قحطان وسلطان الجلاوي

[الفاتن]

اسعد الله مساكم

اخبرني احد زملائي امس بسالفة الشاعر سلطان الجلاوي في حفل مزاين

قحطان وقال ان القحاطين غلطوا على الشاعر سلطان الجلاوي

ابي السالفه كامله لو سمحتو

[عــمـــر]

اولاً

حياك الله ويامرحبا فيك

وثانياُ

ان شاء الله احد من الاخوان يفيدك ,

لان انا بصراحه اول مره اسمعها منك الحين



تحياتي

[ولـ حرب ــد]

ياكثر الغلط و المشاكل في المحاورات في الآونة الاخيرة

الله يرحم مطلق الثبيتي و صياف الحربي

ماكنا نسمع بالغلط بينهم أو الشعراء زملائهم الذين في عصرهم

أما المحاورات اليوم مشكلتها من الجمهووووور اللي مايفهم شئ ماعنده
إلا العنصرية يبي شاعر قبيلته يسب قبيلة الشاعر الخصم
سبحان الله العظيم

[دحمي00]

وانا بعد سمعت

بس ماادري وش القصة

تحياتي00000000000

[فلان الفلاني]

السلام عليكم


اخواني ..

لا صحة لمن ذكر

كلها أشاعات مغرضه ..

والكل منكم شاهد المحاوره بين الجلاوي والقرقاح
مافيه اي غلط من سلطان الجلاوي ..

على كلن المصدر طبعاً أنا كنت موجود في الحفله
وحدثت مشكله عند الجمهور وعلى ما اعتقد بين القحاطين
ما ندري ماهي الاسباب
ولكن شاعراً سلطان حضر الحفل هو وفهد العازمي
ورشيد الزلامي وكان حضورهم مشرف ..


تحياتي لكم

[قحطان نجد]

يارجال لا تظن في قحطان مهما كان هو ضيفنا ولا غلطنا عليه

مو حنا إلي نعزم ونغلط (احشم كلامك)

[ناصر بن سعدي]

إخي..


الفاتن...


تشير كافة المصادر...أنه لم يحدث إي مشاكل...


ولـ الجميع خالص تحياتي...

[أبو سعد الدلبحي]

قوات الأمن تتدخل لإنقاذ الشاعر سلطان الجلاوي من الجمهور !!
تاريخ النشر : الجمعة, 2007.04.27

علمت وكالة أخبار الشعر أن شاعر القلطة الشاب سلطان الجلاوي قد تعرض مساء البارحة لمحاولة إعتداء بالضرب من قبل مجموعة كبيرة من الجماهير بعد انتهاء إحدى حفلات شعر القلطة المقامة على هامش مهرجان مزاين الإبل لأحدى القبائل حيث تعود تفاصيل الخبر إلى أن مجموعة من الشباب قاموا بالتجمهر على الشاعر سلطان الجلاوي مما أدى إلى تدخل قوات الأمن التي قامت بإخراج الشاعر من بين الجمهور والإبتعاد به بعيداً عن أي مضايقات متوقعة , جدير بالذكر أن حفلات شعر القلطة تحفل غالباً بالكثير من المشاحنات التي يتسبب بها الشعراء في أبياتهم ليغادروا مكان الحفل تاركين للجمهور الحاضر الإتفاق والاختلاف على ما جاء في محاوراتهم

رابط الخبر :
http://www.shathaaya.com/news/index.php?mod=article&cat=marvels&article=1212

[الفاتن]

اشكركم على المرور والتعليق

صنهات الدلبحي يعطيك الف عافيه على مرورك وذكرك للمصدر .. عجيب والله !!

[الهامور]

نسمع جعجعه...ولانرى طحنا..

[النابغه الجعدي]

يستاهل هو وش مطمره عنده القحاطين


من ساب داره ال مأداره

[ركوان الغبيوي]

كثر الحكي يمرض قلوبن سليمه والصمت مبدا لرجال المفاهيم