شاعر روق ليلك طووووووووويل تعال جاي

[متعب العتيبي]

ياشاعر الـــروقه ايام الفتى إتدور = يعجبني اللي يحبون التحدي

طبيت سوق العقار وصرت هامور = والسوق في تالي الوقت امتردي

[شاعر روق]

ارحب يابو رشيد واستلم لاهنت


إعزم ورزق الفتى محصى وميسور=يامسندي ذخر ابوي وذخر جدي
والسوق مثل الجبل قمه وحادور=احدٍ مدحدر واحد فوقه معدي

[الإعصار]

متعب وشاعر روق
صحت السنكم والله لايجعلنا مع المدحدرين
عسانا مع المعدين
هههههه
تحياتي

[ابن مسلم]

صح لسانك يابورشيد

ولسان شاعر روق

[متعب العتيبي]

في سوقكم شفت عالم وسط طابور = الكل منهم لمداته يمدي
احدٍ يحاول يعمّر يبني الدور = واحدٍ بفعله لما يبنا يهدي

[سلطــان الحارثي]

صح السنتكم
وحنا معكم متابعين

[متعب العتيبي]

الاعصار
هلا ومرحبا
شرفتنا

[متعب العتيبي]

هلا ومرحبا يابو ضيف الله

شرفتنا بحضورك ياغالي

[شاعر روق]

إمقدم الطيّب إمجمل ومشكور=ومقدم الثانيه ماهوب ندي
والبني محروس باذن الله ومعمور=والبني الاخر لقى شفّي وودّي:)

[متعب العتيبي]

ياهلا ومرحبا يالحارثي
اسعدنا مرورك يالقرم

[شاعر روق]

الاعصار
ارحب وانت ان شاء الله انك مع المعدين مثل ماقلت
وشهادتي فيك مجروحه

تقديري

[شاعر روق]

ابو ضيف الله
مشكور ومجمل على حضورك
تقديري

[شاعر روق]

سلطان الحارثي
مشكور ومجمل على حضورك
تقديري

[الطوفان]

ابورشيد صح السانك


ابو سعود صح السانك


شعراء من الوزن الثقيل


واصلو الصفوف ازهلوها



تحياتي

[سلطان الحداري]

صح لسانك يابورشيد

ولسان شاعر روق

[متعب العتيبي]

بعض السوالف تسمى يارجل عور=والرجل له عقلٍ لدربه يقدي

لوهو ذبحك الظما وسنينك دهور =لاتشرب من القدح دامه مصدي

[متعب العتيبي]

هلا وغلا ومرحبا يابوعبدالرحمن
حضورك يشرفنا بلاشك
مار شجعني على المجرم هذا اذن الله ينصرني علاه
ههههههههههههههههههههههههه

[شاعر روق]

ماني مشكك بها والعور والصّور=في وقتنا لاتجيب ولاتودي
وانته توصي حكيمٍ طاعك الشور=وهو بصير النظر ماله مقدّي

[شاعر روق]

ابو عبدالرحمن ارحب
ولاتعاطف معه تراه يدحم بالجنب المتين
كافني شره واذاه

[شاعر روق]

سلطان الحداري
مشكور ومجمل
على جميل المرور
تقديري

[متعب العتيبي]

صحيح ماقلت خل الوضع مستور=مايجتمع ريح ثوم وريح ندي

اعرفك رجلٍ وفي مافيكم قصور=ماتلتفت للسخاف ولا تلدي

[شاعر روق]

احكمتها ياحكيم الراي والشور=علم بها اللي يجيب ولا يودي
شاعر محنك وفي الميدان دكتور=واللي سواتك معه ماضاع كدي

[متعب العتيبي]

صح لسانك يابوسعود
وبيض الله وجهك
سعدت بهالطاروق
وتصبح على خير

[شاعر روق]

صح بدنك يابو رشيد
واللعب معك منى كل شاعر
تقبل تقديري ومودتي
وتصبح على خير