سلام الله على عز ومعزه [الأرشيف]

متعب العتيبي

05-02-2007, 09:33 PM

مساكم الله بالخير يالربع مبطين عنكم ودنا ناخذ علومكم
القريب يسد واستلموا

سلام الله على عز ومعزه والقريب يسد = عدد مالاح برّاق الخيال وسيّل الوادي
نبا شاعر يعزم ويصمل ويلعب وند لند= وغير اللي طلبنا نربطه بعقال وقيادي

عـايض النفـيعي

05-02-2007, 09:47 PM

متعب صبّحك الله بالخــير

أستلم ..

هلا يامرحــبا ترحيب وافـي ياعريب الجــد = أرحـب بالنيـآبه والقمر جوف السمـا بـآدي
ليـا جبت إلك حـاجه ياعميل الخير هـات وود = ورجـل ٍ مـآيدل الدرب يبطـي يـاولد غـادي

شاعر روق

05-02-2007, 09:55 PM

ابو رشيد
مرحبا ومسهلا ومن جا ماابطى
____________________
عايض النفيعي
صح لسانك
رد وافي
واصلوا والصف دبل

تقديري

سلطــان الحارثي

05-02-2007, 09:58 PM

متعب العتيبي وعايض النفيعي
بدايه طيبه من وجيه طيبه
واصلوا لاهنتوا

أبوزيد الهلالي

05-02-2007, 09:59 PM

الله الله
ياسلام ياسلام
صحت السنتكم والصف مع متعب
ولايهون اخوي عايض
الليل الليل

مزلزلهم

05-02-2007, 10:01 PM

صح لسانك يامتعب وصح لسانك ياعايض
والصف مع عايض
يحا يحا
الليل الليل

عـايض النفـيعي

05-02-2007, 10:05 PM

شـاعر روووق

متـآبعتك شرف وتعطي المحـآوره طعم ثـآني

ونكــهه طبيعيـّه

بس الله لا يهينك مـآوضـّحت من أنت في صفـّه

أمسك صـفـّي وشف ترى فيه سحب عندي بعد المحـآوره هههههههه

< أنــواع الإغرآءات ههههههههههه

يعطيــك العـافيه

عـايض النفـيعي

05-02-2007, 10:09 PM

أخــوي سلطــان

حيــّاك الله يالطيّب

الله يعطيك العافيـه

عـايض النفـيعي

05-02-2007, 10:10 PM

أبو زيــد

صح بدنــك ياطويل العمــر

بس تراك خسرآن منت داخـل السحب ههههههههههه

خل متعب ينفعــك

حيّاك الله يالغاالي

عـايض النفـيعي

05-02-2007, 10:13 PM

مزلــزلهم

صح بدنك يالغــالي

ووجـودك في صفــّي يزلزل المنـافسين ويهدد وجــودهم وشرف كبير لي

حيّاك الله يالغـالي ولاهنت

متعب العتيبي

05-02-2007, 10:17 PM

هلا ياعايض ابرك الساعات

يدوم إلك البقا ياللي على درب العـلا تصعد=كفو مافيك قاصريالعتيبي والله الهادي

كثير من العرب غادي ليا منك بغيت الجد= مضيّع دربه اليا جا نهار الجد مافادي

متعب العتيبي

05-02-2007, 10:20 PM

ابو سعود هلالالالالالالالا وغلالالالالالالالالالالالالا

حضورك ينوّر الصفحه

الف شكر

ابن مسلم

05-02-2007, 10:22 PM

http://www.9q9q.org/index.php?image=TdjAe9BdbTSsdc (http://www.9q9q.org/index.php?image=dGcz0YXWwBA)

ابو رشيد هنيا

يالله حيييييييييييييييييييييييييييييييييه والله إني صادق وصح لسانك

ولسان عايض النفيعي

وانا رجال ٍ ماحب المجاملات واما الصف الله لايعوق بشر طامرٍ في وسط صفك يابورشيد ومن جاء قدامي والله لاشيله على صدام الهاف لاتقولون ماعلمنا ابن مسلم

متعب العتيبي

05-02-2007, 10:24 PM

سلطان الحارثي
هلا ومرحبا

شرفتنا بحضورك

متعب العتيبي

05-02-2007, 10:25 PM

هلا هلا يابو زيد

مادام انك في صفي ماعلي من عايض

هههههههههههههههههههههههههه

شرفتنا ياغالي

متعب العتيبي

05-02-2007, 10:27 PM

مزلزلهم هلا والله ومرحبا

ياخاين العشره رحت مع عايض الليله

ههههههههههههههههههههههههه

امزح معك ياغالي وصفي وصف عايض واحد

شرفتنا

متعب العتيبي

05-02-2007, 10:29 PM

البقااااااااااااااااااا يابو ضيف الله

وانا والله اني اسعد بحضورك اي والله

مادام انك في صفي ماعاد علي من احد

مار عندك ابوسعود شله على صدام الهاف اظنك تريح الناس من شره
ههههههههههههههههههههههههههههههههههههههه

عـايض النفـيعي

05-02-2007, 10:34 PM

الله الله

يمــين ٍ مـاتحـوش الطـيب لا تذكــر ولا تحمــد = ليـا ثوّر عجـاج الخـيل شفنـا فعـل الأجـوادي
قليل العرف يالله تقلعه مقـلاع عقم الحـد = وسيـع شوفه عيد كنــّه ثـالث أعيـآدي

عـايض النفـيعي

05-02-2007, 10:35 PM

وسيع العرف شوفه عيد منّه ثالث أعيـآدي < تعديل بسيط

عـايض النفـيعي

05-02-2007, 10:39 PM

منـّه = كنــّه < بس العجله والكيبوورد هههههههه

< عـاش مصرّف ههههههههههههه

ابن مسلّم صح بدنــك والله يحييّك

مـاعليه يابن مسلّم طيّب أن متا خلّيتك تسمكر صدّام هالفرت هههههههه

الله مار يحييّك ووجودك شرف

شاعر روق

05-02-2007, 10:50 PM

انا بدون ادنى شك في صفك
وضد متعب في كل شي
حتى لو يلعب مع شارون
هههههههههههه

متعب العتيبي

05-02-2007, 10:52 PM

الله الله

عيون الناس ترقب كل نجمٍ بان له مرصد =ودرب المعرفه ياصاحبي كالملح للزادي

قليل العرف مايارد مع العراّف فوق العد = يسوق الدله اللي مابها بن وبلا وقنادي

متعب العتيبي

05-02-2007, 10:58 PM

انا بدون ادنى شك في صفك
وضد متعب في كل شي
حتى لو يلعب مع شارون
هههههههههههه

فارقني مع السعه مابغا لك قرب

هههههههههههههههههههههههههههههههههه

شاعر روق

05-02-2007, 11:02 PM

فارقني مع السعه مابغا لك قرب

هههههههههههههههههههههههههههههههههه

ههههههههههههه
حلم ابليس في الجنه
من يقول ان ابا قربك
انا اصلا غاسلٍ يدي منك
من يوم شفت ابن مسلم معك
هو وفرته اللي مجيم مايشتغل
الله العالم انه ماغار بدي بلا مكينه
هههههههههههه

عـايض النفـيعي

05-02-2007, 11:03 PM

الله الله

أستلم 00

عيـون النـاس فالبرّاق ذا ينزل وذاك يشـد = انـا لا لدّت الأنظـار ما أحول عن شدادي
عدود البدو ميراد الحيامـا ولف واللا شرد = وأنـا لولالـي أخـاف الله قبست الضو بزنـادي

متعب العتيبي

05-02-2007, 11:34 PM

ياسلام ياسلام
استلم

يجيب الغيظ لك ناسٍ ليا وقفت تبيح السد=يحسبون السوالف مثل كوره داخل النادي

نزل سهم المصافي والعرب تنشد متى يرتد =وقف سهم الخشاش بسكته وبكل مرصادي

ابن مسلم

05-02-2007, 11:35 PM

آه أه آه أف آه أف آه أف
ابك عطوني ماء ابا اشرب الحقو علي
ابك عينت الفرت يامتعب انقطع نفسي من الليله وانا اعدي مع البهيته لاسقيت هي وخط الجموم بغى يدعسني راعي قلابي سكران لارحم ابوه

متعب العتيبي

05-02-2007, 11:37 PM

ههههههههههههههه
يابو سعود
الانار وعمار بس ابعد عنه

بس

ابوضيف الله انسان محافظ على التراث

هههههههههههههههههههههههههههههههههه

ابن مسلم

05-02-2007, 11:46 PM

انت يا شاعر روق العلم مايجيب معك نتيجه

لاكن ان قالها الله لاحطك على التمثال ثم لاصكك بالنباطه من بين العيون توك ماتعرف الرياجيل زين تهزا بسياراتهم

عـايض النفـيعي

05-02-2007, 11:51 PM

الله الله

أستلم 00

تعـوّذنـآ من أبليس الرجيـم وبد مـآ يهجــد = ليا أوحـى أذاعة القرآن عبر البث والرآدي
تعـآد الهيكـله والسوق لا يبكـي ولا يســعد = ولا نبغـاك يجهـلك الخبر وتصيح وتنـآدي

شاعر روق

05-02-2007, 11:58 PM

ياسلام ياعايض والميل
على صف ابو نباطه:)
الليل خل نباطتك تنفعك
ههههههههههههه

عـايض النفـيعي

05-03-2007, 12:03 AM

أبشر بعــزّك يابن رووق

والله أن شااء الله لنحك صفرتــهم الآلــه

هههههههههههههههههههههههههه

والله أن شااء الله لنوريّك سنع أهـل النبـّآطـآت

هههههههههههههههههه

ابن مسلم

05-03-2007, 12:10 AM

هههههههههههههههههههه

كل لحية نعرف مقدارها اللي يستاهل المشوك نجيه ابه
واللي مثلكم النباطه واجد فيهم لو ارسل لي علاكم هندي مامعه غار مسواك جاء منيركم أحم أحم <<< يامامن الشجاعه في هالرجال

صح ولالا يابورشيد

متعب العتيبي

05-03-2007, 12:31 AM

الغالي عاض النفيعي والله ان اللعب معك مكسب
لكن الليل طرّف والنوم اهلكني استلم والتغطيه عندك
وبيض الله وجهك وصح لسانك

متى بعض العرب عن طبعها ياصاحبي تهجد=ترّيح قبل لاينهد جدرٍ صار متحادي
ترى عمر الصفر لن جاء شمال الرقم ماينعد =ماينقص فالحساب ولا حصل في يوم قد زادي

عـايض النفـيعي

05-03-2007, 12:50 AM

متعب وأنـآ أخووك الشرف لي والله العـالم
وصح لسـآنك ونووم العـوآفي يالغـآلي

أستلم 00

لصـآر البيت أله سيسـآن جدرانه فلا تنهـد = لو أنـّه طرّف الشـآكوش أبو شيشـه وبرّادي
مية نـآقه معك ياصاحبي وأزريت لا تستد = مـامعك اللي تشيل الحمـل ياطحـطوح الأولادي

عـايض النفـيعي

05-03-2007, 12:55 AM

يالربــع لا هنتــوا

كل من تـآبع وأتحفتــونـا بمشـآركـآتكم معـا الله يعطيكم العافيـه مـآقصّرتوا

وأنت يابن مسلّم شغلك بعدين أورّيييييييك

يبا الله يزّمني أيـاك هههههههههههههههه :D

يعطيكم العـآفيه كلّكم