قصيده جزله وفي نفس الوقت ( نصيحه)

[عتيبي شهم]

قصيده اعجبتني ورائعه


وهي نصيحه

والشاعر بها يخاطب قلبه وهو شاعر شاب من شعراء عتيبه

اتمنى ان تنال اعجابكم مثل ما نالت اعجابي

وهي للشـاعـــر/ سعــود بن ماضــي العطــاوي
.
.
.
.
شف ما ترى يا قلب
.
.
.
.



شف ما ترى يا قلب وأكتـم سـدودك=عن واحد(ن) يأخذ سدودك ويشنـاك
خلك على الدنيـا تعيـش بسعـودك=مالك غرض في عرف هـذا ولا ذاك
علـى الخطايـا لا تقـوي جهـودك=العقل زيـن وسامـح اللـي تحـداك
ترى التسرع بالخطا.. مـا يـزودك=الا بفعـل ٍ يخلفـك عـن نـوايـاك
لا تخلـي الشيطـان دايـم يـفـودك=ان طعت راي ابليـس للشيـن وداك
خلك من الدنيا نظيـف(ن) جـدودك=محد(ن) لسانه فـي غيابـك تقفـاك
واليا مشيت الحـق واجـد شهـودك=واليا هجرت الحق كـل(ن) توحـاك
لا بـد مـن يـوم ٍ تقفـي حـدودك=لا تخلفـك دنيـاك والموعـد هنـاك
خلـك اليـا قفيـت تذكـر عهـودك=لابـد مـا ترحـل وتقفـي مطايـاك
خل الـذي ينصـى محلـك يـرودك=اليا شكـى غيـرك تذكـر سجايـاك
خـل الفهامـه والعدالـه تـسـودك=واليا حكمت الحق لا تظلـم اعـداك
بعض المصالـح للمعاصـي تقـودك=وبعض المصالح يشهد(ن) في خطاياك


وسلامتكم


اخوكم / سلطان العتيبي

[عــمـــر]

يعطيك الف عافيه

قصيده رائعه واختيار موفق

صح السانك والسان شاعرها

مشكور



تحياتي

[القوبع العضياني]

بيض الله وجهك وصح لسانك وصح لسان شاعرها

ولاتحرمنا من تواجدك المستمر وابداعك

دمت موفق

ا

[إبن ثعلي]

مشكور ياعتيبي شهم على حسن الاختيار وصح السان الشاعر سلطان العتيبي
تحياتي

[تركي السواط]

صح السانك
والسان شاعرها
فصيدة في قمة الروعة

تحياتي لك‘‘‘‘‘‘