من قصائد المرحوم الشاعر الديري بن هزاع الثبيتي

[اشقر السيف]

هزجٍ ذكرته يالزيمع فهمناه = يطلع على معناه مابه تكاذيب
تقولون حنا الرجم منكم كسبناه = كسب الفلس من جا الحصا له مكاسيب
الرجم لو به خير قبلك لقيناه = وانا فرحنا يوم جتنا المكاتيب
انتم نزلتوبه وحنا تركناه = والله يساعدكم بحب وترغيب
لا شك يوم إنا بجواره وعلى ماه = عليه موفين جميع المواجيب
ليا لفا منكم احدٍ حشمناه = يلقا قبال زين بضحك وتراحيب
نقلط له المركا ونذبح له الشاة = مع الجميل مكثرين التراحيب
عز الله ان ودنا المجازاه = بالشين شين وراعي الطيب بالطيب
اللي يجازي الفعل بالفعل ماتاه = ومن لا يجازي حمير المشاعيب
حنا هل النوماس مابه مداراه = ولاتزعلون ليا تكلمت بمصيب
إليا مشينا في لزومٍ قضيناه = وإن جا الملاقا نشبع الطير والذيب
ماهي هروجٍ بالمجالس مسواه = هرجٍ صدق مضاله تجاريب


تحياتي ومودتي

[** راس حربه **]

لاهنت يا اشقر السيف وياليتك كتبت راعيهاا

وصح السانك والسانه

وننتظر جديدك طال عمرك

دمت كما تحب

[عــمـــر]

لاهنت اخوي الغالي

اشقر السيف

والله يرحم الشاعر ويسكنه الجنه ويرحم جميع موتى المسلمين

مشكور على القصيده الرائعه




تحياتي

[M!$s نفيعيه]

تسلم يا اشقر

قصيده جزله

والله يرحم قايلها

[اشقر السيف]

راس حربه ياهلا وغلا منور المتصفح يالغالي

بالنسبه لشاعر القصيده انا نسبتها له بالعنوان هو الديري بن هزاع الثبيتي العتيبي


عمر مشرفنا المميز ياهلا وغلا مرورك لحاله يبيله قصيده يابعدي لاعدمنا تواصلك

هلا بالنفيعيه ارحبي منوره اشكرك على مرورك وردك العطر



لاعدمنآ تواصلكم

تحياتي

[اشقر السيف]

سلايل المجد ياهلا وغلا

اسعدني مرورك وابشر باللي طلبته بس قل الله ييسر لي جمعه لانه متشتت وعندي ابيات من قصايد جاري البحث عنها واعرضها في منتدانا

شاكر لك تواصلك مودتي واحترامي

[ابوقبلان]

صــــــــــــــح لشانك ومن قال والله يعطيك العافيه

[تركي الثبيتي]

الله لايهينك ياولد العم ..

والله يسكنه الجنه ..

[ابن مويشير]

يعطيك العافيه اخوي اشقر السيف على القصيده

[اشقر السيف]

ابو قبلان

صح بدنك و ياهلا ومرحبا

الله لايهينك اشكرك على تواصلك

[اشقر السيف]

حياك ياتركي يابن العم ياهلا ومرحبا

لاعدمنا تواصلك

ومن قال بشروه بالجنه الله لايهينك

[اشقر السيف]

ابن مويشير ياهلا بالاسعدي

ارحب

شاكر لك تواصلك ولاعدمناه

[المشوك]

لاهنت وبيض الله وجهك
وبالنسبه لشاعر الله يرحمه معروف عنه القصائد الجزله
سبق ان سمعتله اكثر من قصيده من المرحوم/سعود بن راشد الخوصان رحمه الله حيث كان بينهم علاقه قويه ويحفظ له قصائد كثيره
لاكن حسب معرفة انه الشاعر المرحوم باذن الله حرق اغلب قصائده اثناء مرضه
رحمه الله واكرر لك بياض الوجه على ما نقلة

[اشقر السيف]

المشوك

حياك وياهلا وغلا

صدقت ابن خوصان كان على علاقه قويه بجدي الديري رحم الله اموات المسلمين

وماقلته صحيح احرق بقصيده كامل يطلب من الله العتق وأسأل الله ان تكون على نيته

شاكر لك تواصلك

دمت كما تحب اخوك عبدالله الثبيتي

[المشوك]

لاهنت
انا على علاقه بحيات سعود وفهد الله يرحمهم عيال راشد الخوصان
واقنص معهم الله يرحمهم واذا عشينا فالليل دايم يسري علينا حياة فهد الخوصان الله يرحمه بقصايد الديري الله يرحمه والله يافلان كان التعب من المقناص هادنا بس لاسمعنا قصيده الله يرحمه نشوش معه الله يعطيه الجنه
واذا اعجبني بيت الصبح اردده على الجهاز الكنود وحنى قانصين وكان الله يرحمه سعود اذا سمع البيت عرف اني ابيه يرد القصيده لاني ما احفظ
الله يرحمه ويقبل توبته
ومات الله يرحمه وهو على الزين واللي يطلقه

[اشقر السيف]

الله يرحم اموت المسلمين ويعتقهم من النار

صدقت ان القصيد يهقويك ويشيك ياراعي الولع اكثر وهذا هو الحال على العموم ولاتنسى القصيد ولاتنسى مقناصك مركز بالحاجتين وبالعلاقه سر يجهله من يجل معانيه

لكن ان كنت مثبتن شي او خابر اللي يحفض له الله يغفرله لاتذخر علينا شي تراني في بحث من زمان ولا لقيت اللي يبرد الكبد

شاكر لك تواصلك والله لايهينك

[المشوك]

هههههههههههههه
ابشر انشالله
اخوك الغبيوي

[اشقر السيف]

بشروك بالجنه

لاهنت يالغبيوي