خلوهـــــــا

[ابن هنيدس]

مساكم الله بالخير


سلام الله برديه على الحاضر على الغياب=على الزاير ليامر إيتصفح ساحة أعتيبه
سمعت أعليم مدري وش مصيره وأبحث الاسباب=نويت ادفن عروقه فالثرى والقرم يبديبه

[طلال السليفي]

شكرا علي ترحيبك وحداتك الطيبه

[شقران]

الله صحت السنكم واصلوا ياشعار واصلو

[السيف المهند]

هلا يامرحبا حيا الله اهل الدار والاجناب=ميه والوحده تعدل لهامليون ترحيبه
مدام العلم صار اعليم ليش تفتّل الاشناب=تريح للكبيره واحتزم لاجاتك مصيبه

[ابن هنيدس]

انا ياسيف ضيف ولا معه بندق ولا مشعاب= نوى يبدي حفيل الصدر في حضرة معازيبه
ومدام انك زرقت وجيتها تزحف سوات الداب=انا ماكل رجلن منه أبا آخذ علم وأجيبه

[ابن مسلم]

صح لسانك يابن هنيدس

ولسان السيف

[إبن ثعلي]

صح السان الشاعرين لكن وراهم وقفوا يمكن شافوا الصفوف قليله
تحياتي

[فهد المقاطي]

صح السان كل شاعر من الشعار وكل صف من الصفوف
منتظرين الابداع واصلوا

[شاعر روق]

ابن هنيدس صح لسانك
طاروق طيب من طيب
ـــــــــــــــــــــــــــــــــــــــــ
السيف المهند صح لسانك
وياليتك تركتها لي ماهوب قصور فيك
لكن لي غايه ولابن هنيدس غايه:)

واصلوا

[السيف المهند]

ياضيف الضيف في حكمة معازيبه ثلاث (أوجاب)=هذا لا صار ضيف ولا ضوى بالشك والريبه
ولن ماطبت لك رح للخطيب اللي على المحراب=تراه مطوعِِ من لد يمه ينفري جيبه

[السيف المهند]

طلال السليفي مرحبا حييت

[السيف المهند]

شقران اهلا بك حييت

[السيف المهند]

ابن مسلم
صح بدنك لاهنتتت

[السيف المهند]

ابن ثعلي
صح بدنك لاهنتتت على التشجيع والمرور

[السيف المهند]

فهد
مرحبا مرحبا ومشكور على تشجيعك

[السيف المهند]

ابو سعود
مرحبا وصح بدنك ولو دريت
انكم تبون بعض جنبت مير ماعندي علم
تحياتي

[شاعر روق]

ياضيف الضيف في حكمة معازيبه ثلاث (أوجاب)
هذا لا صار ضيف ولا ضوى بالشـك والريبـه
ولن ماطبت لك رح للخطيب اللي على المحراب
تـراه مطـوعِِ مـن لـد يمـه ينفـري جيبـه

رد وافي ولايهون بن هنيدس
كلكم مبدعين ماشاء الله عليكم
واصلوا

[ناصر بن سعدي]

ابن هنيدس..


و

السيف المهند


بدع كايف ورد وافي...


واصلوا لاهنتوا ..

[ابن هنيدس]

المعذره على التأخير


يا سيف السيف تقمح سلته وان صار دون أنصاب=ترى دربن عطيته قافلن باب الفرج ذيبه
انا مانيب أخاطب من يدس الراس خلف أحجاب=تبين لين أشوف وكل حرن من مخاليبه

[ابن هنيدس]

طلال السليفي لاهنت

شقران مشكور على المرور

فهد المقاطي يعطيك العافيه ولاهنت

ابن ثعلي مرورك شرف

ابن مسلم يشرفني م رورك ويسعدني

شاعر روق من الشعار الذي أتشرف بمروهم والجايات واجد

ناصر ابن سعدي اسعدني مرورك ياعريس

[السيف المهند]

ياليت ام القرون العكف جاها غيرنا حلاب=ذهيبه غاديه ياناس من ضيَع له إذهيبه
احسبك عارفه واثرك غلافٍ ولاوراه كتاب=مشخص بالعقال الزين والاشناب تركيبه

[ناصر بن سعدي]

متابع عن قرب ,,


والشعر مثل قال شاعر الوطن ,,

الشعر سبك وحبك معنى وتجزيل ,,


ودمتم بخير ..

[ابن هنيدس]

طبيعه والطبيعه ماتزول ولو تزول أهضاب=ربوك أهلك على حلب المعيز وجيت تهذيبه
أنا محسبك واثق عارفن وش داخل الجلباب=يبين غاية الرجال منطوقه وأساليبه

[ابن مسلم]

ياليت ام القرون العكف جاها غيرنا حلاب=ذهيبه غاديه ياناس من ضيَع له إذهيبـه
احسبك عارفه واثرك غلافٍ ولاوراه كتاب=مشخص بالعقال الزين والاشناب تركيبـه




طبيعه والطبيعه ماتزول ولو تزول أهضاب=ربوك أهلك على حلب المعيز وجيت تهذيبه
أنا محسبك واثق عارفن وش داخل الجلباب=يبين غايـة الرجـال منطوقـه وأساليبـه


سرى سرى الليل سرى


واصلووووووووووووووووووو واصلوووووووووووووووووووووووو

[السيف المهند]

لقيتك في إشجره عالق ولاينقل جماك الناب=وقلت احضرك ساعه يوم بعض الهرج ماليبه
لكنك يالملثم خابرك فارس عليك نقاب=نقابٍ ينقص اللي لابسه لاشك ويعيبه

[ابن هنيدس]

اثر كلن يظن انه رقى في عالي المرقاب=لوأنه فالحقيه مايساوي لبسة أثويبه
عساها تعترضلك منت كسبن يغري الكساب=مباها صفقته واللاش عرضني لغابيبه

[السيف المهند]

اثر بعض العرب صفرٍ يسار ولا يزيد حساب=ولومي فوق رجلٍ سجلك داخل مكاتيبه
يقولون الدعاء قسمك ولاهو في سماك إمجاب=تنوح وتضرب الخدين مالك في الزمن هيبه

[ابن هنيدس]

ضحكنا وأبتدينا وأنتهينا والسهر ماطاب=عسى الله مايعيد الليله اللي جات توميبه
نسيت المدرسه والدرس والتدريس والطلاب=وذكرني بها السيف المهند في تعاجيبه

[السيف المهند]

على هونك علامك؟ لا تطير وتفقد الاعصاب=زعلت و ضقت يوم الحلق شدينا تلابيبه
انا في المدرسه والاّ انت حتى لوّ راسك شاب=نبا نعطيك قرقاعه ونشري لك لعيبيبه

[ابن هنيدس]

انا من يوم شفتك صرت خصملي وانا مرتاب=أعرف أهل العقول الفارغه كلش أتضحيبه
قضى مافي صميلك وأسترح ياسايق الدباب=وانا شوري علاك انك بعدها لاتماريبه

السيف مشكور وماقصرت والى لقاء جديد