السندان والمطرقه

[مرزوق الرمالي]

السلام عليكم ورحمة الله وبركاته



اقدم لكم هذه الابيات الشعريه واتمنى ان تنال اعجابكم

..
..
..


ياموسع الكون لكن مع وساعه يضيق=في لحظة(ن)يختلط لون اسوده وابرقه



وانا علي ضيّـقه واحد يعادل فريق=جماله السيف والسندان والمطرقه



من قدرة الله عليه اللبس الاقشر يليق=من شكله القلب في بحر الغرام اغرقه



ياجيت له بالخشن رد بكلام(ن)رقيق=مر(ن)يهدّ الخفوق ومرة(ن)يدرقه



ومر(ن)على ذمته يحجز ومر(ن)طليق=ومر(ن)يرد الشعاع ومرة(ن)يسرقه



الموت شفته وانا في موج حبه غريق=الموت شفت احمره والموج شفت ازرقه
قلبي تحمّل حمل من فوق مالا يطيق=من نظرة(ن)ماتغرّ الصح والزبرقه
عيني نظرها لمح خلف الشفايف بريق=من كلمة(ن)قالها والريق منها اشرقه
مدري متى ياغلاي الطيش يفتح طريق=والا يسدّ الطريق وسومنا يفرقه
انوش حدّ الجمّر والنار تحرق حريق=وش فايدة بالغلا كان الضمير احرقه


..

..

..


وسلامت عيون من تابع


مع تحياتي



اخوكم الشاعر



مرزوق الرمالي

[ابن مسلم]

مرزوق الرمالي


صح لسانك

وبيض الله وجهك

وحياك الله عند إخوانك

وتقبل تقديري واحترامي لك

[إبن ثعلي]

صح السانك يامرزوق لقد ابدعت ايما ابداع
تحياتي لك