بنات طهيف ابل الشيخ بدر الشغار قرر الدخول بها مزاين عتيبه

[الدماسي 2007]

قرر الشيخ بدر بن محماس الشغار شيخ قبيلة الدماسين ورئيس مركز ابوجلال

ان يدخل وينافس بأبله مزاين عتيبه

فأبله تسمى ب بنات طهيف

نسبة لفحل ابله الأول طهيف من ابل معروفه سلالتها في الجزيره العربيه ومكانتها ل طهيف السبيعي

ومنذ سنوات ونتاج ابله من القعدان يهبه الشيخ بدر لكل من يريد ويبتغي نتاج هذه الأبل المتميزه ويحجز كذلك نتاج العام القادم لكل من يطلبه

نتمنى التوفيق للشيخ بدر ولجميع من يدخل المنافسه

[الدماسي 2007]

يقول الشاعر عبد الرحمن بن مقحم بن حنس العضياني

قصيده في هذه الأبل وفي الشيخ بدر

البارحه ياسعود ماطاب نومي=لي عن لذيذ النوم ياسعود مده
بلاي والله من كثير الهمومي= همومن بقلبي دايم مستعده
ونصيت شيخ جعل راسه يدومي=ريف الر فيق وريف من جاه ضده
نصيت لي شيخن يروس القرومي = حيثه شجاع وكل درب يسده
صف مافيهم مثل بدر مهزومي= ليا عدو الشجعان الاول نعده
للدين والدنيا بوجهه رسومي =علم صحيح وعنى العلم رده
يفزع لمن بانت عليه الثلومي= ويمسح دموعن سايله فوق خده
رحمه من الي فوق خلقه رحومي=ماهوب مثل اهل القلوب المصده
ريف العتيبي وان نصاه مهزومي=في وسط قلبه له مكان وموده
بابه مشرع كل ليلن ويومي= وفيه الشحم والطيب ياعجل نده
للطيب ودروبه قوي العزومي= ومعربن مابين خاله وجده
من اللابه الي فاهمين السلومي=شجعان مافيهم عن الطيب صده
الكل منهم حر ساطي صدومي= إقضا اللزوم لبدر شفه ووده
يابدر انا طالبك تقضي لزومي=ابغا جمل فالذود ودي بهده
من الجمال الي بذودك تعومي=لاشافه الفصام ا يقول حده
لزومنا عندك ماهوب معدومي=تمم طلبنا يابدر لاتلده
ياجعل راسك ماتجيه السهومي= سهوم الزمن تخطي شجاعن نوده
ناصيك يالشغار هاذي علومي=اسعف عتيبين همومه تحده
وصلاة ربي عد وبل الغيومي= على نبي سيرته مجرهده
ويقول غالب بن نجر العضياني
في قصيدة طويله موجهها لأبل الشغار وهي في الربيع
جاء سدير ومر ملهم واخذ قد الوسيع= قدمه الشغار عز الصديق الي لفاء
لا زمالك طرشهم ترثة نجوم الربيع=والسقوس وغرفتن كنها هضبة خفاء
تا تعين كل مانهو كما الحر الطليع=والمضيف الي يحمل الياجوه اضيفاء
بين حفر العتش ورماح في ديرة سبيع=مع بنات طهيف والكيف قد زان وصفاء

[فلان الفلاني]

ونصيت شيخ جعل راسه يدومي
ريف الر فيق وريف من جاه ضده
نصيت لي شيخن يروس القرومي
حيثه شجاع وكل درب يسده
صف مافيهم مثل بدر مهزومي
ليا عدو الشجعان الاول نعده
للدين والدنيا بوجهه رسومي
علم صحيح وعنى العلم رده
يفزع لمن بانت عليه الثلومي
ويمسح دموعن سايله فوق خده
رحمه من الي فوق خلقه رحومي
ماهوب مثل اهل القلوب المصده
ريف العتيبي وان نصاه مهزومي
في وسط قلبه له مكان وموده
بابه مشرع كل ليلن ويومي
وفيه الشحم والطيب ياعجل نده
للطيب ودروبه قوي العزومي
ومعربن مابين خاله وجده
من اللابه الي فاهمين السلومي
شجعان مافيهم عن الطيب صده
الكل منهم حر ساطي صدومي
اقضا اللزوم البدر شفه ووده


والله سبعة أنعام با الشيخ بدر الشغار
عزالله أنه نصى شيخ ولد شيخ وسد لزومه
ووسبعة أنعام بربعه ..

والشيخ بدر الشغار
من الشيوخ عتيبه المعروفين
والبارزين والذي
يشار لهم بالبنان
واشهر من علم على راسه نار
.............

نعم الرجل ونعم لابه
ونشهد من ورى العز لابه ...

نتمنى التوفيق للشيخ بدر الشغار
في مزاين عتيبه ...

اخوي الدماسي بيض الله ووجهك
على ما نقلته سوى خبر المشاركة
والا القصايد اللي في الشيخ بدر الشغار


تحياتي لك

[سيف العطاوي]

الدماسي

ياهلا ويامرحبا

ونعم والله بالشغار ويستاهل كل علمٍ غانم
والله يياركله في بنات طهيف


تحياتي

[لاحق المقاطي]

ونعم والله بالشغار ويستاهل كل علمٍ غانم

[** راس حربه **]

يستاهل الشيخ بدرر والله

وكفووو ولاهي غريبته عليه

الله يطول بعمره ويعزه دنيا واخره

ولاهنت يالدماااسي وبيض الله وجهك