من يبشرني عن الطوفان ويبشر بالبشاره

[ابن مسلم]

أبوعبدالرحمن والله يارجل إشتقنالك لعلومك ومبطين منك عسى ماشر




مر الشهر عن صاحبي الطوفان مجاني خبر= اللي يبشرني عنه يجي وياْخذ مايبي

يالله عسى الطوفان متعافي ولاهوبالقبر= أنا ماباه إيموت لين إنه يجي عود يحبي

[الإعصار]

ابن مسلم صح لسانك
ونبقى في انتظار ابو عبدالرحمن

[شقران]

يالله عسى الطوفان متعافـي ولاهوبالقبـر
أنا ماباه إيموت لين إنه يجي عـود يحبـي

الله الله الله
صح لسانك يابن مسلم
مبدا رائع من رائع
صح لسانك ولسانك قبيلك

تحياتي

[شاعر روق]

يالله عسى الطوفان متعافـي ولاهوبالقبـر
أنا ماباه إيموت لين إنه يجي عـود يحبـي
ياسلام ياسلام
مبدا رائع بس هذي له والا عليه:)
صح لسانك ولسان ابو عبدالرحمن مقدما
ونبقى في انتظاره

[إبن ثعلي]

صح السانك يابن مسلم والظاهر ان الطوفان ماهو قريب
تحياتي

[الطوفان]

هههههههههه

اررررررحب يابو ضيف الله وابشرك اني حيٍ ارزق






ابشر بعزك يابن مسلم بعد عدت من السفر=ياللي حدوده ماتعدى الشارقه وابو ظبي

وانته عساه يطول عمرك لين يخلفك الكبر=حتى تنادى جد خامس للصبيه والصبي

[ابن مسلم]

هلا وغلا بابوعبدالرحمن والحمدلله على السلامه


عطنا علوم السفره اللي تقولها ياأبوسفر= عساك من غونوسلمت ولاتجي وانته وبي

أناأدري إنك مثل أخومره مايخلفك الدهر= لوكل من شافك رجمك بسبع وقال إلك تهبي

[الطوفان]

الاعصار


شقران


ابو سعود


ابن ثعلي

صحت ابدانكم

ومشكورين على المرور


تحياتي

[ابن مسلم]

الأخوان

الإعصار

شقران

شاعر روق <<< لاتحاول تصطاد فالماء العكر

ابن ثعلي


حياكم الله كل واحد يستحق رد لوحده لاكن أعذروني

[الطوفان]

الله يسلمك والمهلي مايولي








ماني بمعطيك العلوم اقعد وموت من القهر=والحمد لله نهجنا نهج الصحابه والنبي
خابرك ماتدري ولاتعرف وتاقع فى الخطر= انا لا لايه مستحي لاقول ابن مسلم غبي

[ابن مسلم]

بعض السوالف كنها علوم السكارى فالسهر= مغار هذر وقرقره والكل منهم يشربي
تبى تبين البينه والمتقي لاأصبح ظهر= والمتهم فوقه يقام الحد وأنا اللي أضربي

[إبن ثعلي]

صح السانك يالطوفان وصح السانك يابن مسلم محاوره راقيه وانا الليله في صف الطوفان اعجبتني ابياته ماتعدى الشارقه وابو ظبي ولايهونون المتابعين
تحياتي

[ناصر بن سعدي]

الغالين..

أبن مسلم..
و

الطوفان..


لاهنتوا مبديعين..وطاروق كايف..

[الطوفان]

ياكثرها من حولكم والدفن في وسط الحفر=لكن تكرم لحيتي عن ماتقوله وشنبي
بالله يالفلاح وش سويت في البّر الحمر=زرت الصوامع وانتبه للعامري والأكلبي

[الطوفان]

تسلم يابو عبدالرحمن الصف عامر بوجودك

وابن مسلم ياليتها بعد يصلها

اقصى حدوده الدوادمي هههههههههههه

تحياتي

[الطوفان]

ناصر بن سعدي


هلا ومرحبا


الابداع حضورك

تحياتي

[ابن مسلم]

إييييييييييييييييه



الظاهر الطوفان ياأهل المنتدى هذا تجر = خالط هنود الشارقه يقول أدور مكسبي

تيقا نهي نهي نهي على بابا هذا نفر= يرطن مثل رطن الهنود ولاتكلم بعربي

[ابن مسلم]

صح السانك يالطوفان وصح السانك يابن مسلم محاوره راقيه وانا الليله في صف الطوفان اعجبتني ابياته ماتعدى الشارقه وابو ظبي ولايهونون المتابعين
تحياتي



ههههههههههههههههههه

ابوعبدالرحمن ياخي انت شاركنا بس ولايهمنا مع الطوفان ولامعي

وجودك شرف

[ابن مسلم]

الغالين..

أبن مسلم..
و

الطوفان..


لاهنتوا مبديعين..وطاروق كايف..


مساك الله بالخير يابن سعدي

وحياك الله
لاكن لاعااد تعودها ثاني مره تسهر مثل الليله
لاتعاين فينا شيبان ماورانا شي

[ابن هنيدس]

الطوفان""""ابن مسلم

يعطيكم العافيه على هذا الابداع الغير مستغرب من رموز قسم المحاوره في هذا المنتدى