فـاروق الكـــسر المـــرشدي

[حزيمي]

ياطير ياللي فالمنيف متعالي=في راس مهيوب الكنف شامخ الجال

لاواهنيك داله البال خالي=من خلقتك ماناش بالك غثا البال

تشم ذعذاع البراد الشمالي=وتزم لعيونك شخاليف الأقذال

لاحد يطوحلك ولاحد يلالي=ولاحد على جولك تجرى ولاجال

الصبح تشهر فوق روس الطوالي=والعصر تدلي للعشا كل قتال

ومعرض طرق الهوى كل غالي=بياعها لوكان ماجتك بريال

تطرح لحالك فالقفور الخوالي=ياطير ياطلق السجايا والأفعال

عفت المواطي لين نلت المعالي=سبحان من خلاك للعز تمثال

ياطير يومنك عديم الخصالي=كن الطيور لحالها وأنته لحال

كنك وأنا ياطير كني لحالي=لالي ولد عم ولالي ولد خال

ماغير دنيا تصطلي فوق صالي=قالت عليه لين كدر الدهر قال

شاورت فيها اهل العقول الثقالي=وقالوا تلج بملجي الخايف الذال

واصبر على جور الدهر والليالي=ترى الصبر محمود في كل الأحوال

ولابد فالأيام مر وحالي=ماعمرها دنياك قرت على حال

وترى الدهر له ميلة واعتدالي=والعمر تحداه المنايا والآجال

مالك ومال الضيق يابن الحلالي=المقبل أقبل وانت مازلت فالزال

قل للحياة بطيب مابك تعالي=وأنطح هواها بالفرح والتهلال

ودور على عهد الوفا والكمالي=ضلع يلين ويعدل الحمل لامال

واخفض جناحك للرفيق الموالي=وخلك لعطران الأشانيب مدهال

وإشعم سنا ضوك وحط الدلالي=ترى الدلال بها طرب كل رجال

ومجلسك خله مدهل للرجالي=وطهر جنابه عن هل القيل والقال

واختر سمان الهرج واجف الهزالي=واقلط على الأجواد وأنح عن الأنذال

[حزيمي]

على حد السراب اللي لمع للعين وأغراني =تخيلتك وأنا اشرب من بحورك يالسراب بحور

وأنادي طيفك اللي كل ما ناديت ناداني=وأجي يمه ولا ألقا يمه الا عطرك المنثور

تعبت أتصور حلم السنين وملت أزماني =تعبت ألملم جراحي وأداري قلبي المكسور

وترحل ما تركت إلا الطعون ودمع الأعياني=وترحل ما تركت إلا الظلام اللي نساه النور

يطول الليل لعيونك يطول وتكبر أحزاني =وأنا ما همني..ما همني غير أنت يالمغرور

ولكن عاد ربي ما كتب لي غير حرماني =ولا ظنيت لي حظ معك يابو العيون الحور

أبفنا مانسيك.. وانت من باكر وتنساني =ألا ياللي اختزلت العمر كله في ثلاث شهور

على قولك تبي تلقى بدالي واحدٍ ثاني =توريه العذاب وتتركه في غبة الديجور

[محمد العتيبي]

حزيمي

صح لسانك ولسان الشاعر فاروق الكسر المرشدي

ولاهنت على النقل

تحياتي

[ملاك]

صح لسااانك

ويسلمووو على القصيده

[إبن ثعلي]

مشكور يالحزيمي على حسن الاختيار وصح السان الشاعر فاروق الكسر
تحياتي

[عــمـــر]

يعطيك العافيه

صح السانك , والسان قايلهاااااا

واختيار موفق , لاهنت




تحياتي