المساعد الشخصي الرقمي

مشاهدة النسخة كاملة : خاص يبن مسلم ؟؟؟؟؟؟؟///////////

الذويبي العتيبي
08-31-2007, 12:18 PM
سلام عليكم ورحمة الله وبركاته
الله يبلغكم رمضان اجمعين قولوا آمين
ويعيده عليكم اعواما مديده

خاص يبن مسلم ؟؟؟؟؟؟؟

ياخبر يازين فالقلب من دفـّك =مادرت عنك الفواصل ولا الساحه
يسعد الله ياهوى البال من زفك=لين صارت روح مغليك مرتاحه
جيتك اسعى قلت بالود لا لفـك=والظلام الدّ مْس لنير مصباحه
ابن مسلم رتب الورد في رفك=والتعب لاقاه من عجة ارواحه
واغلق البيبان وارسل معي شفك=سلم المفتاح بيديه فالراحه
جيت افك الباب والباب ماينفك =كن له قفلاً يعاكس لمفتاحه
عرفك المطلوب شفَّ الفتى عرفك=كلها الابواب فالوجه منلاحه
يابحرغرفه من الوقت من لطفك=والبحر ماهمته ناس سباحه
ولو بغيت اوفيك بالمدح ماوفـِّك=وانت قمة ضلع للسّحب نطاحه
واعتبرني دايم الدوم في صفك=لين ياتي للعمر وقت مرواحه
قول تم وحط كفي على كفك =والجبل مزبان ماهو كما الواحه
إبن ثعلي
08-31-2007, 12:25 PM
صح السانك يالذويبي وبن مسلم قدها وقدود
تياتي لك
المـاشي
08-31-2007, 12:25 PM
تكــرار
ذيب الينوفي
08-31-2007, 12:28 PM
صح لسانك

والمعنى في بطن الشاعر

بينك وبين ابن مسلم
المـاشي
08-31-2007, 12:33 PM
واغلق البيبان وارسل معي شفك
سلـم المفتـاح بيديـه فالراحـه
جيت افك الباب والباب ماينفـك
كن له قفـلاً يعاكـس لمفتاحـه

ارفق على المفتاح تراه غالي
الشاعر الجميل

الذويبي

صح لسانك وعلى شانك

بيض الله وجهك

بانتظار القرم ابن مسلم
عبدالله المرشدي
08-31-2007, 01:57 PM
صح لساانك يالذويبي


ويستاهل بن مسلم وكفو

تحيتي وتقديري
ابن مسلم
08-31-2007, 06:44 PM
رداد الذويبي

صح لسانك

وبيض الله وجهك

ولاعلاك قصور يالذيب

وبالنسبه للرد وصلك فالرساله الخاصه

وان ماكفى قل لي

وتقبل تقديري
الذويبي العتيبي
08-31-2007, 08:31 PM
صح السانك يالذويبي وبن مسلم قدها وقدود
تياتي لك

صح بدنك وانا اخوك وابن مسلم قدها وانت وشرواك من الرجال

لاهنت ومشكوووور
الذويبي العتيبي
08-31-2007, 08:34 PM
واغلق البيبان وارسل معي شفك
سلـم المفتـاح بيديـه فالراحـه
جيت افك الباب والباب ماينفـك
كن له قفـلاً يعاكـس لمفتاحـه

ارفق على المفتاح تراه غالي
الشاعر الجميل

الذويبي

صح لسانك وعلى شانك

بيض الله وجهك

بانتظار القرم ابن مسلم


الله يسعدك وانا اخوك يالماشي

وصح بدنك ووجهك ابيض 0 وانا عارف ان المفتاح غالي

والا ماكان رتبت فيه القصيده 0

يامال العافيه 0 وكل مايجي من ابن مسلم اعده علي غالي

تقبل الشكر والتقدير يالطيب
الذويبي العتيبي
08-31-2007, 08:37 PM
صح لسانك

والمعنى في بطن الشاعر

بينك وبين ابن مسلم


اخوي كنز المشاعر

انت صادق المعنى بين ضلوع الشاعر

وصح بدنك يالغالي ولاهنت

وتقبل التحيه
الذويبي العتيبي
08-31-2007, 08:40 PM
صح لساانك يالذويبي


ويستاهل بن مسلم وكفو

تحيتي وتقديري


ياهلا وانا اخوك ياعبدالله المرشدي

وصح بدنك يالغالي وانت مانسيناك لابد من يوم

تبحر بنا السفينه 00 خخخخخخخخخخ

وابن مسلم كفو وكلكم ماعليكم زود

ياهل النخوه والفزعات

تقبل التحيه
الذويبي العتيبي
08-31-2007, 08:45 PM
رداد الذويبي

صح لسانك

وبيض الله وجهك

ولاعلاك قصور يالذيب

وبالنسبه للرد وصلك فالرساله الخاصه

وان ماكفى قل لي

وتقبل تقديري


هلا وغلا فيك وانا اخوك يبن مسلم

وصح بدنك ووجهك بعد ابيض 0وماقصرت معي بشيء ابد

وانت تستاهل كل خير وماجاك الا القليل وانت تستاهل الكثير

والرساله وصلت ولكن القفل باقي وان ماتسهل والا الله يعينك

يبي يجيك قصيده تهز المنتدى هز خخخخخخخخخخ

ماجايك الا العافيه ياراع الاوله

تقبل كل التقدير والاحترام من اخوك ابو مازن