قصيدة حبيب العازمي في بدهان الرمالي

[فلان الفلاني]

هذه قصيدة الشاعر الكبير شاعر المحاوره العلم
حبيب العازمي الاخيرة

يطلب فيها قبلان الشراري بالعفو عن غريمه بدهان الرمالي..





http://www.u11p.com/folder2/U11P_YVRS87bWU.rm


أليـك الملتـجـا ياذالجـلالـي
أليك الملتجـا فـي كـل حالـي
فمنك الامر والـك الامـر كلـه
بتحديـد المصيـر اول وتالـي
بيدك الملك والنـاس اجمعينـا
وتفعل ماتشاء يـاذو الجلالـي
الـهـي ياالـهـي ياالـهـي
عليك انت اعتمـادي واتكالـي
اسالك يامجيـب اللـي يسالـك
تحقق لي مرادي مـن سؤالـي
جوابـه مايكـيـدك ياالـهـي
ولايخفا عليـك اللـي طرالـي
الا يالله يامجـري الــذواري
ومسق الارض من وبل الخيالي
تليـن قلـب قبـلان الشـراي
وتعتق نفس بدهـان الرمالـي
سجينٍ من ورى الابواب ينخـا
رماه ابليس في درب الظلالـي
وندم كل النـدم بعـد اقترافـه
بذنبٍ ترتجـف منـه الجبالـي
ولكن رحمتـك علـى عبـادك
تكف الشمس وتمـد الظلالـي
واملنا فيك ثـم باللـي جعلتـه
يصيـر الحـق الـه ولايبالـي
وباناشـدك بالله يالـشـراري
تسامح والمسامح راس مالـي
ترى الرحمه من الله وانته ارحم
برحمة من جعلك تصير والـي
بجـاه الله ثـم جـاه المـبـدا
على كل العرب عالـي وغالـي
بجاه اللي امر بالصلح واصلـح
وسمح عن من نوى بالاغتيالي
ملكنـا اللـي يشرفنـا مجالـه
الى جا للـدول فخـر ومجالـي
نختك المملكه باسمـه واهلهـا
عبر شتى السبـل والاتصالـي
ونخاك العلم واصحاب الفضيلـه
وجولك من جنوب ومن شمالي
ونخوك الابرياء والشايب اللـي
على المعكاز مافيـه احتمالـي
ولـوان ابنـك المقتـول قاتـل
تخيل حاجتك عنـد الرجالـي ؟
ولاتعلم لـو انـك مـت قبلـه
او تبقى بعد موتـه كـم ليالـي
قبلـك الله ياقـبـلان تقـبـل
ثواب الاخـره يابـن الحلالـي
ترى الدنيـا تـزول وماعليهـا
وكل الخلـق قافيهـا الزوالـي
ولازال الامــل بالله بـاقــي
وبعـده فيـك املنـا لايزالـي
وفي وقفتك ياحسين اللحـاوي
وفي ربعك كريميـن السبالـي
هذي نخوه بعثها الك العتيبـي
وبعث معها العمامـه والعقالـي
وخذ منـي سويّـه يالشـراري
ولو مطلبك واحد مـن عيالـي
لتمم لـك طلبـك اللـي طلبتـه
بعد مااوحيـت مافيهـا جدالـي
وصلى الله على محمد رسولـه
ولله البقـاء والـه الكمـالـي

[أبو سعد الدلبحي]

لاهنت يا السنافي

[حسام هوازن]

يعطيك الف عافية يفلان الفلاني

على المشاركة القيّمة

دمت بخير

[فلان الفلاني]

صنهات
حسام هوازن

سلايل المجد


لا هنتوا على الحضور

تحياتي لكم جميعاً

[ناصر بن سعدي]

الغالي

فلان الفلاني


لاهنت على النقل المميز...


وصح لسان شاعرها...


وقصيده مؤثره ...لعل الله أن ينفع بها ..


وتقبل تحياتي ..

[( الشمالي)]

إبداع لايفوقه إبداع

أخي فلان الف شكر عزيزي على هالنقل المميز لشاعر ليس له شبيه بشعره


عسى الله يفرج لبدهان ويفك أسره ويلين قلب قبلان


طلب صغير وما عليك أمر يابعدي إذا تقدر تنزل له رابط حفظ لاهنت وأكون لك من الشاكرين


أصدق تحية من أخوك الشمالي