الشـــــــــــــــوق

["بيطـــار نجـد"]

قصيدة امل ان تحوز على رضاكم وتنال اسحسانك وترقى لمستواكم


الشــــــوق

طـال الصـبر والهجــر والبعــد والشــوق=وزاد الولــه يا نــاوي القلب بفــراق
وينك؟ علامـك؟ قل .. ترى الوقت بحقوق=والوقت ضاق وخاطر المنتظر ضاق
يرجـــي خـــــبر وصلك على كل منطوق=ويخـــيب ظـــنه بالاحــــلام لا فــاق
ويكتم صــدى الاهــات في قلب محـروق=ويصيح دمــع العــين من حـر الاشواق
غاب الفــرح و النـور يا لابـس الطـوق=مع وجهك المشرق كما شمس الاشراق
اقــول يا جــرح المــزايــين برفــوق=ارفـــق على روح(ن) هــواها بالاعـماق
شـــرع الهوى نصفين عاشق ومعشوق=ودرب الوفـــا ميثـاق من فـوق ميثـاق
ارسلــت لك قـلــبي به الـــود مـرفـوق=مــا عــاد لي حــاجة لمرســول الاوراق
امـا تـــرده في حـــياة(ن) لهـــا ذوق=و الا يمـــوت وعلــته كـــان مشتـــاق


وســــــــلامتكم

بيطــــــــار نجـــــــد

[ناصر بن سعدي]

الغالي


بيطــــــــار نجـــــــد

بيض الله وجهك ..نص رائع ..وأبيات لها رونق خاص ..


شرع الهوى نصفين عاشق ومعشـوق
ودرب الوفا ميثاق مـن فـوق ميثـاق

ولاتحرمنا من جديدك ..

وتقبل تحياتي ..

[عبدالله المرشدي]

بيطار نجد



فعلا بيطار شعر



صح لسانك


وعلى شانك


ودي وتقديري

[قناص]

صح لسانك يا بيطار نجد قصيدة جميلة بجمال قايلها ...

عندي ملاحظة بسيطة برسلها لك على الخاص لكنك مانع استقبال الرسائل الخاصة ... ارجو السماح باستقبال الرسايل الخاصة ...


محبك قناص ،،،

.

[قناص]

1111

["بيطـــار نجـد"]

اخوي قناص
اشكر مرورك
واشادتك

كيف اخلي الرسايل على الخاص متاحة
ما اعرف

["بيطـــار نجـد"]

اخوي قناص
اشكر مرورك
واشادتك

كيف اخلي الرسايل على الخاص متاحة
ما اعرف

["بيطـــار نجـد"]

سلايل المجد

صح بدنك
وشكرا على المرور العطر

بيطـــــــــــار نجـــد

[قناص]

رح للمكتب ( مكتبي ) في أعلى المنتدى اضغط عليه تطلع لك على اليمين لوحة التحكم تجد في الخانة الرابعة تعديل الخيارت اضغط عليها تطلع لك عدة خيارات من ضمنها الرسائل الخاصة تستطيع السماح بتلقي الرسائل من هناك ...
( فرق بين الرسائل الخاصة ورسايل البريد ) ...

.

[نايفة نجد]

شرع الهوى نصفين عاشق ومعشـوق
ودرب الوفا ميثاق مـن فـوق ميثـاق
ارسلت لـك قلبـي بـه الـود مرفـوق
ما عاد لـي حاجـة لمرسـول الاوراق


بيطار نجد


صح لساااانك

القلب نعم المرسووول


تحيتي

اختك /نايفة نجد

["بيطـــار نجـد"]

اخوي قناص
كل شي تمام عندي
انا مشر على الكل
الظاهر بطلب تفعيلها من الادراة

["بيطـــار نجـد"]

هلا بك نايفة نجد

صح بدنك يا الغالية
مرورك اسعدني من جد
لانك شاعرة مميزة

واشادتك اعتز فيها

فتحية
من بيطــــار نجــد
الى نايفــــة نجـــد

[المستقل]

صصصصصصصصصصصصصصصصح لسااااااااانك يا بيطاااار نجد لاهنت

["بيطـــار نجـد"]

المستقل
هلا والله

صصصصصح بدنك
مبسوط يوم شفت ردك
لان مرورك دائما مميز

تحية من
بيطــــــار نجـــــد

[قناص]

أخي بيطار نجد

أنت لم تفعل خاصية الرسايل الخاصة ...

["بيطـــار نجـد"]

قناص حاول ترسل لي ع الخاص اي شي

[قناص]

حاولت وتطلع ليث هذي الرسالة :
"بيطـــار نجـد" إختار عدم تلقي الرسائل الخاصة أو لا يسمح بتلقي الرسائل الخاصة. لذلك لن تتمكن من إرسال الرسالة اليه.

["بيطـــار نجـد"]

مدري

انا معلم على تفعيل الرسائل الخاصة
معلم على كل شي

كلمت ادارة المنتدي ناصر بن سعدي
وارسلي رسالة خاصة

مكتبي == خيارات == تفعيل الرسائل الخاصة

وش بعد؟؟

[قناص]

رسايلك تاصل لي ورسايلي ما تااااااصل لك

اذا امكن ارسل لي بريدك الالكتروني على الخاص ...

.

[ابن مسلم]

بيطار نجد



فعلا بيطار شعر



صح لسانك


وعلى شانك


ودي وتقديري

["بيطـــار نجـد"]

ابن مسلم

صح بدنك
وردك كنت انتظره
لانك علامة مميزة في هذا المنتدى
اشكر حضورك
وتواصلك

بيطـــــــار نجــــد