الليل يالشعار

[الطوفان]

الليل يالشعار



سلام رديةٍ تصحي جميع النيام=وللي مايصحي دفنته داخل المقبره

اشوف لي من بعيد يلوح مثل العسام=ثلاث لقحات واربع حمر مستنفره

[ابن مسلم]

صح لسانك وانتظرني دقيقه وجايك الرد إن شاء الله

[ابن مسلم]

الله الله الله

صح لسانك يابوعبدالرحمن ووين ايامك يارجل


دام البقاء ومن يسلم يستحق إحترام= لوكان بعض الليالي مايخلي (إ)قشره
ربك ستر باللحم يا صاحبي للعظام = واللي إنكشف قدم عينك طيعني وأستره

[ابن مسلم]

مكرره

[الطوفان]

صح بدنك يابو ضيف الله ومن حضر ماغاب

واستلم




الواجب انك ترحب بعد جاك السلام=لاتقول لي ماذكرت الامر والمعذره

حنا نعلمك لو نبغا كثير الكلام=ماتدري انا سوات العودفي الحنجره

[حسام هوازن]

الطوفان وابن مسلم

يعطيكم الف عافية على المحاورة

وكلنا معكم صف واحد

[ابن مسلم]

إيييييييييييييييييييييييييه

قنبعت يالطوفان مار الله يعين


بالطيب من يجتهد ماعاد يلحق ملام= ومن لاشكرني بعد ربي أنا ماأشكره
انهاك لاكن على الشأانه يصيبك هيام= ياللي لحد قبره بيمناه عقب (إ)حفره

[ابن مسلم]

حسا هوازن

صح بدنك وحياك الله يابن العم

وجودك شرف لنا

[الطوفان]

طيب طيب



لو قلت لك سيرالخطوه ووجهتك شام= تضيع فى الميمنه وتضيع فى الميسره

عظمك طري لاتزاحم به نهار الزحام=ارتاح وقعد لحالك تحت ظل الشره

[الطوفان]

حسام هوازن

صح بدنك واسعدنا حضورك

تحياتي

[ناصر بن سعدي]

الغالين


الطوفان...وإبن مسلم ..


وطاروق كايف ...

لاهنتوا....واصلوا ...والصف مع الطوفان ولايهون إبن مسلم..

:)

واصلوا..

[ابن مسلم]

صح لسااااااااااااانك



بالشعر شكرك على لسانٍ سواة الحسام= من يعترض في طريقه قام وشق إ نحره
أثني عن اللي رقد والحظ لاقمت قام= كم عظم قيد إنجبر واجيه ثم أكسره

[ابن مسلم]

ابك العلم ويش الرد مايطلع عندي هومن جهازي ولامن عندكم يالاداره

[الطوفان]

هههههههههههههه

وينك يابو سعود عاني استفزيته



دايم حسامك يوقع فى الحجر ياغلام=انت تهدد ولاحركت في اشعره

شبعت حتى ايش لو جالك ردوف وسنام= انت تدور عشاك اشعير ولا ذره

[ابن مسلم]

ناصر بن سعدي

حياك الله

وجودك شرف لنا سوى معي ولامع الطوفان

[الطوفان]

ناصر بن سعدي

اررررحب وصح بدنك وقوفك بصفي شرف

تحياتي

[الطوفان]

هههههههههههههههههههه
وبك نفس المشكله عندي مالك غار تضغط على الرد على موضوع وتطلع لك الردود الاخيره

[ابن مسلم]

وين رحت يابوسعود لاتجي تضحك معي على المهبل الله لايبلانا


النور لابان يالطوفان يجلى الظلام= وذياب شلفاه جت في اللحم تحت (إ)حجره
من سمع قولك يحسب إنك تعشى نعام= وأنت بجريدك تلعب لك بجنط إ كفره

[الطوفان]

ههههههههه

طيب طيب استلم



حنا نصيد النماره والحجل والحمام= لكننا مانحب الطيش والهستره

والموتر اللي صدمه ضلع روح عدام= ماعا يصلح ولو ودوه للسمكره

[ابن مسلم]

الله الله الله

الله يعينا وياك ههههههه


وحنا نعسف الصعب ونحط فيه الخطام = ويطيع عصبٍ عنه لوكان فيه نعره
لياصارحاشي(ن)حرام وناقةٍ ماترام= الصبح تسمع رغاء الثنتين في المجزره

[الطوفان]

اليا عسفت الصعب خله بصدرك وسام= وافطن لايضربك سيف الملتهب عنتره

الناقه اللي تعشر مالها الا اللحام=الحر معروف والا العبد خنفره

[ابن مسلم]

أستلم يابوعبدالرحمن وتصبح على خير


الله يعينك على دنياك يابووئام= بك جرح ماينرقع لوخيطوه عشره
ومن لايظيم العداء بكره لك الله إ يظام = ومن لايسر الجماعه مايعد إثمره

[الطوفان]

دنيايى والحمد لله كلبوها تمام= يومٍ دنياك فيها سر ومشفره

من لايصلي فريضه مايصل القيام=افطن ختامك يصير الطق والطنبره

[فهيد مقعد الرويس]

الطوفانٌ**ابن مسلم

امتعتونا بالطارو ق الجميل

الله يعطيكم العافيه

وصحت السنتكم جميعاً

تقبلوتحياتي

[شاعر روق]

اعذروني يالربع ماوصلت البارح الا متاخر
كنت العب مع الزلامي وحبيب وابلشوني واخروني<<مالها مطار تحلق سنه ماوقعت

واصلوا يااثنين وازهلوا الصف