شاعر خرمان محاورة

[فهد المقاطي]

ودي العب على اللحن القصير

واتـنـقـى جديــدات الـــدرر


فالمعانـي يجي معنى خطـير

من يحول معي وسط الخطر

[شاعر روق]

خير ياشاعر الشعار خير=غوص واغطس تحت غبة بحر
يالله الطف بهم وانت البصير=البحر صار له مد وجزر

[فهد المقاطي]

الاداره لها واحد مدير

ما يجي وسطها خمسة عشر

مار علم مناور يا منير

السوالف لها بطن وظهر

[شاعر روق]

والحكومه لها مية وزير=كل واحد وله وجهت نظر
مار خلك وراهم في المسير=يتبع الشيخ مجموعة جبر

[الدكتور]

الاداره لها واحد مدير =ما يجي وسطها خمسة عشر

مار علم مناور يا منير=السوالف لها بطن وظهر
ياسلام يافهد صح لسانك مبدع
فتل جميييل
والحكومه لها مية وزيـر=كل واحد وله وجهت نظـر
مار خلك وراهم في المسير=يتبع الشيخ مجموعة جبـر

صح لسانك يابو سعود
نقض جزل ورائع وحرفنه اكثر من رائعه
واصلوا

[السيف المهند]

::
::
..

فهد صح لسانك مبدا جزل
شاعر روق صح لسانك رد وافي
واصلوا لاهنتوا

::
::
..

[فهد المقاطي]

الملك فالحكم ماله خشير

ما يخاشر زياد ولا عمر

العمى مايجي مثل البصير

وانت رجال تدري بالخبر

[شاعر روق]

الملك بعده آمير وشوير=والقصر باربع اركان وجدر
المثل قال من عقب النذير=ماغدى الا البهايم والبقر

[شاعر روق]

الدكتور
ارحب
سعدنا وتشرفنا بجميل المرور

دمت بخير

[شاعر روق]

السيف المهند
مرحبا ومسهلا
ومشكور ومجمل على جميل مرورك وحضورك
دمت بخير

[عبدالله المرشدي]

فهد المقاطي


شاعر رووووووووووق



صحة السنتكم


بجد رووووووووعه

لاهنتو

احترامي

[فهد المقاطي]

صار سعر الذهب سعر الشعير

والعوارف تثــمن فالسعــر

وين شعر الفرزدق مع جريــر

يا السنافي ترا دربك خضر

[شاعر روق]

كان مااعجبك هذا الوضع طير=ثم خلك على إقصار الشجر
ياحليلك ياهذاك البعير=مادرى انه عوج عنق ونحر

[فهد المقاطي]

أنت يا راعي السيف الشطير

أرتفع فوق وتنال الفخر

كيف أخاويك وجناحك كسير

والليالي تعلمنا الصبر

[شاعر روق]

يافهد عبر موجات الاثير=الفخر كاسبينه والنصر
وانت ياراعي العقل الصغير=كل ليله تدردح في الكفر

[شاعر روق]

ابو مرزوق
مرحبا ومسهلا يالله حيه
تشرفنا وسعدنا بجميل المرور
تقديري

[فهد المقاطي]

ما تعرف الصغير من الكبير

ليه تاطا على الجمر الحمر

قمت اشوفك على النور القصير

مار عوذ من ابليس العور

[فهد المقاطي]

تصبحون على خير ولاهنت يا شاعر روق ولا تواخذونا لو صار فيه غلط وهذي اهداء للجميع
الجبرتي /

يقولون العرب جدة عتابه تشرب التنباك

وانا ما شفتها لكن مع العربان نوحيها
الزلامي /

انا جدي طويل ذراع ولا جدتي شرواك

تبا تعرف ليا منه فرك خشمك بناخيها

[شاعر روق]

انته اللي ماجا مثلك سفير=ظفر مالك شبيه مع البشر
من شجاعتك تجهل بالمصير=وتنطح الضلع من زود الظفر

[شاعر روق]

فهد صح لسانك
وسعدنا بمجاراتك وبانظمامك معنا في محلك
دمت بالف خير

[فهد المقاطي]

كيف شاعر ولا عنده ضمير

يـترك الخير ويحب القشر

وانت عينك براسك تستدير

ما تحمل مشقات السفر

[إبن ثعلي]

صح السان الشاعرين محاوره جزله تستحق المتابعه
تحياتي