وسط سجنه كنه اللي ساكـنٍ لـه فـي مجنّـه
قال: ياربعي افزعوا لي مـن سجـون غيضنّـا
وقبر قلب الدم دمـة غـادي ايديكـم يظهرنّـه
قالـوا: انـا وش لنـا والله انـا مـا شحنّـا
غير بنتك والا مثلـك مـا بقربـه قـرب جنّـه
وانتحـوا عيـون قايدهـم جنـوب خايلـنّـا
وهو من ورى سجنه عيونه كل نجـم خايلنّـه
وعقب عام من مجي ربعه وسنن عـض سنّـا
اعفوا الكفار عنـه مـن عقـب سـود دهنّـه
يوم فكوا قيـد رجلـه وانطلـق خاطـره منّـا
وانفلت يبغى ديـار مـن ورى نجـد اشحننّـه
حـث ساقـه مايشـوف الا بنيتـه يـوم قنّـا
من عقب عشرين عام في وطن قـوم مصنّـه
ومن رداء حظه نهار اغمن عيونـه وارقدنّـا
فز من نومه عقب عضـة حنـش داب بسنّـه
ومن اثر سم الحنش يونس ضلوعـه يطبخنّـا
طاح وعزيّ لواحـد سـود الافاعـي طيحنّـه
ويـوم هـو فكـر الا فوقـه نجـوم يبرقنّـا
شاف بكيت بنتـه اللـي جـاء يبيهـا بينهنّـه
قال: يا نجوم السماء تكفين روحي صوب اهلنا
علمي بنتي عن اللي صـاب ابوهـا واستسنّـه
اشهد انـا مـا بحلنـا فـي الليالـي اشهدنّـا
مير حظي خانني ثـم مـات مابـه مـن يقنّـه
ذاك وجده وجد حالي فـي وطنـا مـن عطنّـا
من هنوف ٍ خدرها بيـض الهنـادي يحتمنّـه