وش فايدة تعداد ربعك ملايين && لاصار فيهم طيب العرف نادر

[ابورايد]

يالله يامعدل ميال الموازين
ويامرسل غيمك على الارض ماطر
ويارازقٍ خلقك بكل البلادين
وياعالمٍ باللي على الهم صابر
دعاك عبدك راجي العطف واللين
رحماك حيثك على الكل قادر
والناس ماهم على طول حيين
وتالي جسدهم باليٍ فالمقابر
والروح يم اللي له الخلق راجين
عطفه ولطفه من عظيم المخاطر
وياكثر صدماتي بناسٍ عزيزين
اللي لهم حشمه وتقدير خاطر
واثر التجارب خير وافضل براهين
ومنها تعلمنا بكل المصادر
وش فايدة تعداد ربعك ملايين
لاصار فيهم طيب العرف نادر




وسلامتكم

[روووووقي]

وش فايدة تعداد ربعك ملايين
لاصار فيهم طيب العرف نادر

ابو رايد صح لسانك ولاهنت قصيده جزله



اخوووك رووووقي

[ملحــــــق المخليـــــــن]

صح لساااااااانك والله لا يهينك يالغاااااااااالي ويعطيك العاافيه وانشهد انها قصيدة جزله



تحيــــــــاتي :-الذيــــــــــــــــــــــابي