قااااالت ترىىىىىىىىىىىى

[راعي هلا]

قالت ترى منت بحلو قلت رجال= والزين ماهو من شروط الرجوله

الزين يلقى عند لباست الشال = والرجل زين ان كان زانت فعوله

قالت علامك تلبس شماغ وأعقال = انت بدوي قلت بدوي من حموله

مالبس بناطيل لها انواع واشكال = ومتر الشارع بعرضه وطوله

قالت أجل راعي معاميل ودلال = شرب القهاوي تحسبونه بطوله

قلت اسمعيني وأفهمي كل الاقوال = تمعني في كل حرفن اقوله

كيفي يبنت الحضر دله وفنجال = وحليب خلفه بالمراح معقوله

احب الكرم والطيب وعلوم الابطال = مغروس فينا من زمان الطفوله

قالت ترى بنت البدو حظها مال = قلت احذري حذرا تكوني جهوله

بنت البدو يابنت تضرب بالامثال = غير الجمال وطاعه الله خجوله

زينه على كل المزايين تهتال = مثل القمر ينشاف والحد يطوله

ماتنخدع في كل ماكر ومحتال = اللي لهم بالسوق صوله وجوله

هي مهرتن تصعب على كل خيال = ونتي ومثلك عسفها بالسهوله

قالت تغزل بي وشف حبت الخال = ناضر عيوني والرموش الكسوله

ونضر جديلن فوق الامتان ميال = ومبيسم يعجبك يعجبك تنظيم لوله

قلت العفو مايستو زين وهبال = والي تبينه شيبي عن حصوله

قالت وقلت كلمت الحق تنقال = والزين ماهو من شروط الرجوله

منقــــــــــــــــــــــــــــــــــــــــول

[العريدي]

اشكرك جدا على هذه الابيات بااخو هلا و تسلم ...........

و على طاري البدو علوم البدو قول عبدالله بن سبيل رحمه الله في البدو :

البدو غربال القلوب المشافيق = يامار كظت بدربهم و اتعبوني

[راعي هلا]

الاخ العريدي تسلم ولاهنت وانا من اعجابي لهذه القصيده نقلتها
والله يرحم ابن سبيل واموت المسلمين

ودمتم بخير

[الحصان]

لا هنت ياراعي هلا قصيدة جميله

[راعي هلا]

سلمت يالحصان على رفع معنويات المشاركه وشكرا لك ولكل الاخوان الموجودين في هذا المنتدى
دمتم بخير

[إبن ثعلي]

ياسلام ياراعي هلا قصيده ولا اروع منها ومكانها المميزه وارشحها لهاوانشاء الله يوافقونني المشرفين عليها
تحياتي

[ماجد عتيبه]

رائعه رائعه لا بعد الحدود

مشكور على النقل الجميل ياراعي هلا

[راعي هلا]

االاخوان / ابن ثعلي وقايد الغزلان شكرا لكم على رفع رووح المعنويه
بإشادتكم لما طرح وبإذن الله القادم أفضل
ودمتم بخير