الى اقرب شاعر متواجد ..الليل الليل

[ذبّاح الحايل]

السلام عليكم ورحمه الله وبركاته
هذي بيتين والرجاء من ابناء العمومه الرد وشكرا

*****************

سلامي للي حضر واللى حضر يبلغ الغايبيـــن

اعداد ماهلت السحب الكريمه في هــــماليلها

وين الجمل مالقينا من يشيل الحمل والله يعين

والظاهر اني ابلقا عندي ربعي من يبا يشيلها

[شاعر روق]

يامرحبا عدّ دورات الليالي والشهر والسنين=وعداد ماتبرق المزنه وماهلّت هماليها
ان كان مانت بجمل يبرك لها اللي في المواقف يبين=إشعيل عم الجمال اللي ضعيف في القسى حيلها

[ناصر بن سعدي]

ذباح الحايل..

و

شاعر روق..


وعساكم على القوه ...وطاروق كايف..


والصف عندي كلكم غالين....وش نسوي نبغى الستر..:)


شدوا حيكم نبغى نصلي جماعه ..:) بإذن الله :)

[الطوفان]

صح السانك ياذباح الحايل&وصح السان ابو سعود

وصلوووا

تحياتي

[ذبّاح الحايل]

دام البقاء وانت شاعر فالشــدايد دايمن النا تبين

وبعض القضايا علينا طرحها ويجوز تعديلها

وش حيلة اللى كبيره ضايعن فالراى ماهو رزين

وبطانته دايمن تسعى يابن عمي في تظليلها

[شاعر روق]

اطرح قضيتك وابشر بالجواب اللي يسر الجبين=يقولها اللي يحاول عدلها مايعجبه ميلها
والذيب يقنب ويفرس ماتهمّه حيلة ابا الحصين=واليا نشدت الحصاني عن قضيه شهّدت ذيلها

[شاعر روق]

ارحب يابن سعدي
ولاتغلي الا من يغليك
سعدنا بمرورك

تقديري

[شاعر روق]

ابو عبدالرحمن
ارحب وصح بدنك
سعدنا بمرورك

تقديري

[الإعصار]

ذباح الحايل وابو سعود
صحت السنكم على ذا
الطاروق الكايف وواصلوا لاهنتوا

تحياتي لكم

[الدكتور]

ذباح الحايل+شاعر روق
صحت السنكم
طاروق جزل من شعراء جزلين
ومازلنا نتابع

تحياتي ومودتي

[ذبّاح الحايل]

ماكل شاعر يجيب الجزل وانته ماتبا الا الثمين

ياللى تكــــيل طلـــبتك لاتـــضيع فــــي مــكايلها

جلستك ضاعت بهالاوراق مدري الداين أمن المدين

والمحكمه من يبا يقعد يدور في مــــــراسيلها

[ذبّاح الحايل]

صح بدنك ولاهنت عالمرور اثلجت الصدر بالمرور

لاهنت يالاعصار مع الدكتور لاهنت

[الأســـد]

ذباح الحيل

شاعر روق

شدوا حيلكم والليل الليل

والمعنى المعنى,,,

[شاعر روق]

الدرب قسمين درب إيسار والثاني طريقه يمين=يامرتّل الفاتحه بالله تدبّرها بترتيلها
اهل العراق ابلشوهم في البلد قوم الحسن والحسين=ثم اعقدوا حلف مع بوش وعلينا جهزوا خيلها

[ذبّاح الحايل]

ابسـلك الخط الأيـمـن ياعميلي مسـلك الصالحيــن

وقوم تسلك دروب الشرك لا ما اظـن اباويـلـهــا

اللـّه يبارك بـ رجالٍ يعز الدين والمسلمين

واهل العراق العريقه مابيدينا غير ندعي لها


صح لسانك يالجزل ولاهنت عزالله امتعتنا يالاستاذ واستفدنا منك يابن عمي