بكل فخرٍ وأعتزاز إستطاع أن ينافس عمالقة الشعراء على الساحه الشعبيه

[ابن مسلم]

بكل فخر وإعتزاز إستطاع شاعرنا القدير (جزل القصيد) الشاعر / عبدالله مرزوق المرشدي أن ينافس عمالقة الشعراء في الساحه الشعبيه بل وتغلب على الكثير منهم بدون قصور فيهم ولاكن لجزالة قصائده وصدق معانيه .فلايكاد يمر علينا يوم واحد إلا ونشاهد إسمه على صفحات المطبوعات المهتمه بالشعر الشعبي المميزه منها والمشهود لها بالمصداقيه وهاهو اليوم يصافحنا بقصيدة رائعه وجميله تحمل إسم( الشوق) عبر صفحة الخزامى في صحيفة الرياض وبهذه المناسبه يسعدني أن أهنئه بما وصل إليه من مكانة مرموقه وأقول له إلى الأمام إن شاء الله يابوبدر . كما لايفوتني أن أشكر صفحة خزامى بجريدة الرياض .
كما أهني شبكة قبيلة عتيبه إداره واعضاء وزوار بما وصل إليه شاعرنا وزميلنا / عبدالله المرشدي ونتمنى من الله التوفيق والنجاح له ولبقية زملائه شعار منتديات عتيبه إنه سميع مجيب وتقبلوا فائق التقدير

http://www.alriyadh.com/2007/08/15/article272593.html

[ذيب الينوفي]

ابن مسلم سلمت على الخبر و ابوبدر دائماً يفاجئنا بكل جميل وجزل وبالفعل منافس قوي ومتقدم

[عبدالله المرشدي]

بكل فخر وإعتزاز إستطاع شاعرنا القدير (جزل القصيد) الشاعر / عبدالله مرزوق المرشدي أن ينافس عمالقة الشعراء في الساحه الشعبيه بل وتغلب على الكثير منهم بدون قصور فيهم ولاكن لجزالة قصائده وصدق معانيه .فلايكاد يمر علينا يوم واحد إلا ونشاهد إسمه على صفحات المطبوعات المهتمه بالشعر الشعبي المميزه منها والمشهود لها بالمصداقيه وهاهو اليوم يصافحنا بقصيدة رائعه وجميله تحمل إسم( الشوق) عبر صفحة الخزامى في صحيفة الرياض وبهذه المناسبه يسعدني أن أهنئه بما وصل إليه من مكانة مرموقه وأقول له إلى الأمام إن شاء الله يابوبدر . كما لايفوتني أن أشكر صفحة خزامى بجريدة الرياض .
كما أهني شبكة قبيلة عتيبه إداره واعضاء وزوار بما وصل إليه شاعرنا وزميلنا / عبدالله المرشدي ونتمنى من الله التوفيق والنجاح له ولبقية زملائه شعار منتديات عتيبه إنه سميع مجيب وتقبلوا فائق التقدير

http://www.alriyadh.com/2007/08/15/article272593.html

الاخ الغالي بن مسلم

الله يبارك فيك

واشكرك على اطرائك الذي غمرتني به

وبيض الله وجهك

وانا مازلت بالبدايه

الله لايهينك

تحيتي وتقديري

[إبن ثعلي]

مشكور يابن مسلم وشاعرنا هو اللي له الفضل على المطيوعه وليس العكس
تحياتي

[الطامه]

نص القصيده

الشوق



عبدالله مرزوق المرشدي
لا تحسبني يوم اقفي نسيتك
واللي خلقتني ياهوا البال منساك

اقول ابسلي واثرني ماسليتك

احاول أنسى وأذكرك قبل لاسلاك

حبك بلاني واشهد اني بليتك

عسى الولي باللي بلا القلب يبلاك

في كل بيتٍ من قصيدي لقيتك

بعتاب والا وصف نادر حلاياك

بالحب والشعر المجزل جزيتك

دايم قصيدي باعذب القيل يجزاك

كن القصايد تمتنع لاهجيتك

لاجيت اباسبك عصى القاف ثم جاك

امحي بيوتي بالجفا ما محيتك

واقرا التجافي من فعولك ولا محاك

قلبي وروحي والمشاعر عطيتك

احساس شاعر صدق حبك وهاواك

بعت العذارا كلهن واشتريتك

عندي جميع البيض فدوه لماطاك

ليتك تحس بحرقة الشوق ليتك

كان اكتويت بنار بعدك وفرقاك

ذقت الشقا والهم ساعة هويتك

ما كنت اعرف الحب والشوق لولاك

جننتي يا هوووه يكفي رجيتك

لا تحرق اللي باقي من بقاياك

ما فاد بك ودٍ قراحٍ سقيتك

ولا فاد بك صبرٍ تذله خطاياك

اعليت شانك بالهوى واعتليتك

ولا شفت منك الا خفايا نواياك

لو كان لاهل العشق حاكم شكيتك

واثبت فعلك في باصغر كواياك

لكن هذا شرع الهوى لو جفيتك

تزعل وتتغلي واجيك اطلب رضاك

لك حق بامر الحب ما قد عصيتك

لكن ترى ماني من أطرف رعاياك

ذليت نفسي لجل قربك وجيتك

وش تنتظر يا فتني جعلي فداك

اليوم من عقب المفارق نصيتك

عقب ان صوتك شدني يم ذكراك

ان كان تبغاني فنا اللي بغيتك

اللعب عندك والهدف وسط مرماك

صح لسان شاعرنا الجزل مدد بلاعدد والف شكر ابن مسلم على نقل الخبر وانا اطلعت على المطبوعه واعجبتني القصيده بالتوفيق اخي المرشدي ومن نجاح الى نجاح دائما

تحيتي لك

[{%نوف%}]

لا أعلم إن كنت سأضع كلماتي هنا

أم أني سأضع أشلائها

شــاعرنــا إبن مسلم

دائما تنير سماء المنتدى بـــإبداع جديد.. ..

اعجبت بمـــــا خط قلمك إتجــاه شـــاعرنــــا عبدالله المرشدي


أهنئك على احساسك الجميل والرائع إتجــــــــاهه ...

واهنئ قلمك لأنه كتب كلمات لأنسان مبدع.. ..

شــــاعرنــا عبدالله ..

قصيــده رائــعه

ابداع وعنوان متميز بكل ما يحضر لنا من جميل

دمت لنا بهذا التألق

اتمنـــى لك التوفيــق ..

[مشاعر حالمه]

يستاهل شاعر عتيبه من غير اقصور في البقيّه

شاعر يستحق النشر ولها الشرف الجريده اللي تنشر له

ابن مسلم

عقبال مانشوف لك قصيده في الجريده ^__^

ومشكور على الخبر الحلوو ولاهنت

تحيتي لك / مشاعر حالمه

[ناصر بن سعدي]

لاهنت ..أخي


ابن مسلم على النقل الرائع والإحاطه المميزه..


ويستاهل شاعرنا ...القدير ,,

عبدالله المرشدي...

وغير مستغرب عليه الإبداع ..


ودام الجميع بخير..

[ابن مسلم]

عموم الزملاء

الذين شا ركونا بردودهم هنا أقول لهم كل واحد يستاهل له رد خاص

لان أعذروني على التقصير

وشكراًلكم

[نادر النمر]

(()) ابن مسلم (())

بيض الله وجهك .. وبارك الله فيك .. ع المبادره الطيبه منك

واللي ماهي غريبه عليك .. ونقلك لنا أخبار شاعرنا القدير ..

(()) عبد الله المرشدي (())


أخي عبدالله .. والله تستحق كل الخير .. ودعواتي لك ياابو بدر

مزيد من التميز والتائلق .. ولاابداااااع الا محدود ياابو بدر ..



بعت العذارا كلهن واشتريتك

عندي جميع البيض فدوه لماطاك

ليتك تحس بحرقة الشوق ليتك

كان اكتويت بنار بعدك وفرقاك

ذقت الشقا والهم ساعة هويتك

ما كنت اعرف الحب والشوق لولاك



لا تستخق النشر في الاعلام ...

بل الاعلام هو الذي يحتاج لنشر مثل هذه الدره النادره الفريد ..

.. بالتوفيق باابو بدر .. ونحن دائماً في انتظار ابداع ..

ومنابعتك من اهم مايشغلنا .. الى الامام ياابو بدر .



(()) وتقبل ودي وتقديري (())