لاطالعوها !!! قلت...تكفووون ياعيال

[الـسليفي]

قصيدة كلها براءة اعجبتني واتمنى ان تحوز على رضاكم واستحسانكم بالنسبة للشاعر لا أعلم من هو شاعرها
ويقول:

عهدي بها قدام تلبس عبايه
وأنا بعد قبل ألبس شماغ وعقال


طفلين نتهجا حروف الكتابه
الله يامجمل سواليف الأطفال


كانت لنا في كل شارع حكايه
وكنا نقول علوم ماهي بتنقال


وكنت أتقاسم مامعاها معايه
من آيسكريم التوت لعلك أبو ريال


وكانت بعكسي شاطره بالقرايه
تقرأ جزء عمى وطه والانفال


وانا لك الله من مواري غبايه
مدري أبو نقطه هو الذال أو الدال


وكانت لأبويه تشتكي من شقايه
وتعلمه كيف أربط الباب بحبال


ياما على ظهري كسر من عصايه
يقول لي خلك وأنا أبوك رجال


وأمي تقول إدع لولدك الهدايه
خوفي يصيبه كثرة الضرب بهبال


لاشفتها مع أول الدرب جايه
ماأدري أنا اللي ملت وإلا الوطاءمال


أحس قلبي يرتجف في حشايه
ماكنه إلا الضيف لاهز فنجال


ياما عن السعلي تخبت ورايه
لاخوفوها فيه ثم شافت ظلال


تقول ... خلك يا(....)معايه
وأستانس ألعب عندها دور الأبطال


وأغاااااار حتى من عيون أصدقايه
لاطالعوها!!!قلت...تكفووون ياعيال


وسلامتكم

[اشقر السيف]

ياسلاااااااااااااااام

استاذي السليفي..

دايم مبدع بكل شي

احترامي ومودتي خالصه لشخصك الكريم

[ناصر بن سعدي]

وأنت سالم وغانم...


وبيض الله وجه شاعرها...


ولاهنت على النقل الرائع..


وتقبل تحياتي..

[الشامخه]

القـــديـــــر .. السـليـــفي ..

نقل رائع من رائع لاهنت ..

وصح لسانك ولسان شاعرها ..

لك ارقى التحايا ..

الشامخهـ ..

[عــمـــر]

يعطيك العافيه

ومشكور على القصيده الرائعه والنقل الجميل

وصح السان شاعرها




تحياتي

[الـسليفي]

ربي يبارك فيكم وفى ذوقكـ

السليفي