مافي خيرينٍ تخير ياشعار

[ابن مسلم]

هييييييييييييييييييييييه



اللاله اللاله اللاله نباها هجوم= النار أبا أشبها في راس مجنونها

من لايصيب الهدف ياأصحابنا لايقوم= به ناس يقرونها وبه ناس يوحوونها

[زيزوم برقا]

استلم يا طويل العمر والليل مسرى


شد الحزام وتقدم يا سليل القروم
والخيل من فوقها ناس(ن) يقودونها

من لا يحكّم كلامه ما يعرف السلوم
ولا كل من يرمي الشارة يصيبونها

[شاعر روق]

صح لسانك يابو ضيف الله مبدا جزل من راس جزل
ورد وافي من راع المحل الجديد زيزوم برقا الله يحييه
واصلوا لاهنتوا

[زيزوم برقا]

الله يبقيك يا ولد روق وإن شاء ما تشوف ألا اللي يسرك

وتقبل تحياتي زيزوم برقا العصيمي

[ابن مسلم]

زيزوم برقا

حياك الله ضيف وصح لسانك


أنته علامك تخم علوم وتخطي علوم= ركابة الخيل سموهم يعنونها

تدمع عيون الرجال ليا لطمت الخشوم= وناس تكرم لحاها مايحلقونها

[ابن مسلم]

ابوسعود

صح بدنك وحيا الله

وضيفنا جاين متحمس الله يكفينا شره

[زيزوم برقا]

يا ولد عمي ما يجي مني شر

واسمحلي

خل الجدال وتوّلم في طويل الرجوم
يا سابر القوم حذرا لا تعدونها

الخيل راحت بعد جاها قوي العزوم
وأنته تنشّط ليا مصيت غليونها

[ابن مسلم]

اهههههههههههه


إن ماسترك الولي ماتسترإلك الهدوم= وتبين إبك خلة (ن)ربعك ما يرفونها
زيزوم برقاءعلى رأسه تحدر نجوم= في قلته مضرب النجمه يشوفونها

[زيزوم برقا]

عينك علاها مغابيش الرمد والهزوم
لا تامن السيل واحذر جاك مضمونها

زيزوم برقا عمى عين العدو الغشوم
يا صاحبي كلمتك عيب(ن) تقولونها

[ابن مسلم]

إييييييييييييييييييييييه

خلووووووووووووووووووها


كبرت وهانت بعد ماجيت ما نت معزوم =ماتكبر القاله إلا نقول ياهونها

إرتح يازيزوم برقاء طيعني ومخدوم= وإن صنت نفسك تبى العالم لك تصونها

[ابن مسلم]

زيزوم برقاء الصبح اصبح
وبكره صلاة جمعه نزل بيوتك وبكره لنا لقاء إن شاء الله

[زيزوم برقا]

ما جيت ضاوي على ناس(ن) رداها محكوم
في دار ربعي جميع الناس يلفونها

يا صاحبي لا نصحتك ما لي عندك لزوم
نصيحة(ن) عند ربي زان ماعونها

[زيزوم برقا]

أصبحنا وأصبح الملك لله

تشرفت بمجاراتك أخوي ابن مسلم

والمعذرة على الخطا والقصور

وتقبل تحياتي

زيزوم برقا العصيمي

[ابن مسلم]

زيزوم برقاء

صح لسانك وبيض الله وجهك

وأنا كذلك سعدت باللعب معك

والمعذره والسموحه إن كان أخطئت عليك

لإن المسأله مزوح وسعة خاطر فقط

شكراًلك

[إبن ثعلي]

صح السان زيزوم برقا والسان ابن مسلم ولايهون شاعر روق
محاوره جيدة جدا
تحياتي للجميع