حي الرسالة

[ابو عجرا العصيم]

الثانية ابي اضربها فا الجال عساها تصيب الجمة

حي الرسالة حي جهازاً حملها=رسالتَ جتني من ذربين الايمان

محمد يرسل والطويلة وصلها=من روس رياجيلً با الفعل شيخان

ينشد عن الغربة والنفس ومللها= وانا اقول يامحمدللمجد عنوان

سلم علي نفسك وداري وهلها=ومامثلها ديرة ولامثلهاواطان

تكبر منابرها تضاعف عملها=دستورها منزل من الله قران

داري وانا منها ولاحدن جهلها= ميزانها يرجح علي كل ميزان

في ظل حاكمة بحكمة عدلها=فعلً علية شهود للفعل برهان

كم راس راسي يم راسة حملها= ولي عهدة فا المواقيف سلطان

[إبن ثعلي]

حي الرسالة حي جهـازاً حملهـا=رسالتَ من عند ذربين الايمـان
من عند شهم والطويلـة وصلهـا=محمد اللي من رياجيلً شيخان
ينشد عن الغربة عناها ومللها=و اقول اناياخوي للمجـد عنـوان
سلم علي نفسـك وداري وهلهـا=مامثلها ديـرة ولامثلهاواطـان
تكبر منابرها تضاعـف عملهـا=دستورها منزل مـن الله قـران
داري وانا منها ولاحـدن جهلهـا=ميزانها يرجح علي كـل ميـزان
في ظل عاهلها بحكمـه عدلهـا=فعلً علية شهود للفعـل برهـان
كم راس دولة يم راسه حملهـا=وولي عهدة فا المواقيـف سلطـان


قصيدة جيده يابو عجرا ولعلك تلاحظ بعض التعديلات هنا
تحياتي لك

[ابو عجرا العصيم]

شكررن يا ابن ثعلي بيض الله وجهك مسرعك انا توي اطبخ فية مابعد نجحت باقي اربة ابيات روحتها علي الله يهديك عموماً منكم نستفيد


ابو عجرا توة منقح عجرا مر تصيب ومر تخيب

[إبن ثعلي]

من سار على الطريق وصل يابو عجرا والالف ميل تبدأ بخطوة والشعراء لم يبرزوا من اول قصيدة بل بعد مئات المحاولات ومن معه
عيون وراس سوى سوات الناس ولاشكر على واجب
وتحياتي لك

[ذيب الينوفي]

ابو عجرا صح لسانك الابيات الاخيره ما فيها كلام من ناحية الوزن والقافية والمعنى بالتوفيق

[ابو عجرا العصيم]

شكرن ياكنز المشاعر علي المرور اخووك ابوو عجرا منا لك كل خيرررر