ديوان الشاعر/ حبيّب العازمي ..حـصريا علي منتديات عتـيبة

[رائـــد العتيبي]

حبيّب بن دغيّم بن حبيّب العازمي العتيبي
شاعر نظم ومحاورة. يعجز لسان عن وصفة


هذاا ديوان لبعض قصايدة


وهي على النحو التالي

قصائد غزلية, و قصائد الحكمة, و قصائد متميّزة من ابتكاره , وقصائد وطنية

الــقصائـــد الــــغــــزلـــية

°ˆ~*¤®§(*§ ياطير السعد §*)§®¤*~ˆ°


ياطير يا طير ياطير السعد يا للـي تـرف الجنـاح
لا واهنيـك ليـا ضاقـت عليـك الأرض خليتـهـا

وإن رحت وإن جيت ياطير السعد تسبق هبوب الرياح
وأظن ما فيه ديره فـوق وجـه الأرض مـا جيتهـا

ما نته بمثلي تجي وتروح ما يصعب عليـك المـراح
لكـن ياليـت جنحانـك معـي ياطـيـر ياليتـهـا

كله على شان ازور اللي رمانـي بالعنـا واستـراح
اللـي علـى شانهـا الاقـدام عنتـنـي وعنيتـهـا

في ماض الأيام أشوفه قدم عينـي فالمسـا والصبـاح
واليوم حتى العلوم اللي تجينـي عنـه مـا أوحيتهـا

وليا نشدت العرب ما حدن يعلمنـي عنـه ويـن راح
وأتعبـت نفسـي وبالنشـدة كثيـر النـاس بذيتهـا

لا ووجودي على شوفك ولو مره يـا ظبـي البـراح
ياللي علـى شانـك العبـره علـى الخديـن هليتهـا

يا بو عيونٍ هدبهـا يـزرق العشـاق زرق الرمـاح
ذبحت روحي على كفـك برمـش العيـن واحييتهـا



°ˆ~*¤®§(*§ العالم المجهول §*)§®¤*~ˆ°


الايالعالـم المجهـول حدثنـي عـن المجهـول
انا احس الحياه اسـرار والعالـم تعيـش ابهـا

انا اكتب فيك شعري واتسـأل وانتـه المسئـول
عـن الفكـره وشاعرهـا وقاريهـا وكاتبـهـا

تعبت اطرح سوالاتي وافكـر مالقيـت احلـول
ماغير اطرح سوالاتي علـى نفسـي واجاوبهـا

لياقلت الخيال احلـى يامـر الواقـع المعقـول
اصدق نظرتي وارجـع الـي الواقـع واكذبهـا

تضاريس الحياه ارمال واجبال اووعر واسهـول
سرحت ابها بامان وخفت يوم اني سريـت ابهـا

مشيت امع الطريق اللى يبذ الرجل عرض وطول
طريقً شـاب راسـي منـه وامثالـي مشيبهـا

طريقً فيه عز النفـس يشهـر سيفـه المسلـول
وقال النفس ترضـى الـذل ماتـدرك مطالبهـا

ليامنك بغيـت العـز قـل للشامـخ الغرمـول
انا شم الجبال اللي علـى متنـك رقيـت ابهـا

وانا شاعر مشاعر والمشاعـر ماعليهـا اقفـول
ليافاضـت تسابـق ساعـة الوقـت وعقاربهـا

تمر اثقل من اللحظه على اللي ينتظـر مرسـول
لكن اسبق مـن العبـرات يـوم انـك تحسبهـا

وقلت ارجوك يكفي لاتزيد الشرح شرح ايطـول
انا كل الامور اللـي تشيـر الهـا مجـر ابهـا

انا سباح بحرٍ فيـه مـن هـول القيامـه هـول
سلاطيـن المعانـي فيـه مرسـيـةً مراكبـهـا

بحر في عمقه الاهوال والفاعـل مـن المفعـول
لياحصلت سلامه منه حض اللـي يفـوز ابهـا

بحر في عمقه اللؤلؤ على كف الصدف محمـول
تجارة رابحـه فالبحـر جابتنـي وجيـت ابهـا

سنين اجمع من اللؤلؤ واعد الحول بعـد الحـول
وصفيتـه علـى يمنـاً بدهـن العـود اطيبهـا

ونظمته عقد فـي جيـداً وراه يسبـح المجـدول
وقدمـه مزنـةً غـرا وبـرقً فـي جوانبـهـا

وفوقه بادياً مبـدا القمـر مبـداً عليـه ايحـول
شعاع الشمس في يوم امس لحظه قبـل مغربهـا

هذا وصفً تحلابـه عشيقـة عاشـقً مذهـول
يعيش ابحبهـا وايهيـم فـالارض ويهيـم ابهـا

يجاذبني هواها وايتجاذبهـا شـرف واووصـول
شريفـه فـي مذاهبهـا عريبـه فـي مناسبهـا

تسال العالم المجهول مثلـي والجـواب ايقـول
لياجاوبتـك اول شــي بامكـانـك تجاوبـهـا

وانا اقول الله الباقي وغيره كـل شـي ايـزول
هذا سلم الحياه اللي يعيـش ابهـا يمـوت ابهـا


°ˆ~*¤®§(*§ لاتحدّاني §*)§®¤*~ˆ°


جيتك مسلّـم مسـا لـم لاتحدانـي
أقول لك كلمة ماهـي علـى بالـك
أقول الأول تراه أنته وأنـا الثانـي
في سيرة الحب أوقع لك على ذلـك
ياصادق الود ليه أعلنـت هجرانـي
أن كان من جـد فـال الله ولافالـك
ماني مصدق ولو أتغيـب تنسانـي
وإذا تناسيت تأثيـرك علـى حالـك
صحيح أبا اعيش في لوعه وحرماني
لكن أبا أصبر ولجمع صبري ألا لك
أنا عطيتك عهد والصبـر برهانـي
وأن كان فكرت أبا أنساك إتهيالـك
وأنا مفوضـك تأمرنـي وتنهانـي
عيوني لخاطرك والقلـب منزالـك


°ˆ~*¤®§(*§ الهنوف §*)§®¤*~ˆ°

الهنوف اللي ملامحهـا تشـد الناظريـن
قابلتني كيـف مـدري كيـف اناقابلتهـا

المهم اني وقفت وكـان عنـدي كلمتيـن
قلـت وحـده مرتبـك والثانيـه ماقلتهـا

قلت كلمة من خايف كنت اباكمـل منيـن
مير ياحسـرة لضيـق الوقـت ماكملتهـا

كل مافالامر نظرة ساحرة من طرف عين
ارسلتهـا لـي وانـا رد اعتبارارسلتهـا

قلت اباكتب قصتي فـي جملة"للعاشقيـن
ماطلعـت بجملـة" تكفـي اذا حللتـهـا

واختصرت الامر صبرا" يامعين الصابرين
واعرف اني معك ياقلبـي نعـم طوللتهـا

والغلا ياقلـب تذكـر وقتهـا وداك ويـن
لو معك حيلة قبل تضحك علـي احتلتهـا

يامعاتبني معذبني علـى طـول السنيـن
رحلتي من حيـث ماوديتنـي واصلتهـا


°ˆ~*¤®§(*§ حسبي الله ونعم الوكيل §*)§®¤*~ˆ°

بعد ثالث ثلاثه حـل والوقـت ليـل
كل عين" من العبـرة سقـت خدهـا

ارتعـش واتثبـت والعبايـر تسيـل
لقـدر اقـول ليـه ولقـدر اردهـا

واقف" وقفت المحتـار وقت"طويـل
انظـر لواقعـي بالعيـن واصدهـا

مقدر اهرب من الواقع على المستحيل
تقصر الرجل خطـوه قبـل لامدهـا

بين حزن الوداع وبين هـم الرحيـل
كـل لحظـه تمـر بهـم واعدهـا

حسبي الله على الفرقا ونعم الوكيـل
هددتني وانا مجـروح مـن ضدهـا

اشهد الجدي في مبداه واشهد سهيـل
قصتـي تبنـي الاهـرام واتهدهـا

ماشفالي جـروح ولابردلـي غليـل
صادت الروح روحا" بيحـت سدهـا

كلما قلت شده قلـت يمكـن تزيـل
وكل ماقلـت راحـة قلـت لابدهـا

شرهت القلب عدل ونظرة العين ميل
اقنع النفـس ميـر النفـس ماودهـا

المشاعر لها بيـن الحنايـا صهيـل
والخواطر تحـز النفـس واتحدهـا

اكتب الشعر من دمي ودمـي ثقيـل
كـل ماجيـت امـد القافيـه شدهـا

اقربي يالقوافي واشربـي سلسبيـل
من نهورا" يذوب الذوب مـع ندهـا

وذعني للحقيقه واشربـي حنظليـل
من بحورا" يساقـي جزرهـا مدهـا

مايشـح الكريـم ولايجـود البخيـل
كـل نفـس" طبيعتهـا علـى قدهـا


°ˆ~*¤®§(*§ خواطر ليل §*)§®¤*~ˆ°

خواطر ليل نكتبها تحت نـور القمـر ولاّ
تحت جنح الظلام اللي حجب نور القمر عنا

خواطر ليل وش هاالليل لابقّـى ولا خـلا
يدبر مايحـب ومايريـد ولا اعتـذر منـا

ونحن معشر العشـاق لونضحـك ونتسـلا
مجاريح الغرام وعاشقين الليـل ابـد حنـا

نهلي به لكـن يـروح لارحـب ولاهـلا
بعكس اللي نقابـل بـه اذا قابـل يقابلنـا

مشاعرنا تفيض بالسعـادة والفـرح كـلا
تعاملنـا بصـدق ولا لقينـا مـن يعاملنـا

وهذا طبعنا مهما حصل بالصبـر نتحـلا
الا ياكثـر مانسـمـع ولـكـن تحملـنـا

ولو انـا تغلينـا مصيـر العشـاق يتغـلا
علينا ثم يحطمنا من ايسرنـا الـى ايمنـا

درينا كم غلا عشق طغى وعن سكته ضلا
تذكـر يـا ناسينـا وتعرفنـا ماتجهلـنـا

ليا منك ذكرت اللي بقى واللـي بعـد ولا
عرفت انك بدون احساس ماتقدر توادعنـا


°ˆ~*¤®§(*§ استفزك §*)§®¤*~ˆ°

قال الوداع وقلت وين انت ماشي
قال استفزك قلت طلعت روحـي

قال امتأكد قلت رغـم اندهاشـي
ارجوك قدّر موقفـي لاتروحـي

قال استريح ومن عظيم ارتباشـي
اضحك فرح وانا دموعي تفوحي

قال انت تضحك ليه والدمع جاشي
مدري كلامك جـد والا مزوحـي

قلت انتفاهم قـال ليـه النقاشـي
اسمح لقلبي بالصراحـه يبوحـي

هذا صحيح الحـب والا بلاشـي
ياحبـي الاول وبلسـم جروحـي

ياغيث قلبي من صدوق المناشـي
يفداك برق" في جبينـي يلوحـي

رمش" لك الحاف"ورمش"افراشـي
يامنتهى عزّي وغايـة طموحـي


°ˆ~*¤®§(*§ بالخط العريض §*)§®¤*~ˆ°

عطيتك غالي الاسرار يا اغلى من يجئ ويروح
وابي منك التجاوب والصراحه ماحصـل ذلـك


كتبت السر بالخط العريض وقلت انا مجـروح
وكنك ماقريت ولا خطـر علمـي علـى بالـك


ابيك تخفف الاهات وتعالـج جـروح الـروح
وتروف بحال من يدري قبل حاله علـى حالـك


قبل تدري عن القصه ترى عنك الخطاء مطروح
وعقب انك دريت اليوم سو اللـي يـورى لـك


انا حظي كذا وانته عن اللـي تعملـه مسمـوح
ولكـن انـك تاكـد ماعطيـت النيـه الا لـك


ولن فكرت او قررت كل اللي يصيـر مـزوح
انا اقول الك جـد وجـد والعكـس يتهيـا لـك


اباكد لك وتكـد لـك عيـون بالدمـوح تفـوح
وفكر حافظ صورتـك فـي حلـك وترحالـك


وقلب كن في جوفه صدى صوت الحمام ينـوح
طلع مضرب مثل تضرب به الامثـال لامثالـك


دخلت القلب وحدك باعتبـاره منـزل مفتوحـع
سى الله مايكدر نزلتـك فـي وسـط منزالـك


ولن بشرتني بمواجهك عشـت بسعـد وفـروح
ولـن بشرتنـي بفـراق فـال الله ولا فـالـك



°ˆ~*¤®§(*§ صدى صوت الغرام §*)§®¤*~ˆ°


ياصدى صوت الغرام وترانيمـه
يامراويس الغلا اللي بـرا حالـي

الغلا اللي في ضميري تقاسيمـه
تمضي الايـام والغالـي الغالـي

من بدايةوجد وافي علـى شيمـه
اتوجد مثل الاول علـى التالـي

والمحبـه حاليـه مالهـا قيـمـه
مرها يحفظ لهـا قيمـة الحالـي

مايهز القلـب ويزيـد تحطيمـه
غير يومُ فيـه فرقـا وغربالـي

كـل طقـه فالمحبـه بتعليـمـه
تفرض الصادق على كل محتالي

ياحبيبـي حبـك اقـرا مفاهيمـه
كل مايطري فراقك علـى بالـي

ارتعش من قد حبـك وتعظيمـه
واعترفلك كـل شـي ايتهيالـي

وان حصل من نظرة العين تسليمه
صرت مثل الشامخ النايف العالي

ياسنـا بـرق الحيـا يامقاديمـه
غيث قلبي كل مايشعـل اشعالـي



°ˆ~*¤®§(*§ على فكرة §*)§®¤*~ˆ°
على فكره تراني كنت ماشي من قبل لاجيك
ولاكن افتكرت اني لابد اقول لـك ماشـي

تباتزعل وانا ماعاد ابي شيئا" بقي يرضيك
والايانايرا" عني ترانـي عنـك منحاشـي

مدام اني على طول الليال الماضيه مغليـك
وترخصني انا مجبور ابيعك لـو ببلاشـي

اباامسح ذكرياتك من خيالي وافتقد طاريـك
على وضح النقا ماني مثل شرواك غشاشي

هذاه اخر قرار وكان يامغـرور مايكفيـك
مابي فرقاك بالتقصيد ابي فرقاك بالكاشـي

انامبغيـك انامبغيـك انامبغيـك انامبغيـك
وراس" ينحني للمهزله لاعـاش لاعاشـي

على فكره تاكد مستحيل انـي افكـر فيـك
انا مانيب لاش ومن رجع في كلمته لاشـي

جزا"الك لارضا"لك ودي اعذبك واجازيـك
وهاذي عاقبت من يسمع النمه من الواشـي



°ˆ~*¤®§(*§ برق السراب ولابريـق المرايـه §*)§®¤*~ˆ°

احلم ترى ماصـار فيـه الكفايـه
العفو عند المقـدرة وانـت قـادر


ان كان لك رغبة ومقصد وغايـه
حققتهـا لكـن بالعـفـو بــادر


من البدايـة ليـن حتـى النهايـه
وافي معك ماكنت في يوم غـادر


والعكس بالهجران تحسن جزايـه
ومجندٍ لك فـي حياتـي كـوادر


يامنتهـى درب الشقـا ياشقايـه
انته من انواع الشقا نـوع نـادر


اكسب رضا نفسك وترهن رضايه
مدري متى عنك التكبـر يغـادر


مدري خطاك الصبر ولا خطايـه
نبا نتأكد مـن جميـع المصـادر


وان كان سميت النهاية....بدايـه
يحسب غريق اللي مع السيل حادر


مايرتفـع للعز..بالـذل رايــه
يـاواردٍ للعـد صاحبـك صـادر


برق السراب ولابريـق المرايـه
ارحل وجعلـك بعدنـا ماتكـادر


°ˆ~*¤®§(*§الناتج تونتي 20 §*)§®¤*~ˆ°

ياغـلا كـل الغـلا تستاهلينـه
كيف أفرط في الغلا والغالي أنتي

أشهد أني في غلاك أول رهينـه
واشهدإنك وحدك بقلبي سكنتـي

يمكن أكثر شئ عنـي تعرفينـه
أني أعرف موقفك من حيث كنتي

والصحيح الاكثر اللي تجهلينـه
ولوعرفتي كامل الموضوع منتي

قـادره كـل الكـلام تصدقينـه
والسبايب يوم بالامر استنهنتـي

مير قلبي مخلـص الله لا يهينـه
ما حسبها شرط والناتج تونتـي

قلبي اللـي كـل يـوم تعذبينـه
ماكتفيتي يوم بالغيـر استعنتـي

يكفي إنـك بالمحاسـن تفتنينـه
ويكفي إنك غير قلبي ما فتنتـي

ويكفي إنك ما قدرتي ترحمينـه
ويكفي إنك بالعهد والوعد خنتـي

°ˆ~*¤®§(*§ بنت ابدوية §*)§®¤*~ˆ°


ودعيني بالسـلام ورحمـة الله وابركاتـه
واذكريني كل ماتطري على البال التحيـه


واتركيني للحنين اللى شعوري معجزاتـه
اتركينـي بالجـروح الابجديـه يابجديـه


اتركيني عاشق"يكتـب بدمعـه ذكرياتـه
من شعورٍ صادقه ماهيب نبـره عاطفيـه


عاشقٍ مخلص ولاخان العهد من طيب ذاته
كل يوم ايقول تجديد العهـد حـق ٍعليـه


كان ابه عاشق تأثرت وتفاخرت بصفاتـه
قيس منهو قيس وينه قيس وين العامريـه


ماصفى وقت الهوا لاهل الهواوده وهاتـه
قالو العشاق سنه واكثره ذنـب وخطيـه


اشهدو بالله مايرخص على الدنيـا حياتـه
كود رجال ابدوي مثلي عشق بنت ابدويه

°ˆ~*¤®§(*§ بدون مجاملة§*)§®¤*~ˆ°

يالغالي اللي عليك الشـوق يدفعنـي"
"ياكبر شوقي وروحي منك ملهوفـه

تبي الصراحه بدون أمجامله يعنـي"
"مشاعري منك مجروحه ومكسوفـه

انته يحق ألك تطعنـي وتوجعنـي"
"لاكن أنا من غلب حبه على خوفـه

وأناترى اللي على حبـك يشجعنـي"
"وقتِ مضى في خيالي دايم أشوفـه

أراجع الحب والذكـرى تراجعنـي"
"وأقرأ سجّل الغـلا وقبّـل حروفـه

أستقبل الطيف والـرؤي توادعنـي"
"تلحق على الركب في مسراه وطوفه

وأخاطب الصبر بالحسناويخدعنـي"
"وأقول ليته قضى وأشوف معروفـه

الصبـر ياغايتـي ماعـاد ينفعنـي"
"عقب أصبحت لحيتي ماهيب مخلوفه

وش ينفع الصبر كان الوقت ضيعني"
"وأخطيت من يطعن الخفاق بسيوفـه

°ˆ~*¤®§(*§المزنـــة §*)§®¤*~ˆ°

المزنه اللي وجهها أبيض من الشاش"
"والبرق فيها من جميـع النواحـي

لوماسقا الظميان من وبلها أرشـاش"
"لاشاف بارقها العطش عنه راحـي

الله يجنبها عـن الخبـل و الـلأش"
"ياكود شوفت برقهـا يـوم لاحـي

والشوف بالعينين مسموح وبـلاش"
"والمشي جايز فالطريـق المباحـي

واللي يطمن هامةالـراس ماعـاش"
"وأن عاش حبراً فوق قرطاس ماحي

ما أحدٍ يقول لموفي الكيل غشـاش"
"وماأحداً يقول ألفاقدالعقـل صاحـي

وأنا الذي من دوش الأيـام منـداش"
"أبستريح وخاطري مـا أستراحـي

كيف أستريح وعبرتي تحرق الجاش"
"والصبـر مـا باقيلـه الأ جناحـي

أيوالله اني ماتوّجـد علـى مـاش"
"وجدّي زعيم الوجد والسـد باحـي

سبحت غبات البحروالبحر طـاش"
"وشفت الصعوبه فالمجّي والمراحي

ولقيت لي درة بحـر دوب تنـاش"
"كم واحداً من دونهـا قـام طاحـي

وأناماألوم اللي عن البحر ينحـاش"
"وألوم من مايعـرف أنـه ملاحـي

والدره اللي مثلها بيـن الأرمـاش"
"من قال عنها قلـت عنهـا يلاحـي

روحي ثمنها وأدفعه فالطلب كـاش"
"وأن مـت منهاماطلبـت السماحـي



°ˆ~*¤®§(*§ سلام الموادع §*)§®¤*~ˆ°

سلّم سـلام المـوادع رافـعٍ كفـه
واغضى بنجلٍ تقول النوم داخلهـا

وأنا عيوني تهل الدمـع.. وتكفـه
أكف دمعـي بكفينـي وأنـا ملهـا

كله على شان ما أشوش على شفـه
أخشى يشاهد دموعـي ويتخيلهـا

غالي وابغليه واقف معه في صفـه
وأطاوعه لو أضيم النفس وازعلهـا

يا روح روحي وروح الستر والعفه
اركن عليّـه همومـك واتحملهـا

مالي وليفٍ عليـه الـروح ملتفـه
إلا أنت ياللي عليك الروح باذلهـا

وان كان في صالحك ما ترجح الكفه
وش خانة الحب والعشره من أولها

شبيت ضوك وأنا ما قلت لك طفـه
أصبر ولا أقول طف النار وأشعلها


°ˆ~*¤®§(*§ الساحل الغربي §*)§®¤*~ˆ°

مرت الايام يالساحل الغربـي
مانسيت الذكريات وطرايفهـا

الله اكبر كيف الايام تغدربـي
واتجاهل كل وقفه واصرفهـا

ماهتنا زادي ولايهتني شربـي
ولااعترف بالاغلبيه ولااعرفها

والعيون اللي خجوله تناظربي
والمنايا كلهـا فـي طوارفهـا

في بحر جده من العام تبحربي
واتراجع وادفعتنـي مجادفهـا

ياحبيبي كان قصدك تعذربـي
انت فيك الناس كثرة سوالفهـا

لاتقفلي وقفة الحزن في دربي
استريح وحضرتـك لاتكلفهـا

تعبت اقدامي من البعد والقربي
ولامشيت بخطـوةٍ ماتشرفـه


°ˆ~*¤®§(*§ خل الغلا يذهب §*)§®¤*~ˆ°


خل الغلا يذهـب وتذهـب بقايـاه
علـى حطـام الذكريـات القديمـه
ماعـاد يعنينـي ولا نيـب ويـاه
عفيّت عنه وعفّـة النفـس شيمـه
عشق الترف مهمـا تعـدد مزايـاه
في قائمة بعـض الروابـع عقيمـه
مثل السراب ادناه يطرد ورى اقصاه
ونهايتـه كلـه يـذب الخريـمـه
لايسقي الضامي ولا يختفـي مـاه
الا ليـا مـره مـن الغيـم غيمـه
ياقلـب لاتنـدم علـى ماتمـنـاه
بعض الندم على حسابـك جريمـه
كم مر من هـمٍ علـى الله مشكـاه
لكن مايبني علـى الصبـر خيمـه
ياقلب من دور علـى شـي يلقـاه
واللي بلا قيمـه لا تعطيـه قيمـه
ليا متى المخطـي تحمـل خطايـاه
و ليا متي وانتـه عذابـك ظليمـه
كان الغلا يقتـل وينعـى ضحايـاه
اكيـد ماينعـى ضحايـا النميمـه
والحـب يلقالـه محبيـن تـرثـاه
وانـا رثيتـك يالدمـوع اليتيـمـه
ونهايـة الغـدار تكشـف نوايـاه
ولا تجيـب لـه العواقـب سليمـه

يـــتــــــبـــع

[رائـــد العتيبي]

قصائـــد الــحـكــمــةˆ~*¤®§(*§ الصمت حكمة §*)§®¤*~ˆ°

الصمت حكمه وأكثرالصمـت تحطيـم"
"للمعنـويـه عـنـد راع الـمــوده

أليا صبر صبـراً تعـداء عـن التيـم"
"جـر الونيـن وبيّـح القلـب ســده

يقولـه اللـي راضــيٍٍ بالمقاسـيـم"
"اللي نصيبـه فالهـوى صـار ضـده

ياماصبـرت وزاد صبـري وأناهيـم"
"في حب حـيٍ وصـل الصبـر حـده

صبر ورجا ليـن أغتـرن المجاهيـم"
"علـى أختـلاف اليـوم بكـره لابـده

الى متـى ؟ياشاكـي الهـم والضيـم"
"تشكي على اللي عبرتـه فـوق خـده

والى متى وأنته على السيـن والجيـم"
"وعـد وبـعـد ياتـأخـذه يـاتـرده

والى متى والوصل صـوت وترانيـم"
"حلـمٍ مابيـن أثنيـن مزحـه وجـده

والى متى تشكي مهـا غيّـرت الريـم"
"وتشكـي جــروحٍ فالحشامستـبـده

والى متى يحجب شعـاع الضحاالغيـم"
"وموج البحرفي حـال جـزره ومـده

والـى متى؟والوقـت رحـال ومقيـم"
"واللى متـى ؟غربـه وكربـه وشـده

أسـأل وأجـاوب والهمـوم المراكيـم"
"تجرح شعور النّـد فـي وجـه نـده

يامعشـر العشـاق نصـر المظاليـم"
"مطلوب منك أن كـان حظرتـك قـده

ولـولا التخالـف فالنظـر والمفاهيـم"
"ماتـت خلايـا المـخ فـوق المخـده

وزرع الهوى زرع أعفّري في رجاالديم"
"وأن ماسـقـاه الـديـم لا لا تـعـده

ˆ~*¤®§(*§ مهما يجيك من الردى§*)§®¤*~ˆ°

مهما يجيك أمن الـردى مـن رفيقـك"
"حاول تغاضى والردى لايجـي منـك

ترى رفيقك لـو وقـف فـي طريقـك"
"مثل الرصيد أن زاد وأن قّـل بالبنـك

وأعرف عدوك قبل تعـرف صديقـك"
"ومن مايحس أبضيقتك مـادرى عنـك

ولاتيّدالمخطـي لـو أنــه شقيـقـك"
"وش عذرك من اللي على أيسرك ويمنك



ˆ~*¤®§(*§ كانوا يشترون النصايح §*)§®¤*~ˆ°

لولا الخطا محدن عرف قيمة الصح
ولولا الصحيح يصح جات الفضايح

شي طبيعي يوم ننصـح وننْصـح
الناس كانـو يشتـرون النصايـح

ياجاهلٍ في الوقت تسرح وتمـرح
ترى الحياه الهـا نظـام ولوايـح

وأن كان ماتبغى كلامـي هـذا رح
واشره على اللي قال وين أنت رايح

ˆ~*¤®§(*§ لو تمشي العرج§*)§®¤*~ˆ°

ياهل الهروج العرج لو تمشي العـرج
خطوه وراء عـن خطـوةً للأمامـي

الصمت في بعض المجالس عن الهرج
يسوى مائة كلمه من أغلـى الكلامـي

ولو كل تاجر في البشر يفتح الـدرج
ما صـار للتجـار غيـر الاسامـي

وراع الحصان اللي يعنّه بـلا سـرج
لو يشعـل النيـران بـرد وسلامـي


ˆ~*¤®§(*§ التجارب راس مال §*)§®¤*~ˆ°


التجارب راس مـال المجـرب يامعيـض
ان سألت اسأل مجرب ولا تسـأل طبيـب
مايرى الصحة على اللي صحيح الا المريض
والصحيح يقول للي مريض: (أبشر تطيب)
والمريض اللي دموعه من اسقامـه تفيـض
مايهمه حـال غيـره عـدو والا صحيـب
والقناعـة كنـز والعلـم بحـرٍ مايغيـض
والجهل يفرض على الرجل يخطي مايصيب
والمراجل صيد..والصيد حظـك ياحظيـظ
يالله اجعل لي مع اهل الوفا حـظ ونصيـب
والحيـاة احـلام ليـلٍ مثـل زرع المقيـظ
لاغريب يعيش فيهـا مـن العالـم غريـب
والليال السود فيهـا ثـلاث اليـال بيـض
لاتـروح بعيـد يالمنتظـر خلـك قريـب
الشقا دربه طويلٍ على العابـر... عريـض
وين تلقى صبـحٍ ابلـج وشمـسٍ ماتغيـب
انت مهما اسرعت في الوقت لابدك تريـض
اي نعم..لابد لك لـو بعـد راسـك يشيـب
لاتراقب نجمةٍ فـي سمـاك الهـا وميـض
انت قصدك ظن والظن (فيمـا لا) يخيـب



ˆ~*¤®§(*§ الخنجر §*)§®¤*~ˆ°


الخنجر اللي في يدي وبكل اسف تطعن يـدي
لابـارك الله فـي صناعتـهـا ولاصناعـهـا

ماجابها غير النصيب الشين والحـض الـردي
واللـي عليـه سلهـا واللـي عليـه باعـهـا

مافيهم اللـي حاضـرٍ قبلـي بلاشـك ابعـدي
ماحضروا الا الدبدبه بعـد استـوى مرباعهـا

ياللي تشوف سهيل نصف الليل واتشوف الجدي
عدالنجـوم الساريـه بشكالـهـا وانواعـهـا

واخذالحذرمن صاحبـك قبـل العدوالمعتـدي
كـم فزعـةٍ ترجـع نتايجهـا علـى فزاعهـا

والياقريت الجمله اللي ناقصه حـرف ابجـدي
لاتعرب المضمون واظروف الثقافـه راعهـا

من لايعرف الدرب سابق عرف مضمون ايغدي
مثـل السفينـه فالبحربعـد يطيـح اشراعهـا

ياللـي مـاودك تقتـدي ماهمنـا لاتقـتـدي
حنـا نعـرف ادروبنـا واديارنـا واسباعهـا

ان رحت عناتقصر الخطوه ولن جيت اتعـدي
والياهرجت الناس عن هرجك تصك اسماعهـا

اخذالنصيحه يا اجودي وان كان منته بااجودي
انصافهـا بانصافهـا وارباعهـا بارباعـهـا

والي اللقاْ على الشقا دام الشقـا حبلـه مـدي
سود الليال اتطوع اللي كـم سهـر ماطاعهـا

ˆ~*¤®§(*§ الوجود §*)§®¤*~ˆ°

الوجود اللي وجـوده مـن غيابـه
والغياب اللي غيابـه مـن وجـوده

بينهـن فـارق وفالمعنـى تشابـه
مثل مضمون الحـراره والبـروده

ياخيالٍ ضوح برقـه فـي سحابـه
مـادرج سيلـه ولاتسمـع رعـوده

لاغريـب ولاعجيـب ولاغرابـه
فالخيال اللي مـن الواقـع شهـوده

ان هجرت الصمت جيت اطق بابه
وان بغيت الصمت ماسكن في حدوده

مابقي فالوقت شي احسـب حسابـه
استوى فاللـي بقـي نقصـه وزوده

انقلع ضـرس البعيروطـاح نابـه
والغشيـم اللـي يسوقـه مايقـوده

واستوى المسحوب غنـي ياربابـه
المحب امن الهوى يصفـق خـدوده

كان منت ابذئـب تاكلـك الذيابـه
قالهـا اللـي قالهـا ياسعيـدجـوده

واعـذاب اللـي يفكـر واعـذابـه
فالزمـان اللـي يوقفلـه جـنـوده

كل يوم ايقص الاطول مـن ثيابـه
لوتعـزوى بالثلاثـه مـن جـدوده

مابقـي للصبـر قـدر ولاماهابـه
والتسامـح مـن يمـره مايـعـوده

والحيا يفرض على الطيـب رقابـه
والردي قـل الحيـا يطلـق قيـوده

والشجيـع الياغضـب يفقدصوابـه
والكريـم ايجودمايعلـن بـجـوده

ˆ~*¤®§(*§ الدهر غدّار §*)§®¤*~ˆ°



أستحيت من الدهرلشكي ظروفه"
"والدهر غدار ماقّـدر ظروفـي

ماعلى الدنيـا ومافيـه حسوفـه"
"الحسوفه يوم منهـا زاد خوفـي

مايحّد الرجل لين يزيـد خوفـه"
"غير هـمٍٍ لايشـاف ولايشوفـي

أه من هـمٍٍ عيونـي ماتشوفـه"
"من زمانن ساكنن في وسط جوفي

أن جزاني خيرماشفـة معروفـه"
"وأن جزيته خير ماشاف معروفي

كل ماوقـف وجردلـي سيوفـه"
"قمت في وجهه وسليت السيوفي

وأعتبرت المره الأولـى بروفـه"
"مير جات الثانيه عميا الوصوفي

لابها رحمـه ولافيهـا مروفـه"
"ياكريم بحالت المسلـم تروفـي

مسلمٍِ يكتب من السنـه حروفـه"
"ماأقتداء باللي يعكسون الحروفي


ˆ~*¤®§(*§ الخــطيّة §*)§®¤*~ˆ°


سامح الله من قصدني واعتمدنـي بالخطيـه
من قريبين الجدود ومن بعيديـن الجـدودي
دايـمٍ مايفلـح اللـي غيّـر النيـه بنـيـه
-والخطيه كان ماتنقص تراهـا ماتـزودي
خابر انك ماتـروح بعيـد يـاراع الرديـه
لو مشيت (2000) كيلو ماتعديك الحـدودي
انـت طرقـيٍ معنّـى لاشـداد ولا مطيـه
لا انت فتال العقود ولا انت حلال العقـودي
لو تحّزم بالرصاص ولـو نقلـت البندقيـه
الرصاص يذل والبندق تذل مع الشـرودي
هبّ وانا راعـي العشـوا وخيّـال العبيـه
كيف يارخو العضود تضد مفتول العضودي
والله انـي لا كليـل ولاذليـل ولاعلـيـه
مير احسب لي علومٍ مابقي منهـا وجـودي
احسب حساب الرفاقـه والمـروه والحميـه
حشمة للطيبين اللـي بعضهـم فاللحـودي
نظرتي فالطيبيـن ونظـرة الحسـاد فيـه
كلها نظرة حسد والعود في عين الحسـودي
والله اني ما ادعيـت بحجّـةٍ ماهيـب ليـه
حجتي ما تنجحد واللي جحدها من شهـودي
خافوا الله يالقضاه اللـي تعرفـون القضيـه
الصحيح يسود والباطل مصيره مايسـودي
لامطالبكـم بديـن وذمتـي منكـم بـريـه
مابقي غير العلوم اللـي يبيحـن السـدودي
بيّنٍ عيد رمضـان وبيّـنٍ عيـد الضحيـه
ياعسى الاول يعود وياعسى الثاني يعـودي
ياقطن جاتك مزوّعـةٍ مـن الحـرّه طميـه
مستخفّه عقب كانت لارمـوح ولاهبـودي
ساقها عشق الجنـون وساعدتهـا الجاذبيـه
لين عدتها الجبـال المستطيلـه والنفـودي
معجزه في عصرنا الحاضر وعصر الجاهليه
الهوى صاب الحجر مابه قلوب ولا كبـودي
وين قيس بن الملوح وين ليلـى العامريـه
كيف ماينصفهم اللي ينصف ديانـا ودودي!!
والعزا فيما بقى واللـي بقـا فيـه البقيـه
مرة الايام بيـض ومـرت الايـام سـودي
يالله اجعـل خاتمتنـا بالسـلام وبالتحـيـه
ونتوفى محرمين وفي حرم ربـي سجـودي

ˆ~*¤®§(*§ انا هواوي §*)§®¤*~ˆ°هبت هبوب أهل الهوى والهوى صلف"
"وأنا هواوي والهـوى نصـف دمـي

بيني وبينـه صلـب مابيننـا حلـف"
"أصل وفصل من راس خالي وعمـي

أنا هوى بالـي ثـلاثٍ مـن الألـف"
"ثـلاثٍ أسماهيـن تكيـد المسـمـي

وباقي الهوى طفته وعني قعد خلـف"
"لانيـب لايمـه ولاهــوب يـمـي

وأنا ليا أدركت الثلاث التسـع زلـف"
"والسبـع والتسعيـن ماهيـب همـي

وضربٍ بحد السيف ومذرب الشلـف"
"أهون علـى مـن مطلـبٍ مايتمـي

عندي كرامـة نفـس والفتهـا ولـف"
"أحبهـا حبـي لبـويـه ولـامــي

أحيا وأموت بطيّب الصيت والسلـف"
"ولا نظرت أبنظرتـي تحـت كمـي


يتبــع

[رائـــد العتيبي]

قــصــائد متميّزة
بأفكار مبتكرة
ˆ~*¤®§(*§النت وfm و mbc §*)§®¤*~ˆ°

الايالغرام اللـي بدايتـك كايـن حـي
نهايتـك كايـن حـي كالمبتـدى والا

سكنت القلوب العاشقه منت ساكن حـي
وياماويامـا مـن سبايبـك كــم والا

نهايتـك شمـسٍ حارقـه ماتحتهافـي
ولالك من الوافيـن صاحـب ولاخـلا

اخاطبك من مبدى جروحٍ تبقـت فـي
وعذابٍ على دروبـك مابقـى ولاخـلا

وانـا والله انـي لابخيـلٍ ولالاشــي
معاش الذي يقضي مدى العمـر ماهـلا

لاكن انت دايم كـل مشيـك ولالاشـي
هلالٍ عليـك ايهـل واهـلال ماهـلا

كشفناك عبر النت وfm وام بـي سـي
وصبرنا عليك وصبرنـا المنتظركـلا

هذا الشكل والمضمون لاكن وضعك سي
ماتنفع معـك حاشـا ولـو اختهاكـلا

قبـل لاتهياياغرامـي لنفسـك هــي
منـاخٍ ملايـم فيـه تسكـن وتتسـلا

بدايتك كايـن حـي وانهايتـك لوهـي
كما ابدايتك تصقـل سيوفـك وتتسـلا


ˆ~*¤®§(*§ سين + شين §*)§®¤*~ˆ°

سوق السوم للسوم والساس الفلـوس
شوف المشترى ويش واشتربالقروش
سلم واستلم سلم والسلـم امحـروس
شرط المشتري ماش به شي امغشوش
سافـر والسفرسراساسـي للنفـوس
شرف بالمشاريف واتشوف الوحوش
سرالسبت بالسبت سابق وامغـروس
شرللبشرشايلـه شــارون بــوش
سـار السووالسـو سنّـه للمجـوس
شكله بشع والبشع تشغيل الخـدوش
سداستارة السـاده السايـس يسـوس
شرٍللشريريـن حـواشٍ يـحـوش
سوسٍ للسنون افترس واخس سـوس
شئيٍ شيب الشاب تشييب الرمـوش
ساد الروس رئيس وراسه مايـروس
شيشاني تشيكـي تشابـه بالدشـوش
سيف السم بالسم سامـك وامغمـوس
شررشذرته شارب الشرب الدهـوش
ساعه بالسنه سببـت اسواضـروس
شرقٍ شب شعله وغاش الشرق غوش
سور السجن دنّـس اسيرٍوامحبـوس
شوه شكل الاشبال نقـاش النقـوش
سبارالسخافـه وتفسيـخ اللـبـوس
شتمٍ للشرف والشرف شيخ امخدوش
ساهـم يامساهـم بتسييرالهـجـوس
شاعر ماشعـر لاينـاش ولاينـوش
سالي بالمجالـس وساحتنـا عبـوس
شاب الشوق والشاب ماحمش يهوش
سميت الاسامي وسميـت العـروس
شفـي يالنشـام اتمشـون الجيـوش

ˆ~*¤®§(*§ شاعر ولاعندي طموح §*)§®¤*~ˆ°

بعض الجروح الها مكانـه فالجـروح
الهـا مكانـه تنفـردعـن غيـرهـا

تثبـت مكانتهاتـجـي والاتــروح
وتبقـى مواجعهـا مـدى تاثيـرهـا

وجـه الشبـه فالجـد واردفالمـزوح
والبعديجعلهـا تـواصـل سيـرهـا

هـذا واناشاعـر ولاعنـدي طمـوح
ازيدبعـض الشـي مـن تقديـرهـا

الصمـت حكمـه والسرايرماتبـوح
كـم خيـرةٍ للنفـس مـن تاخيرهـا

تنـوح يـاورق الحمـام اوماتنـوح
الـسـدره الخضراءيغردطـيـرهـا

وان كان انا عندي غموض ابلاوضوح
بعض الصراحه غامـضٍ تبريرهـا

كم عاش نوح وكم هلك من قوم نـوح
احــداث والله والـيـاُ تدبيـرهـا

والاادمي مخلوق جسـم وفيـه روح
احيان تكسـب شرهـا مـن خيرهـا

دام الحيـاه احـلام وابـروقٍ تلـوح
يامفسـر الاحـلام وش تفسيـرهـا


ˆ~*¤®§(*§ ادد + دود §*)§®¤*~ˆ°

ضيف الله اخترت القوافي والطواريق الجدد..حي الجـدد
اللي سريعه فالنـدب واللـي بطيـه فالردود..عندالـردود
اسرع ندب من صنعة البلجيك سمحات الخدد..شقر الخـدد
واثقل من احمول البواخر بالكناتر والشدود..تول الشـدود
يقراهن الشاعرويحفظهـن خيالـه بالعدد..حفـظ العـدد
حرفٍ بحرف وكل حرف الياوردحرف امعدود..واناامعدود
الساس ساس المعرفه والبني اخير امن الهدد..مابغى الهدد
ابني على المبني بني وابني من البني امهدود..غيرامهدود
مثل الجسوراللي مصممةٍ على وزن القدد..حسـب القـدد
اومثل طيٍ بالحجرتطوابه اعمـاق العدود..طـي العـدود
مااطلب من الناس المدداطلب من الرب المدد..نعم المـدد
مدالكريم اخير وابرك من جزيلات المدود ..كـل المـدود
والياعطايعطي ولايرجـي مـن النـاس الردد..لوالـردد
جزلٍ ثمين الفضل والعرفان للرب الودود..نعـم الـودود
عساعيـون الحاسديـن اللـي تناظرباللدد..عمـى اللـدد
حتى يعودشوفهابيـن المدامـع والخدود..فـوق الخـدود
عـزالله انـا ماتوايقـنـا عـلـى سدالسدد..سدالـسـدد
تبقى السراير بالضماير لو يبيحن السدود..ياهـل السـدود
كنامنـول ننطـق الغـده علـى جمـع الغدد..واثرالغـدد
ماتتفق مع قولة افلان اصبح اليوم امغدود..ويش امغدود؟!
وكنا نقول افلان وابن افـلان فالـلازم سدد..نعـم سـدد
واثرماكل اللي بـدا فـي لازمٍ يحسـب سدود..الاسـدود
لاهنت ياعـون الرفيـق النـد الامثـل للندد..نـد النـدد
رمزالكرم منصى الرجال وضدلخصـم اللدود..ضداللـدود
ياعزوتي فالماقف اللي فيه ضدامـن الضدد..ضدالضـدد
يتاج راسي ياحزامي من على عهدالجدود..نعـم الجـدود
يامجـرب الايـام انامثلـك وفـي هذاالصدد..هذاالصـدد
يامابذلنافيه مـن جهـدٍ يعدينـا الحـدود..ورى الحـدود
ناطاعلى روس الافاعي والشكاعي والكدد..شـوك الكـدد
والله ولاقرطوع بعد اسبوع من ديس الكدود..قشرى الكدود
نطـرح بددنجمـع بددماتجتمـع كـل البدد..كثرالـبـدد
خلاالبدد تطلـع بـدد زايـد بـدد كـم البدود..عدالبـدود
ومن لانفع وقت الرخامافادفي وقت الشدد..وقـت الشـدد
مايصبرالاكل رجالٍ علـى الشـده شدود..عزمـه شـدود
ومن يزرع المعروف اخير امن اللذي يزرع فدد..يحصدفدد
ولاخير فاللي مع بني عمه عن الواجب صدود..ماله صدود
وان كان للحر النـدواي وقـت وايسمـى هدد..قالوهـدد
مـال النـدواي قـدوالا نـد مـن بدالندود..مهماالنـدود
والله يـود الخيرللـي عنـده لغـيـره ودد..عـنـده دد
والله يضداللي مع المخطي على ربعه ضدود..دايم ضـدود
والقاف تـم اللـي بنيـت ابدايتـه علـى ادد..مبـداه ادد
وانهايته وانهاية ابن ادم سـوى واالفـظ دود..فالقبـر دود

[رائـــد العتيبي]

الــقصائـــد الــــوطنــيـةˆ~*¤®§(*§ للدار عز وعزته بالرياجيل §*)§®¤*~ˆ°



للـدار عـز.... وعزتـه بالرياجيـل
وللمجد شخصية .. وللحكـم... هيبـه
وللسيـف دور وللسياسـه مكايـيـل
وللعقل حكمه في الظـروف العصيبـه
وللشرع عن غيره مكانـه وتفضيـل
من لااتخذ غيـره ذريعـه.. رضيبـه
هذا هو الموجز... واجيب التفاصيـل
في كل شطـر ابـداه.. ولا انتهيبـه
هذي صفات اهل الصفـه والمفاعيـل
وارض حوت بيتيـن مكـه وطيبـه
ارضٍ حموها بالسيـوف.. المصاقيـل
اخـوان نـوره.. فالليـال الصعيبـه
امثبتين الملك.... جيلٍ بعـد... جيـل
وتاريخهم جيـلٍ.. لجيـل... يحكيبـه
سلايل اللي يتعـب الجيـش والخيـل
عبدالعزيز ابـن الاصـول العريبـه
ياقف له التاريخ... قـدرا.. وتبجيـل
واليا انتهـى بـه ماقـفٍ... يبتديبـه
واجبال نجد الراسيـة... والغراميـل
وارض وطـاه وكـل عيطـا رقيبـه
والسيف ابو حديـن والخيـل والليـل
والسرج والصهـوة وكـور النجيبـه
تشهد وتشهد لـه ريـاض ومداهيـل
ويوم عبـوس وليـل... ماينسريبـه
اقبـل معـزي.... والمنايـا مقابيـل
على عدوا جاه... واشيـب.... شيبـه
حاضر بحاضر ماحصل فيـه تاجيـل
الفعـل حاسـم والمضـارب عطيبـه
برق المصقل فـي رعـود المقاتيـل
رد البـرى بيـن الحريـب وحريبـه
ونادى المنادي وانصتوا لـه مذاهيـل
الحكـم لله ثــم لـلـي حضيـبـه
وردوا بتكبـيـرن وردوا بتهـلـيـل
وسمعا وطاعـه والمشاعـر رهيبـه
وزال العسـام وهـل وبـل هماليـل
يسقـي الديـار الممحلـه والعشيبـه
رحمة من الرحمن سيـل بعـد سيـل
مافـيـه دارٍ مايسـيـل شعـيـبـه
والناس عقب المـر شربـوا تهاليـل
وكـل يـنـام ومـرقـده يهتنيـبـه
يامنـزل القـرآن وكتـاب الانجيـل
ياسـامـع الـداعـي ويامستجيـبـه
تجعل لبـو تركـي مقـام ومنازيـل
فـي جنـة الفـردوس يالله تثيـبـه
وتحفظ لنا اللي عدلهـم يعـدل الميـل
اعيالـه اللـي طيبهـم زاد طيـبـه
فـي راي ابوفيصـل ولافيـه تبديـل
تخضع عدانـا بالرضـا والغصيبـه
الحاكـم اللـي ماتحـلـه حلاحـيـل
مـن هيبتـه كـل الحلاحيـل اديبـه
تخضع له العالم وترسـى الاساطيـل
وعلـى العـدا يـوم اللقـا يندعيبـه
للضـد ضـد ويثنـي المـد والكيـل
ولا احـدٍ يضـده ضـد مايلتجيـبـه
محـدٍ علـى رايـه لقالـه مداخيـل
الـراي رايـه والـعـرب تقتديـبـه
هذا وابا استشهد بكلمـه مـن القيـل
كلـمـة زعـيـم كلـنـا نعتزيـبـه
شرب المصايب مثل شرب الفناجيـل
كفـو يبـو فيصـل ولاهـي غريبـه
قول وفعل ماهيـب خدعـة وتمثيـل
نـدري ولابــه عـالـمٍ مادريـبـه
يابو الوطن واهلـه وغيـث المقاليـل
حفظـك مـن لاتعلـم النـاس غيبـه
واطـال عمـرك يابعيـد المنـاويـل
انته محـب الشعـب وانتـه حبيبـه
وولـي عهـدك للصعيبـات حلحيـل
بلسـم دوا جـرح الحيـاه وطبيـبـه
شر علـى سـود القلـوب المعاليـل
وخيرٍ على شعـب البـلاد الرحيبـه
وافــي ولله الـوفـا والتكـامـيـل
نعـم العضيـد النايـب اللـي تنيبـه
وشعبك شرب حبك ولو يشرب النيـل
حبـك يذيـب المـا ولا المـا يذيبـه
ولـو الليالـي بالمشاكـل محامـيـل
الشعـب وافـي والروابـط صليبـه
واللي يخون العهد مـن غيـر تاويـل
ماهـوب زايـد صفنـا وش نبيـبـه
اكبـر عـدو كنـا نعـده اسرائـيـل
وجتنـا سرائـيـلٍ هنـيـا قريـبـه
شرذمـةٍ تسعـى بفتنـة وتضلـيـل
وتدفع على الفتنـه جثثهـا ضريبـه
ياقاتـلٍ نفسـك نهايتـك فـي ويـل
مافـي هـذا شكـه ولا فيـه ريبـه
ان كنـت لاتعلـم مصيبتـك بالحيـل
وان كنـت تعلمهـا فتلـك المصيبـه
والله عجايـب هالزمـان وتهـاويـل
وش رايكـم ياهـل العقـول اللبيبـه
مايصلـح العقـال غيـر الجهاهيـل
اجل علـى الدنيـا نحـط النصيبـه
يامـدع الاصـلاح وتحـط وتشيـل
وانته من الراعـه ضلوعـك حطيبـه
لامصلحٍ نفسـك ولا مـن محاصيـل
خايب وظنك خـاب والـراي خيبـه
لاجـي منافـق تدعـي بالاباطـيـل
وتـشـوه الاســلام يامفتـريـبـه
لعـل مالـك مـن مراحـك تساهيـل
ياللي لجيت مـع الوجيـه الغضيبـه
جعله مراح الفيل واللي علـى الفيـل
لا ردك الله مـن هـذيـك المغيـبـه
خـادم يهـود وتشتغـل بالمراسيـل
حـمـال للاسـفـار وده وجـيـبـه
ماتعلـم انـك فـي مهونـة وتذليـل
ايّـات ديــن ومـذهـبٍ تدعيـبـه
الدين واضـح مثـل نـور القناديـل
ولاانتـه بمفتلّـه ولا انتـه خطيبـه
اتكـفـر العـالـم بلـيـا دوالـيـل
وتسعـى لقتـل المسلـم وتستنيـبـه
وتضحك على بعض الضعوف المهابيل
وتزجهم مثـل الحطـب فـي لهيبـه
واصحابـك اللـي ينقلـون الزنابيـل
راحـو سريبـه كلهـم فـي زريبـه
ذاقوا من اسبابـك عـذاب وغرابيـل
وفالاخـره كــلٍ إلـهـه حسيـبـه
واضرب مثل واصدق مثـل للتماثيـل
من لايحـس العيـب ماشـاف عيبـه
هذي هي اللي مالهـا ايـات تحليـل
ان يفـعـل الانـسـان مايستعيـبـه
ياللـي تبلبـل كلهـا ايـام وتـزيـل
الــذل مـالـه سـلـمٍ تعتلـيـبـه
تايه مابين الشرق والجـدي وسهيـل
واللـي تقـدا فيـك ينشـق جيـبـه
لابـد ماتقضـي عليـه المحابـيـل
ومهمـا بلغـت نهايتـك فالحقيـبـه
وتندم ندم قابيـل مـن قتـل هابيـل
من طـال بـه سقمـه تـراه يغديبـه
شانـك قليـل وكـل يـومٍ بتقلـيـل
ياللـي وطنـك مـع العـدا تعتديبـه
للشـر نـاس وللشكالـه مشاكـيـل
ومـن لا يحسـب شرنـا يبتليـبـه
حنا رجال الامـن واهـل المواصيـل
اللـي عليـك ومـن يطيعـك تعيبـه
وحنا على الخايـن عقوبـة وتنكيـل
وامن الوطن واهل الوطـن نعتنيبـه
وحنـا بهدفـات الكراسـي نواجيـل
لو الضريبـه سلـك فبـره نصيبـه
مـن غلنـا علـى الكبـود المغاليـل
نحطهـا بيـن النـحـر والتريـبـه
نكسب رهان اللـي يحـط المعاديـل
والغلـب مـنـا ماعليـنـا غليـبـه
يادارنـا يـام الرمـوش المضالـيـل
انتـي حبيبتـنـا ونـعـم الحبيـبـه
يفـداك منـا الحـي واللـي مقاتيـل
فـي واجبـك نمشـي كتيبـه كتيبـه
بارواحنـا ثـم بالدعـا والتباهـيـل
للـي صغـار النمـل يسمـع دبيبـه
نحمـي وطنـا ونتـقـدم زرافـيـل
علـى العـدا والمـوت نـارد قليبـه
والعـز بالله ثـم حـدب المصاقيـل
والـذل نقمـه والتهـاون مصيـبـه

[عــمـــر]

يعطيك العافيه

على هالقصايد , وهالنقل الجميل

وصح السان قايلهاااا ولاهنت





تحياتي

[حزيمي]

جمــــــــــــــيل جـــــــــــــداً

وشـــــــــكــــــــــراً للكــــ أخي رائد

[رائـــد العتيبي]

لهنتوو يربع


صح لسان الشاعر ابو فيصل

اللة يعافيكم

رائد