ودي بشاعر رزين....

[الأســـد]

ياسلام الله عليكم ياقبيله ياجماعه= السلام مع التحيه لضيوف وللقبيله
ودي بشاعر رزين اللعب معه مقدار ساعه=شاعرن لو نلعب الساعه معه تصبح قليله

[ناصر بن سعدي]

شاعرنا الأسد...


هلا و غلا...


وحياك الله وطاروق رائع ومبداء..كايف...


وبإنتظار من يرد عليك..:)

وياهلابك..

[بنت السلاطين]

بدايه موفقه وننتظر

[فلان الفلاني]

الله الله


يالله الصفوف جاهزه



يالله با ابن سعدي انت شاعر

يالله رد على الشاعر

بس نبي المحاوره مباشره على الهواء ..


صفوف جاهزه

في انتظار ابن سعدي وشاعرنا الاسد


يالله الاسد انا في صفك

)(
)(

[شاعر المليون]

مرحبا ترحيبةٍ من خاطري فيها مناعه=بالرجال الغانمين اللي يحبون الجميله
هات مافي خاطرك واذهن يجي في القلب راعه=خلها ليله تساوى في طربها بالف ليله

[شاعر روق]

الاسد
اهلا بك مجددا والحمدلله على شوفتك
وصح لسانك على المبدا الجزل
__________________
شاعر المليون
صح لسانك وبيض الله وجهك
رد وافي من شاعر وافي
تقديري

[الطوفان]

الاسد&شاعر المليون

صحت السنتكم

واصلووا

[بنت السلاطين]

يالله انا انتظرالاسد يرد

[الدكتور]

الاسد
وشاعر المليون
صحت السنكم
واصلوا
تحياتي ومودتي

[الأســـد]

شاعر المليون شاعر فالبحر يومي شراعه=مادرى أن البحر يخلف ضن من جاء مشتهي له
الهقاوي بالأسامي والولد ياطيب ناعه=فيك شر وفيك خير وفيه حاجه مستحيله

[الأســـد]

ناصر بن سعدي

بارك الله فيك,,,

فلان الفلاني

بيض الله وجهك....وشد حيلك

بنت السلاطين

مشكوره على التفاعل....وأنا وصلت ومتواصل

[الأســـد]

شاعر روق

بيض الله وجهك ,,,,والله يسلمك

وحضورك مشرف للمحاوره....وأنا متواجد دائما معكم لو بزياره

حسب فرصة العمل

الطوفان

بيض الله وحهك ....وحياك ,,,مرورك شرف

الدكتور
بيض الله وجهك...مرورك شرف