لويحان.. شاعر الحكمة المؤثرة في نفس المتلقي

[فلان الفلاني]

الشاعر الكبير عبدالله بن عبدالرحمن اللويحان المتوفى عام 1312هـ أحد الشعراء المشهورين في الجزيرة العربية، وقد تناقل الرواة أشعاره.. فهو شاعر بارع، ويتميز بأسلوب جميل في معانيه، وأبياته الجزلة التي تدل على تجربته الشعرية المتكاملة.
وقد تميزت أشعاره بالحكمة التي تطرب لها القلوب مما جعل الناس لا تمل من ترديد أشعاره حتى أصبحت بمثابة المثل الدارج بين عامة الناس، ولا تزال تعيش معنا حتى هذا العصر، وكثيراً ما يستشهد بها الشعراء المعاصرون ومنها على سبيل المثال:


من يتبع المقفي مرده للإفلاس =مثل الذي بالقيظ يدفق صميله

ونجد في أشعار (لويحان)
أنها تتميز بسهولة الحفظ، والعاطفة الصادقة،
وكذلك جمال المفردات، واحتوائها على
الكثير من المعاني الجميلة والأهداف السامية..


ومن أشهر قصائده اخترنا لكم هذه الروائع الشعرية:


ففي الحث على طلب الرزق يقول لويحان:



أبديت ما أخفيت واخترت المصيب من النهاديب =أبيات يفهم لها من كان له قلب لبيبي

قالوا لي الناس شبت وقلت ما يزملني الشيب =من عاش ما مات لا بدّه من الدنيا يشيبي

الشيب ما فيه لابن آدم مناقيد وعذاريب =غذّاه فضل الشباب وراح مرجاعه صعيبي

تسير الأقدار بالمخلوق تشريق وتغريب =برّق يزين القمر وإذا انتهى وقته يغيبي

كل على قد حاله مونس منها تجاريب =شي يعالج وشي يعجز عنه الطبيبي

يا طيّب العقل ما تكمل بدنياك المطاليب =تطيب لك حاجتين وثالثهن ما تطيبي

والرزق عند الخالق اللي يعلم الغيب =يرزق ضعيف العزوم ويرزق الشهم النجيبي

كثر الحرص ما رزق فرخ الغراب ولا أشبع الذيب =كم ليلة بات جايع بأطراف الغريبي



ومما قاله الشاعر من قصائد الحكمة:



من عاش في حيله وكذب وتهاويل =يا سرع من عقب الطلوع انحداره

والشور ما ينفع قلوب المهابيل =كالزند وان حرك تطاير شراره

لو تأمره بالعدل يعرض على الميل =يستل على رايه بربح وخسارة

والطبع ما ينزال غيره بتبديل =مثل الجدي مرساه ليله نهاره

والحنظلة لو هي على شاطي النيل =زادت مرارتها القديمة مرارة

ومن أوراقه الشعرية نختار هذه القصيدة الشهيرة التي يعبّر فيها الشاعر عن عزّة النفس بأسلوب جميل ومميز تفنن في صياغتها بأسلوب الشعراء الأفذاذ:

البارحة ما هملج الطرف بنعاس =ما فاض من نجم عيوني تخيله

لا باس يا عيني على السهر لا باس =على وليف ما ألقى مثيله

عنا قطع شوف المواصل له ارماس =ولا في يدي من نابي الأرداف حيله

فيما مضى ياخذ جوابي من الراس =واليوم لا عاني وانا ما اعني له

العشرة اللي ما توثق على ساس =تطيح لو صارت حصون طويلة

يا ونتي منها المعاليق يباس =صبري قضى ما باقي إلا قليله

صبرت صبر صابني منه وسواس =صبر له النفس العزيزة ذليله

على وليف حال من دونه الياس =والياس طب للقلوب العليله

من يتبع المقفي مردّه بالافلاس =مثل الذي بالقيظ يدفق صميله

هذي دروب الحب جده ودرّاس =الله يمضيها يستر وجميله

موفق للخير يا ظبي الأطعاس =لا تحسب الدنيا باهلها طويله

(الصاحب ال غالي نحطه على الراس =واللي يودك لا تدور بديله)

وصلاة ربي عدّ ما هب نسناس =على نبي وضّح الله دليله

وفي الحث على فعل المراجل له هذه القصيدة:


أقول فعّال الجميل يسود =والطيب ما له بالرجال حدود

ومن شح في جاهه وفي بذل ماله =عدّه مع اللي باللحود أرقود

إلى صار يدركها ولا يفتخر بها =عن البيض جنب للخصال السود

يفخر بجدان تحت غايب الثرى =وهو عن سنعهم معطي أصدود

ما كل مالود يجي مثل والده =شتان ما بين الردى والجود

حشى ما أخص بها من الناس واحد =والشاهد الله والعباد اشهود

أشكر بها أهل الثنا والمروة =اللي لهم فعل الجميل يعود

نطاحة الواجب على اللين والقسا =عسى لهم كل الليال سعود

وأنا أقول لا نطح المراجل وهيبه =والطيب ما له بالرجال احدود ومن أشعاره الغزلية قوله:


البارحة البارح البارح سهرت وعفت أن النوم =لولا محبة عشيري كان ما سهرت عيوني

إن كان باكر وليل القابله مثل أمس واليوم =أطول علي السهر وأنا احسب إن أمر يهوني

أسهر على اللي مصيب ضامري ماني بمليوم =لولا الغرابيل ما جر اشهب الذيب اللحوني

والله لولا الحيا وأدري من المنقود واللوم =أخاف من هرجة تبعد ظعونه عن ظعوني

إني لخاطر عليه وما يصيب العبد مقسوم =وأبهج ضمير صريع فيه ناعمة الغضوني

وله أيضاً هذه الأبيات:



شي سمعته كل ما مني ارتج =وأصبحت ما ادري يا عرب وين أوجه

أنا من الشي الغريب اتحرج =الوادي المجهول اسنع مدرجه

يا لجتي لجة محال إلى لج =ليالها وأيامها مستلجة

عليك يا راع الحجاج المدعّج =دالوب قلبي كل بحر يرجه

كنه هدير الشام في موسم الحج =في ما قف تسمع للأسماع ضجة

الود عقب صخيف الروح يسمج =مثل الذي ما تقبل النفس حجه

صبرت صبر صابني منه وسواس =صبر له النفس العزيزة ذليله

على وليف حال من دونه الياس =والياس طب للقلوب العليله

من يتبع المقفي مردّه بالافلاس =مثل الذي بالقيظ يدفق صميله

هذي دروب الحب جده ودراس =الله يمضيها بستر وجميله

موفق للخير يا ظبي الأطعاس =لا تحسب الدنيا باهلها طويله

نقلت عن بكر ابن هذال ..