كـنز المشـاعر ليـلك أيسـدي

[ابن مسلم]

كنز المشاعر

أقرب الله لايهينك


سلام تسليمتن فيها كلام وكلام= كلام مثل العسل وكلام ياماأقشره

كنز المشاعر بعد ماعلقوا له وسام= ما باقي (ن) مرشدي ف الأرض مابشره

[إبن ثعلي]

صح السانك يابن مسلم وننتظر كنز المشاعر
تحياتي

[الإعصار]

صح لسانك يابن مسلم
ونبقى في انتظار كنز المشاعر
تحياتي

[ابن مسلم]

ابو عبدالرحمن

صح بدنك

وياهلا وجود تشريف لنا

[ابن مسلم]

الاعصار

صح بدنك

وياهلا وغلا

[ذيب الينوفي]

ابن مسلم والله ماني بشاعر محاوره بس ابا طقطق معك

[ابن مسلم]

ابن مسلم والله ماني بشاعر محاوره بس ابا طقطق معك



يارجال كلنا ماحنا بشعار محاوره

الدعوى تسليه ومزوح

[عبدالله المرشدي]

صح لسانك يابن مسلم


وعلى شانك


وننتظر كنز المشاعر

وصح لسانه مقدم

[ذيب الينوفي]

ياعود لا تنتظر لو كان رد السلام
مالك علينا ترا لو حق لك نذكره
خلك اديبن قبل لا تنسحب بالخطام
ياشين عقب الهدير الجرجره

[مشاعر حالمه]

الله الله

ابن مسلم وكنز المشاعر

اكيد الليل احلى مع محاورتكم يالطيبين

:)

متااااااابعه لكم وصحت السنتكم ولاهنتم

تحيتي لكم / مشاعر حالمه

[ذيب الينوفي]

صح بدنك يامشاعر وشرايك تكسرين القاعده وتلعبين محاوره

[مشاعر حالمه]

يؤ

كنز لا بالله ماعرف هع

:)

خل اللعب لأهله والا انا علي المطبخ والقهوة والحلى خخخ

[ابن مسلم]

اسف على التاخير رحت اتعشاء


تبا لصراحه على راسك هاذيه ملام= لوقلت لي مرحبا ويش الذي تخسره

كنز المشاعر من طيور تحب الظلام= وأن شافت الحر الآشقر جاء لها صرصره

[ابن مسلم]

ابوبدر

صح بدنك

بس ماقلت لي وين صفك

[ابن مسلم]

مشاعر حالمه

حياك الله

وصح بدنك

وركبي القدر على النار والعشى على كنز المشاعر

ههههههههههههههههههههههه

[ذيب الينوفي]

انكان تبغا النظام اليوم عندي نظام
واما بغيته ترا مافيه شي اخسره
المحترم دايما نبذله الاحترام
والي بي غيرها له سيفنا نشهره

[ذيب الينوفي]

وش الاستهتار هذا يابن مسلم كابنا ورايح تعشا مانت شايفنا شي

[ابن مسلم]

يابن الحلال القرض قبل الفرض



فالسوق تاجر ذهب وفالسوق تاجر حمام= لاشافها وقعت وزنه يفج نحره
الارض بجنودها والجو فيه السهام= والعلم قد جاه لاكن راح ماعبره

[عبدالله المرشدي]

استمرررررررررو ا


صحة السنتكم

ويابن مسلم انا في صف الجميع ههه


تحيتي

[ذيب الينوفي]

جبنا السواري ورصينا الفشق فالحزام
وصويبنا عبد مكه ماقدر يجبره
وش عاد لو قالو العالم تراها حرام
العود من ينقله العود من يقبره

وشرايك نختم نبي نسري ورانا دوام

[ابن مسلم]

استمرررررررررو ا


صحة السنتكم

ويابن مسلم انا في صف الجميع ههه


تحيتي


صح بدن يابو بدر

والجميع في صفك
ههههههههههههههههههه

[ابن مسلم]

صح لسااااااااااااااانك

ياكنز المشاعر

وتصبح على خير

[ذيب الينوفي]

وانت من اهله

[المـاشي]

الله الله

محاوره جميله

صح لسان

الشاعران

الحبيبان

ابن مسلم

و

كنز المشاعر

بارك الله فيكم

خساره ماحضرت الحدث في حينه لكن خيرها بغيرها

[سلطان بن دحيم العطاوي]

صح السنتكم جميعا والله لا يهينكم