من عين الحرالاشقر

[ابن حمد]

الله الله
استلم يالحر وعمرك يطول

سلام الله سلام يخلص الداين من المديون =سلامن يغسل انفوس الرجال الي بها عله

ولا يالحر الاشقر خلها تمشي علا القانون=وانا خابرك رجلن ماتعرف الخوف والذله

[علي العضياني]

صح لسانك واستلم
هلا يامرحبا عداد ماتبدي نجوم الكون=
تهرج بالسواليف الجداد وما مضى خله.
توكلنا على الله والعلوم الكايدات تهون=
ويبشر بالنكاد اليا حصل من صاحبي زله.

[ابن حمد]

ارحب يالحر الاشقر
واستلم

لعلك للبقا جعلك ورا الهقوه ولنت ابدون=ودرب الطيب اعرفك ياطويل العمر تدله

توكلنا علا الله محد غار الله نبا له عون=نباها معركه يالي تشيل السيف وتسله

[علي العضياني]

خلوووووها
انا ما اريد غير المعركه يالشاعر الدندون=
تونس للعصا بين الاذاني واسفل القله.
نهار العيد الاول في صباحه جاكم العربون=
وباقي علم غيره تاخذه ياصاحبي كله.

[محمد حنيف الروقي]

محاوره جميله

[ابن حمد]

الاخ محمد حنيف


لاهنت

و شكرا علا المرور

[ابن حمد]

الله الله

تمنا المعركه وانته مكوعلك تحت فريون=
تهددني وانا خابر علومك مالهـا ادلـه

نهار العيد حطينا لك الجمره علا الغليون=
ولاني خابرن لي علم غاراللغز ماحلـه

[علي العضياني]

استلم
انا اقوله لحيث السيف الابيض في يدي مسنون=
ترى ماعندنا فالمعركه شاهي ولادله.
بعد دارت رحانا مع رحاكم حبكم مطحون=
وقسمك تلهمه من يدك وتوزع علىالشله

[ابن حمد]

ورا يالي تشيلون السيوف البيض ماتغزون =تقول الناس من يضرب بسيفه قيل ابظله

انا ابنصحك لاتكذب ترا كل العرب يدرون=ترا ما يضلم الاجواد غير مخالف المله

[علي العضياني]

انا ماني براع الكلمه اللي مالها مضمون=
ياليتك من مطير القوم ولا من حريبله.


تقوله وانت شاربك المفتل بالشحم مدهون=
ودقنك من زلال السمن مرشوشه ومبتله.

[ابن حمد]

الاخ الحر الاشقر

المعذره علا التاخير


واستلم


اثرك الفارس الي نعتزيبه في نهار الكون=بعد مااخليت مرحان الحروب اومرح عبدله

اقوله ماعليه والشنب ضافي مهو محسون= ومن جانا يبا فلة حجاج احجاجه انفله

[علي العضياني]

عصا موسى عرضها الله على قلتك يافرعون=
ولا جبت الكلام الي تقوله غير من قله.
الا يالله تعوض بخير وش هالصاحي المجنون.
تغيب ثم جا يشمت نصيبه ويش حاصله.

[ابن حمد]

الحر الاشقر

ماقصرت وفيت وكفيت

وسعدنا بمحاورة شاعر

بمستواك الرائع وهذا بحد

ذاته شرف كبير لنا ونراك قريبا

انشاء الله


تقبل تحيات اخوك ابن حمد

[إبن ثعلي]

ما قصرتوا يابن حمد ويالحر الاشقر وما دام القاف شايب غيروه بثاني ترى المتابعين لكم والمعجبين واجد لو انهم ما يعلقون
تحياتي

[علي العضياني]

مشكور يابن ثعلي والف شكر لبن حمد
والى اللقاء في الاسابيع المقبله ان شاء الله
تقبلو تحيات ابن عمكم الحر الاشقر

[النـايــــــف]

صح لسانك يا ولد عمي بن حمد



وصح لسانك يا الحر الاشقر


وبيض الله وجيهكم

[ابن حمد]

النايف صح بدنك

ومتابعتك شرف كبير لنا

مقدرك
اخوك

ابن حمد

[عاشق المغاتير]

ابن حمد .. الحر الأشقر


ماشاءالله محاوره جزله ومعانيها اقوى

لكم تحياتي ونريد المزيد من هذي المحاورات القويه


لكم تحياتي

[عبدالله المطيري]

صح السان كلن من الشاعرين

محاوره في قمة الجزاله



تحياتي

[علي العضياني]

مشكورين كلكم على المرور
وماقصرتوا
تحياااااااااااااتي