قم يا قلم ( مصافحه جديده )

[خالد الشيباني ا]

السلام عليكم

هذه احدى قصائدي واتمنى لها ان تحوز على اعجابكم


قم ياقلم شاركني الهم كله=انته رفيقي لاظلمن الليالي
في خطك الواضح ثمانين عله=بافكار قلبي وانت عالم بحالي
اكتب لاعز الناس وارجوك قله=ياليت يدري عن عذاب جرالي
قل له عشيرك مارضى بالمذله=له عزتن في النفس مثل الجبالي
سيف الكرامه في المحبه يسله=ينهان حبه مير تلقاه عالي
من كثر صبره صار صبره يمله=دايم طموحه في غرامك خيالي
ياما رقى باعلى الرجوم المطله=يقصد قصيده فيك تالي الليالي
غيرك مايعشق في المخاليق للـه=ومن زود حبك صاب عقله هبالي
هذا عذابه وانت قادر تحله=ارفق عليه ولاتزيد الجدالي
ياليت يسمع بيتي لامن وصله=كل خوفي انه مايلقيه بالي
يفوح قلبي بالهوى فوح دله=وتبكيني الذكرى ليامن طرالي
ياليتها بكيفي ثم اصير ظله=واتبع عديل الروح شرق وشمالي
عزاه للي في الهوى ضاع خله=تقطعن دونه جميع الحبالي
انا اشهد ان الحب مافيه مله=اوقع ضحايا عد حب الرمالي

[عبدالله المرشدي]

خالد الشيباني



صح لسانك


وحياك

وقم ياقلم اعجبتني


احترامي

[خالد الشيباني ا]

صح بدنك ياعبدالله ومشكور على المرور

[نايفة نجد]

خالد الشيباني


صح لسانك

قصيده رائعه بحق

تحيتي

اختك /نايفة نجد

["بيطـــار نجـد"]

خالد الشيباني

صح لسانك
قصيدة جزلة ومن راس جزل

ومطلعها ابداع يا شاعرها

تحياتي
بيطـــــار نجــــد

[من عتبان الكويت]

ابن مشيب

مساك ورد مصافحة رائعه وانا اقل من اني انقد قصيدة لمبدع شرواك


لكن ياخوي واللة اني فيني مرض على النقد لذالك عط اخوك الصغير مجال يعبر عن اللي بصدرة لا يطق ويموت هههه


عندي ملاحظة صغيرة وماهي شي ويمكن انها سقطت سهوأ مو متعمدها انت


اللي هي فالشطر اللي تقول فية

ياليت يدري عن عذاب جرالـي بها الشكل البيت مكسور والسبب بسيط وهو التنوين في كلمة عذاب اي تصبح الكلمة عذابأ وبذالك يكون الشطر سليم لافض فوك



الشغلة الثانية وهي ايضأ بسيطة لانك مبدع ماتركة لنا مجال ننقد اكثر .


فانا اشوف ان تكرار كلمة الليالي لو كان التكرار في اخر بيت او ما قبل الاخير كان ممكن ان نتقبل تكرار الكلمة كي تختما فيها وهذا فن بحد ذاته في صياغة القصيدة



لكن التكرار كان في نص القصيدة وهذا يقلل من جمالهااا



ابن مشيب صح اللسانك يامبدع منت بحاجة شهادتي عشان اشهد انك مبدع ولكن انت مبدع وشاعر جميل


الف شكر

[ناصر بن سعدي]

الغالي


خالد الشيباني

بيض الله وجهك ..وقصيده وافيه ..


لاتحرمنا من جديدك ...


وتقبل تحياتي ..

[عــمـــر]

صـــح الســانك , واااعتـــلااا شااانك

لاهنت ولا هان راسك , على هالرائعه

ومشكور وتسلم عليهاا





تحياتي

[المستقل]

صح لساااااااااانك يابن مشيب قصيده جزله لاهنت لاهنت لاهنت

[خالد الشيباني ا]

يعطيكم العافيه وصحت ابدانكم جميعا

واخوي ( من عتبان الكويت )

انت لم تضف شي جديد لان الكلمه اصلا منونه لكني لا اعرف كيف اكتب التنوين واعتقد ان قرائتها واضحه

عموما مشكورين جميعا على المرور

[ابن مسلم]

خالد الشيباني



صح لسانك


وحياك

[سعود حلمي]

من كثر صبره صار صبره يمله
دايم طموحه في غرامك خيالـي


بيض الله وجهك ..وقصيده وافيه

[جراح العتيبي]

اكتب لاعز الناس وارجوك قلـه=ياليت يدري عن عذاب جرالـي
قل له عشيرك مارضى بالمذلـه=له عزتن في النفس مثل الجبالي


خالد الشيباني


صح لسانك

[($صنديدالمقطة$)]

«®°·.¸.•°°·.¸¸.•°°·.¸.•°®»بسم الله الرحمن الرحيم «®°·.¸.•°°·.¸¸.•°°·.¸.•°®»


قصيدة جزلة من رجال جزل والله ما أقول الكذب القصيدة حلوة مررررررررررررررررررررررررررررررررررررررررررررررررر رررررررررررررررررررررررررررررررررررة