الوااافي
07-24-2007, 04:39 AM
البيض وش اطراء عليهن يبكن = خل البكاء للي جراله مصيبه
وهنيكهنه ما بليلن سريتن= والليل غدرى ثلج ما ينسريبه
يا علي شب النار واحمس لي البن= اظن يبرد من حشايه لهيبه
ودقه بنجر صفوقن لا دن=وصبه بشاميات صفر ربيبه
وخل الدلال بغيظهنه يفوحن= وتبرى جروح اللي قليلن طبيبه
يا ونتي ونيت ما عاد تنكن=ذيب عطى ريع يروع قنيبه
اليا عوى حتى الهضاب يتعاون =بعد الصلاه محولن من رقيبه
وله ثمان ليال ما علق السن = يتلي فريقن عذبنه كليبه
على حبيبن تلني واخلف الظن= ولع بصندوق الضماير لهيبه
اهوه عليه السبع مغرب يغيبن= وانا جنوبي شرق عيني غريبه
ليته معي يوم الوجيه يتلاقن= وتناطحن بكل نفس غضيبه
العهد ابه يوم المواتر يحجن= الترك حاج الشام غادن صليبه
ومريتهم واليا الجمارك يعدن = ويرحلون وتاركين الضريبه
وقفيت فوق اللي سواته يهجن= ادمي ومرمين عطاله جذيبه
وخمسة عدود بليتين وردهن = منها المعظم والخضر والقليبه
ويساهر النجمين حتى يغيبن= والجدي خليته لوركه جنيبه
ويا ما سرابي ليلتن مع ظهرقن = ويا ما رعى وانا براس الزريبه
ويا ما ورد رسن حمامه يطيرن=رسن خلا ما ساكنه غير ذيبه
يوم ان ابن قطنان يرسل عليهن= وحلف لبو مروان والله لجيبه
وعبدالله الناصر على الهجن يبرن= يقصني كنه يدور ذهيبه
ما هوب خابرني عتيبي وراهن= من لاد روق معلقين الصويبه
والله يالو عيني تحلت حداهن= ليجي نهار وعقبهم ينحكيبه
اما يردون القعود بخطرهن= ولا يجي مثل القطاه الرعيبه
وسوالفن ما تنتسولف ولا جن = وهانت وهي كانت منول صعيبه
وهنيكهنه ما بليلن سريتن= والليل غدرى ثلج ما ينسريبه
يا علي شب النار واحمس لي البن= اظن يبرد من حشايه لهيبه
ودقه بنجر صفوقن لا دن=وصبه بشاميات صفر ربيبه
وخل الدلال بغيظهنه يفوحن= وتبرى جروح اللي قليلن طبيبه
يا ونتي ونيت ما عاد تنكن=ذيب عطى ريع يروع قنيبه
اليا عوى حتى الهضاب يتعاون =بعد الصلاه محولن من رقيبه
وله ثمان ليال ما علق السن = يتلي فريقن عذبنه كليبه
على حبيبن تلني واخلف الظن= ولع بصندوق الضماير لهيبه
اهوه عليه السبع مغرب يغيبن= وانا جنوبي شرق عيني غريبه
ليته معي يوم الوجيه يتلاقن= وتناطحن بكل نفس غضيبه
العهد ابه يوم المواتر يحجن= الترك حاج الشام غادن صليبه
ومريتهم واليا الجمارك يعدن = ويرحلون وتاركين الضريبه
وقفيت فوق اللي سواته يهجن= ادمي ومرمين عطاله جذيبه
وخمسة عدود بليتين وردهن = منها المعظم والخضر والقليبه
ويساهر النجمين حتى يغيبن= والجدي خليته لوركه جنيبه
ويا ما سرابي ليلتن مع ظهرقن = ويا ما رعى وانا براس الزريبه
ويا ما ورد رسن حمامه يطيرن=رسن خلا ما ساكنه غير ذيبه
يوم ان ابن قطنان يرسل عليهن= وحلف لبو مروان والله لجيبه
وعبدالله الناصر على الهجن يبرن= يقصني كنه يدور ذهيبه
ما هوب خابرني عتيبي وراهن= من لاد روق معلقين الصويبه
والله يالو عيني تحلت حداهن= ليجي نهار وعقبهم ينحكيبه
اما يردون القعود بخطرهن= ولا يجي مثل القطاه الرعيبه
وسوالفن ما تنتسولف ولا جن = وهانت وهي كانت منول صعيبه