علوم المطر والربيع...

[الدجيما]

يالربع مساء الخير حنا ولله الحمد نرى في هذه الايام كثرة الامطار والربيع وياليت كلن يعلمنا عن الديرة الى هو فيها لان اخبار المطر تفرح المسلمين . وانا ببداء من حفر الباطن حيث استمر المطر بفضل الله من صلاة العشاء يوم الجمعة الى صلاة العشاء يوم السبت وهو ودان على مفهومنا وبفضل الله مشيت فيه من المدينه العسكريه الى الحفر مسافة 70 كم وكلها سيل بفضل الله .


الدجيما

[إبن ثعلي]

هلا يالدجيما من العايدين وكل هام وانت بخير وبالنسبه للمطر كل اودية المحاني سالت وفيضت والديره من جده الى المدينه الى مكه الى الطايف
الى عفيف كلها ديره مرحومه من فضل الله له الحمد والشكر
تحياتي

[روووووقي]

والله انا من الكويت يالدجيما .... مار علانا امطار وسيول من فضل ربي
وسالت الشوارع .....والجو نوب مغبر ونوب امطار...هههههههه
اما نجد ربعنا علاهم مطر :)

[السعار]

الحمدلله على عظيم كرمه وعموم رحمته أما العلوم ارسلناها لكم مع اخوي بن ثعلي حفظه الله.

[الدجيما]

الاخ بن ثعلي تسلم على هالاخبار المفرحه والله يرحم البلاد والعباد.

الدجيما

[الدجيما]

اخوي الروقي مشكور على مرورك والكويت والسعوديه بلد واحد ورحمة المسلمين في اي بلد تفرحنا والله يرحمنا ويرحم المسلمين بغيث الايمان في قلوبنا والامطار في بلادنا.
الدجيما

[الدجيما]

اخوي السعار ماقصرت ولا قصر بن ثعلي والمثل يقول(ارسل الحكيم ولا توصيه).

الدجيما

[النـايــــــف]

يا سلام عليك اخوي الدجيما


دايم تجيب المواضيع الزينه

تحياتي لك


اخوك النايف

[الدجيما]

اخوي المتلق النايف مشكور على مرورك ونبي علومك.

الدجيما

[طالع]

الحمدلله على كل حال

اما انا مراسلكم من الرياض العاصمه جانا قبل اسبوع مطر وان شاء الله الخير جاي حنا في اوقات رحمه والامطار على المملكه عموم وكما اخبرنا الرووقي ان الكويت علاها مطر وسلامتكم

[إبن ثعلي]

لا شكر على واجب وشكرا للجميع على الاطراء الطيب
تحياتي

[الدجيما]

اخوي عيد الله يسلمك ومشكور معالى المراسل من العاصمه . وعلى فكره العاصمه لاتحاف عليها وحسن كراني موجود يجيب علومها كل يوم اول باول مار مدري هو يعرف السيليه من الى تدفن الجره والا لا.

الدجيما

[هداج تيما]

الله يغيث العباااد والبلااااااااد

طبعاااا الأسبوع الماضي ثالث أيااام عيد الأضحى كنت في القصيم

وتحديد يعنيزه ( يالب قلبي) هههههههه والحمد الله جانا مطر وخير

وداااان علينال من الساعه 7 الصبااح وحتى الخااامسه مساء

وأنا لم أستطع الخروج من المدينه ولكن الشوارع ملياااااااااا ... وطلعت

من عنيزه من بكره متجهاااا إلىمسقط رأسي ( الدوادمي بعد قلبي)

وشوف الديره مرحووومه والملااازم مليااااا وإنشاء الله الخير جااااايكم





مراااسلكم من الدوادمي


هدااااج تيماااااااااااااا

[الدجيما]

الله يعطيك الصحه والسلامه مراسلنا في الدوادمي وياليت تعجل بعلوم المطر.
الدجيما