ابو سعود قلط اشتقنا لك

[الطوفان]

سلام عليكم وصبحكم الله بالخير



ياشاعر الروقه لك منادي واجيب= واسمع كلامي كان صوتي تسمعه
يالمسلم اللي ماتقلدت الصليب=وتعادي القسيس راعي الصومعه

[ابن مسلم]

ابوعبدالرحمن

ابك تعبتني اطردك في كل محل من اسفل نجد لياعلو الحره حفيت

رجليني مع دربك الله يجازي ابليسك لاكن ماقول إلاصح لسانك

وصح لسان عمنا شاعر روق والصف مع ابوسعود بلاجدال

[شاعر روق]

اسف يابو عبدالرحمن والله ماشفت بدعتك الا هالحين

اسمعك يالطوفان ابو قلبٍ لبييب=لكن كسر في حسابك واجمعه
والصومعه ياجعل راعيها يخيب=مازارها الا كل ساقط وإمّعه

[شاعر روق]

ابن مسلم عمت عيون عدوك
وصفي ناقص بدونك
لاهنت

[شايم لروق]

الله اللله يسلام يابو سعود ....عااااش الجزل ...اهب اهب..

[الطوفان]

معذوووووور يابو سعود


حسبتها وحسابها ماهو صعيب=اثنين ضرب اثنين ناتجها اربعه
قسيسها فيه الهوس وامره عجيب=خيم عليه الضيق من بعد السعه

[الطوفان]

ابوعبدالرحمن

ابك تعبتني اطردك في كل محل من اسفل نجد لياعلو الحره حفيت

رجليني مع دربك الله يجازي ابليسك لاكن ماقول إلاصح لسانك

وصح لسان عمنا شاعر روق والصف مع ابوسعود بلاجدال



هههههههههههههههههههههه

وبك وبك يابو ضيف الله اثارك تراقبني من مكان لمكان انا بدوي اشد وانزل في ديرتي ماتعديها

مير الله يحييك ممد بلا عدد

تحياتي

[شاعر روق]

اسف مرة اخرى الاتصال فقع قلبييه الليله والاخلاق بعد ماهيب اللي


عسى الرمي وسط الهدف رميٍ يصيب=ياللي زناد ام الفشق تحت اصبعه
أدخل على الله وش تبا بام الغبيب=خل الضعيفه في الغبيب مكرعه

[شاعر روق]

شايم لروق
اعتبر كلامك اللي في الصفحه الثانيه كلام مسكين
سفيه إمّعه مصغي سمعه لناس ماتستحي ولا في وجيهها حيا

[ناصر بن سعدي]

الطوفان..

و

شاعرروق..

لاهنتوا ..وبيض الله وجيهكم..

والصف مع شاعر روق ولا يهون إخوي الطوفان ...

واصلوا ..:)

[الطوفان]

ههههههههههههه

وسع صدرك ومادم صدرك ضايق اللي يكفيني شرك



لولا انور السادات ومحمد نجيب=العسكر اللي راكبين مدرعه
ماكان يمدي مصر تستورد حليب= ولا تجوع وكل ثديٍ ترضعه

[ابن مسلم]

ا بوعبدالرحمن صح لسانك

لاكن شفني احذرك لاتزعل المحيط الاطلسي ثم يجيكم سونامي جديد

يغديبكم كلش الا ابوسعود

[شاعر روق]

هههههههه لا اليوم الاخلاق عال العال



وش لون شبّهت المغفل بالاديب=هرجتك هذيه خطا ومصلعه
مافي مصر غير الفلافل والزبيب=اللي علاه ام العيال مذرعه

[شاعر روق]

ا بوعبدالرحمن صح لسانك

لاكن شفني احذرك لاتزعل المحيط الاطلسي ثم يجيكم سونامي جديد

يغديبكم كلش الا ابوسعود

ههههههههه
ياربي انك تخليه من زغور بقعاء لاتجيه
مافيه احد يفهمني غارك يابو ضيف الله

ههههههههه

[شاعر روق]

ابن سعدي
مرحبا ومسهلا
والصف بدونك يعتبر ناقص

تقديري

[ناصر بن سعدي]

ياسلاااااااام..عليك..


وش لون شبّهت المغفل بالاديب
هرجتك هذيه خطـا ومصلعـه

مافي مصر غير الفلافل والزبيب
اللي علاه ام العيـال مذرعـه


واصلوا لاهنتوا ...:)

[شاعر روق]

ارحب يابن سعدي
واقعد بها يابو عبدالرحمن
صفك كل يغني لحاله:)

[الطوفان]

ابن سعدي

سلمت ووجهك الابيض

والدنيا كلها مع شاعر روق مالومكم

راس ماتقدره صافحه

ههههههههههههه

وجودك مكسب

تحياتي

[الطوفان]

بس تمام زانت الامور هههههههه



شبهتهم واضنها منهم قريب=اهل بريده تعرف اهل المجمعه

نجوي فؤاد تهزها والعندليب=وان هز شعبولا طرب هزو معه

[الطوفان]

حياك يابو ضيف الله

بس اركد ولاتروعني المحيطات كلها ان كانها مروعتك

مرورك اسعدنا

تحياتي

[ابن مسلم]

حياك يابو ضيف الله

بس اركد ولاتروعني المحيطات كلها ان كانها مروعتك

مرورك اسعدنا

تحياتي


ابوعبدالرحمن خابرك ذكي كيف طافت علاك هاذي

ابك أنا بامر الله العاصفه اللي تحرك المحيطات لين تهيج

هههههههههههههههههههههه

[شاعر روق]

ذاتس اقود ايديا هههههههه


كل من اسمه حاز له حظ ونصيب=واللي قصر ماده عن الهقوه دعه
ضانٍ تليم وان رثع في الضان ذيب=اطيب بهيمه ماتعرّض فسنعه

[شاعر روق]

ابو ضيف الله المعهد اللي درست فيه البكش دلني علاه
انت وابو عبدالرحمن:)

[ابن مسلم]

ابو ضيف الله المعهد اللي درست فيه البكش دلني علاه
انت وابو عبدالرحمن:)



افا ياذالعلم

دخلنا ردا

وابك كيف الي يومين امدح فيك وتاليتك كذا

لاكن مقبول منك مهما تقول لايمكن ازعل منك احد يزعل
من اعز إنسان عنده
خل الطوفان ينقهر
ههههههههههههههههههههههه

[الطوفان]

هههههههههههه

صارت لغات متعدده ماعرف غيري اربيا




اشوف لي في ذودهم حاشي غريب=يهدر هدير بعيرماحدٍ يردعه
عانه يعوثبها محدرها الشعيب=اطلق شنب فيهم يلفه باصبعه



ابو سعود اسعدني لقائك والتغطية من عندك ان احببت

تحياتي

[شاعر روق]

ماورى تغطيتك يابو عبدالرحمن
سعدت وتشرفت بمجارات شاعر علم بحجمك
تقديري واحترامي

[شاعر روق]

ابو ضيف الله
ماتغلي الا من يغليك والشاهد الله
تقديري لك

[ســــMـــــدااح]

يالله حي الطوفان،،وبن روق،،،وبن مسلم،،وبن سعدي ومن يقرى

ومنورين الشاشه


صح السااااااااااااااان الشعار


ولاهنتم