المساعد الشخصي الرقمي

مشاهدة النسخة كاملة : يابن مسلم..!

ناصر بن سعدي
04-12-2007, 12:19 PM
الغالي إبن مسلم إسمح بطاروق معك...



ياهلا بالحضور ومرحبا بالضيوف=في حلالٍ يجود الجود من جودها
يإبن مسلم عيونٍ مثل عينك تشوف=هات كل العلوم وفسر بنودها
الطوفان
04-12-2007, 03:21 PM
صح لسانك ياناصر

وصح لسان ابن مسلم

وعليك فيه

تحياتي
ابن هنيدس
04-12-2007, 03:42 PM
صح السانك يابن سعدي

ابن مسلم ماتشوف شر لكن زال تقدر مانعذرك

واصلوا الابداع متابعين
الدماسي 2007
04-12-2007, 04:13 PM
صحت السنتكم

وحنا معكم ماسكين الصف
ابن مسلم
04-12-2007, 04:22 PM
ناصر هلا ومرحبا ويشرفني اللعب معك والله يعينك علي الليله تراني مريض والله اني تنفضني الحمى من البارح





البقاء ياعميلي ماروين الصفوف= ارفع الصوت لين تصحِي رقودها
فارسٍ لوتعزوى مايسل السيوف= ضربته فالعدى ماتوجع إلكبودها
ابن مسلم
04-12-2007, 04:35 PM
ابوعبدالرحمن مساك الله بالخير
والحمدلله على السلامه

وعان البليه هاذي عندك الرد الاول إحذفه خطاء

والجهاز الليله علومه مصلحه غرقان من المطر
وراعيه وجعان
ابن مسلم
04-12-2007, 04:38 PM
ابن هنيدس

حيام الله والشر مايجيك إن شاء الله انت والمشاهدين

لاكن والله إني صادق
ابن مسلم
04-12-2007, 04:41 PM
الدماسي حياك الله
الطوفان
04-12-2007, 05:33 PM
سلامات يابوضيف الله وماتشوف شر اجر وعافيه

وعانا حذفناها


تحياتي
ابن مسلم
04-12-2007, 07:46 PM
سلامات يابوضيف الله وماتشوف شر اجر وعافيه

وعانا حذفناها


تحياتي


ابوعبدالرحمن

الله يسلمك ويجزاك خير

والمومن مبتلى ومايجيه إن شاء الله تكفير ذنوب

<<<< ( كني داري ويش تاتقول _ جايز لك وجعي لاكن الوعد قدام )

هههههههههههههههههههههههههه
ناصر بن سعدي
04-12-2007, 10:28 PM
ماشر ...يالغالي...ولو دريت إنك ما أنت بنشيط صبرت لين تحسن ..

لكن زال تقدر...ماعلاك خلاف ..:)



يابن مسلم ليا جارت عليك الظروف=تطمس الجره اللي كثروا شهودها
وش سبب ماحصل لك يوم شفت الهنوف=عقب شفت المخايل ترزم رعودها
ناصر بن سعدي
04-12-2007, 10:31 PM
مشرفنا القدير

الطوفان...

صح بدنك....وشاكر لك حضورك الرائع...

ووجودك مكسب لاعدمتك:)

وحياك...والصف الصف :)
ناصر بن سعدي
04-12-2007, 10:33 PM
الغالي

ابن هنيدس

صح بدنك...


وسعيدين بوجودك...

ونورت المحاوره ..:)
ناصر بن سعدي
04-12-2007, 10:35 PM
الغالي

الدماسي2007

صح بدنك...

وحضورك مكسب لنا ...

والصف عندك...:)

لاعدمتك...!
ابن مسلم
04-13-2007, 11:08 AM
ناصر مساك الله بالخير والله يعين علاكم بخير



مانكرت الجميل ولاجحدت معروف= أحفظ الطيبه للناس وأزودها
مثل شيٍ حصل لك وانت رجل ٍعروف= خلها في الخفاء لاتبيح إسدودها
حنين الماضي
04-13-2007, 12:42 PM
يا سلام عليكم

لا هنتم

مبدعين

لله دركما

متابعه منذو البدايه ولكن بصمت

مدري مين أشجع

بشجع إثنينكم

تحياتي إلكم
ابن مسلم
04-13-2007, 04:36 PM
يا سلام عليكم

لا هنتم

مبدعين

لله دركما

متابعه منذو البدايه ولكن بصمت

مدري مين أشجع

بشجع إثنينكم

تحياتي إلكم



مشرفتنا الغاليه

حياكِ الله

وشكرا لك
وتواجدك يكفي
شاعر روق
04-13-2007, 05:36 PM
ابن سعدي
صح لسانك مدد
ابن مسلم
صح لسانك لين ترضى
والصف مايباله تفكير معك
وعاني جايب لي 25 رجال في صفك
بس احتزم وعلاك بالمدير
وتراني مااحب مداراة المدراء:)


تقديري
ابن مسلم
04-13-2007, 05:58 PM
ابن سعدي
صح لسانك مدد
ابن مسلم
صح لسانك لين ترضى
والصف مايباله تفكير معك
وعني جايب لي 25 رجال في صفك
بس احتزم وعلاك بالمدير
وتراني مااحب مداراة المدراء:)


تقديري



ابوسعود

هلا ومرحبا
يالله حيه وحي ماجاب معه

وابن سعدي ازهله والله انه هالايام عنيف
لاكن الله يعين علاه

والمدراء والضباط والله اني مادنيهم بالحيل
حتى لو ولدي
ههههههههههههههههه
ناصر بن سعدي
04-14-2007, 09:58 AM
الله يسعد لي مساك يابن مسلم...والمعذره على التأخير ..



ماتصيد الشكوك إلا العباد الضعوف=وأنت نعم الفتى لإن ثار بارودها
لو تحط النقط ياذيب فوق الحروف=لأجل كلٍ يشوف الأرض وحدودها
ناصر بن سعدي
04-14-2007, 10:02 AM
مشرفتنا الغاليه


حنين الماضي...


سعيد بمتابعتك...وتشجيعك..


وتقبلي تحياتي ..
ناصر بن سعدي
04-14-2007, 10:12 AM
الغالي


شاعر روق..

صح بدنك...

ورغم إنك هجومي ...وشكلك..حاقد على المدراء..:)

لكن حياكم...القهوه والعود الأزرق...والشحم اللي تستاهلونه:)<<يضبط الأخلاق ..


:)
ابن مسلم
04-14-2007, 08:46 PM
ابوسعدي الله يطول لي عمرك والمعذره على التاخير

واستلم


كلبونا عيال العود لبعض(ن) نروف= مار ميز مابين البيض من سودها

والاوادم رضاها صعب مهما تحوف = ترضي ذيابها تزعل لك إفهودها
ناصر بن سعدي
04-14-2007, 09:38 PM
الله يسعد جميع أوقاتك بكل خير ...



ناظروك الجلوس وناظروك الوقوف=وأنت تعرف صدور البير وورودها
يوم تاصف لنا والوصف غير الوصوف=مانبا هرجةٍ مانرتجي فودها
ابن مسلم
04-14-2007, 10:25 PM
الله الله الله



أنت فوق المطيه معتلي (ن) للردوف= لاتناظر للناسٍ تحت عجرودها

ولاتصفق على قرع التنك والدفوف= بندقٍ ماتصيب يروع بارودها
ناصر بن سعدي
04-14-2007, 11:39 PM
خلوها ..:)


لو تجاوز مع الأطراف ولا..تطوف=طالت السالفه لو تقرب حيودها
وش يجيب المدينه عند حيد الهفوف=زدت عقد العقد يامحلل عقودها
ابن مسلم
04-15-2007, 03:21 AM
الله الله الله


طقطقي يابساتم وأصقعي يالبلوف= مالعب في مكينتها سوى هنودها
عودت للشباري عقب ضرب الكفوف= بين ريس سريتنا مع جنودها
ناصر بن سعدي
04-15-2007, 10:31 AM
شاعرنا القدير ..


تشرفت ...بالمحاوره معك..

صح لسانك....وبيض الله وجهك..


وإستفدت منك ..وتقبل تحياتي ..
ابن مسلم
04-15-2007, 11:43 AM
الغالي

ابوسعدي

صح بدنك وبيض الله وجهك


وصدقني انا الذي استفدت منك الشيء الكثير واسف إذا كاان اني تجاوزت المسموح به ولاكن لثقتي التامه بان صدرك رحب

وشكراًلك
كما لايفوتني ان اشكر جميع من شارك معنا من الاخوه
ناصر بن سعدي
04-15-2007, 11:57 AM
الغالي


ابن مسلم ,,


ووجهك أبيض ...



وافي وعلومك غانمه ..وتقبل خالص تحياتي ...



والشكر لكل من مر...وشرفنا بمروره ..


ولاهنتوا....ودمتم بخير ..