قصيدة للشاعر سيف الحكره المرشدي رحمه الله

[الوااافي]

هاضني قبل امس في الظهر يوم اذن نصيب
قال جاكم صايح ستر راسه في عصاه
ثم وضينا من الماء على جال القليب
وقوم المؤذن وصلينا وعجلنا الصلاه
يوم لدينا ليا بنت ما قد بصيب
كن حبة ديدها في النحر جمرة غظاه
قلت يا بنت استحي ترى التبريج عيب
قالت العلم الدبش يالعيال اقفى علاه
ثم قربنا المعارك لعجلات الهذيب
كل وحده كامل قرحها وهيه فتاه
زادهم الدر والبر وعمور الرطيب
لين راحت وحدتهن كنها وصف المهاه
سبعة والكل منا على مثل القضيب
طالع من كف صقار يطرد له قطاه
جعل ذرعان لحقنا عليها ما تعيب
يوم ياطن الدعث كنهن ياطن صفاه
يوم جيناهم ليا شيخهم رايه غضيب
لين خلينا الرمك بالحذاء تاطى علاه
يوم قسمهم صليبين جيناهم صليب
ما تثور البندق الا عقب ما تلمس قفاه
والله انك تزهم الرجال باسمه ما يجيب
موقف درب النسم زرمة مثل الحصاه
طامع فينا بقومه لعل امه تخيب
جاء يبي خيبة رجانا وخيبنا رجاه
حشمة اللي يوم جاء الوقت تعطينا الحليب
يوم لاذ الستر مطعومنا حدر الرغاه
هجمة من وقت عالي وشباب وشبيب
ما يجيها طامع غير نرثع في شواه
يا ذيابة كشب والخال وذياب الجذيب
انحري هكران تلقين الفرايس في قداه
ثم عد بالضلع يا ذيب واقنب بالقنيب
لين ما في كشب من ضبعة توحي عواه

[إبن ثعلي]

مشكور يالوافي وهذه القصيدة مشهوره واعتقد انها مكرره هنا عدة مرات
تحياتي

[إبن ثعلي]

ترفع ليطلع عليها بن حشيان يقول انها غير موجوده
في هذا المنتدى

[عبدالعزيز بن حشيان]

بن ثعلي


اشكرك والله لايهينك ابيات جميله ويعتز بها وتصور موقب صعب في وقته

والله الحمد على نعمت الامان والاطمينان والتي نحسد عليها





وين قصيدة سهل القوس وابن ثغلي ؟؟؟؟

[ولـ الويـلان ـد]

قصيـده جزلـه وحضور جزل لاهنــت