((الجــــــــــيـــــــب))

[ذيب السرية]

هذي القصيدة مهاة للاخ :سالم بن مغلي البقمي

ياماحلىاللي لامشى يقطع اللال
يقطع صحاصيح الخلا والصحاري

هومنوةاللي يشتكي ضيقة البال
اللي جرالة في زمانة جواري

ياخذعلية مع الفيافي والاقذال

سجة يسج بلا هموم وطواري
لاتلة السواق مع جرد الاسهال
يطوي سباريت الخلامايداري
يلطم حصاها في جنوبة ليا مال
مع خايع منحاه جاك متواري
وليا نشى من يمة القبلة خيال
نشى من المنشى وجالة مواري
يبرق ويرعد والمطر هل همال
وقامت تملاية بطون الخباري
الجيب لو جال يصفق مع الجال
ماعوده راعيه يمشي مباري
يمشي على الصدام ماغير يشتال
ماكنة الا فوق قار وكباري
جيب جديد ماعلى شكلة اشكال
يسوى من النيسان مية سفاري
لامنة اقفىكنة المجرم الذال
ولامنة اقبل كنة الانتحاري
أمصمم تصميم يضرب بالامثال
ايواكب العصر الحديث الحضاري
فية المناظر كنة خدود بسكال
وخشمه كما خشم البعير الحداري
وكن السبيربموخرة حبة الخال
في خد رعبوب بزينة أيماري
هذاه مركب للزحول وللابطال
هذاه مركب مبعدين المساري
اهل الكرم والطيب والطالة امثال
زحل الزحول اللي على الطيب ضاري
سالم عريب العم والجد والخال
قرم القروم اللي يدوس الخطاري
حاز المراجل كلها طيب الفال
في مدحتة نفخر وفية افتخاري
نعمين ياللي للثقيلات شيال
اقولها ويقول ماقول غاري
من لابة بالطيب تضرب بالامثال
فعل علية ثبوت ماهي هذاري
اهل الوفاءوالجودماضين الافعال
وكلن عن افعال المرازيق داري
يومنها بالسيف مابين الابطال في ساحة الميدان مثل الضواري
خيالهم يسوى ثمانين خيال لاجاءنهار فية بايع وشاري
يشهدبهاالتاريخ مع كل الاجيال رواية مع كل كاتب وقاري
واللي يذم الجيب لو قال ماقال هذي على من ذم رد اعتباري
جتك القصيدة مير ياطيب الفال المعذرة لن كان قصر مشاري
الشاعر :مشاري بن رفاعي الروقي
الملقب(( بذيب السرية))

[سمران القثامي]

لاتـلــة الـســواق مـــع جـــرد الاســهــال
يــطـــوي ســبــاريــت الـخـلامــايــداري
يلـطـم حصـاهـا فــي جـنـوبـة لـيــا مـــال
مـــع خـايــع مـنـحـاه جــــاك مــتــواري
ولـيـا نـشــى مـــن يـمــة القـبـلـة خـيــال
الشاااعر الراااااائع/ ذيب السريه وصف رااااائع للجيب وخشم يستااااهل التوصيف

أخوك/ القثااامي

[طالع]

صح لسان يامشاري الله يعطيك العافيه

وياهلا والله ومرحبا ياولد العم

وان شاء الله نشوف لك اكثر من قصيده

[ذيب السرية]

الشكر كل الشكر لكم يا اعزائي صح بدنكم لا هنتوا

[راعية وناسه]

صح لسانك مليون اخوي ذيب السريه

والله لايهينك على هالجزله :)

[ساحر الكلمه]

وصف جميل من شاعر أكثر من رايع
وعلى القوة