قصيدة للشاعر لافي حمود الغيداني الحربي

[راعي هلا]

أقبل يحرك خطوة الرجل برفوق =والقاع لمصافح خطاه يتشوق

مخلوق لا كنه ماهو بأي مخلوق =على بنات آدم وحوى تفوق

عليه لبسٍ يجمع الوسع والضوق =موسع بعضه وبعضه مضوق

مر وتعدى مابدى منه منطوق =إلا أنه بجيش المفاتن مطوق

خلاني أمشي وأقضب الدرب واتوق =ماني بتايق فكر لاكن متوق

تقول مرميٍ على الأرض من فوق = من السم السقطري مذوق
وإلا
يغفى علي شوي وشويٍ أفوق =وأقول لا أستيقضت والبال روق

مادام لا أمعوق ولا صايبه عوق =وراه يمشي مثل مشي المعوق

اللي على حاله خطر من هل السوق=مفروض يمنع مايروح يتسوق

[إبن ثعلي]

صح السان قائلها وشكرا راعي هلا على نقل القصيده الجميله

[الحصان]

قصيده رائعه لشاعر مبدع لاهنت ياراعي هلا

[علي العضياني]

صح لسانك وبيض الله وجهك على نقلك لهذه القصيده الرائعه

[راعي هلا]

الاخوان بن ثعلي والحصان والحر الاشقر تسلمون ولاهنتم
وهذا اقل شيئ نقدمه لهذا المنتدى الذي يحمل بين طياته اسم قبيلة عزيزه علينا ونتشرف في المشاركه في منتداها.... شكرا لكم على الاهتمام بما طرح من مشاركات .. ودمتم بخير